Daniel 5:11 - Fanawbuid tagsibaliwas Fakayabian

¹¹ aroro e sik taw ste sim fagfagtainanan tagsi anya ngay dius at falad. Ebi gina am mama Nabukudunusur gfunan, kanya fag taw nafalag at fagsafulun takata ngay dius at fagsafulun. Am mama nafili anya sik tagfangguna sa sangay tagsaful gfasure at ngay madulo, tagfangufit, tagfangalga siginans galeme ay taginsaful.

Daniel 5:11 ပူးပေါင်းရင်းမြစ်များ

Fakasigadan 41:38

Ay kanya nalong sat ngay fagsuguan te, “Watam e nalag tibak taw takata Use, Dius at Falad tagsi anya.”

2 Samwel 14:17

Siginan am algan sa angku takatanya anke fagmanabayanun au, aroro kata o Yawi at tagbarita, tagsaful tua at masine ay at mauri. Yawi ban nangus galo tua gugat emu.”

Esekyel 28:3

Gamatangan o te, amamatanganan yap tuo Daniel ay wo e fagyudun saful at masuksuk.

Esekyel 28:4

Anramraman o siginan am fagmamatanganun ay am fagsafulun; nafaful o ngay gintu ay sanbung salapi sam fagfungsuan.

Daniel 1:4

Filii at maseganama, mataglu, maleleg, at masakit kae fagsafulun ay masine laman ku ngay fagsuguan.” Ay fun Nabukudunusur nasugu sas Aspenas te, “Foyungi yangay sa anya fagayu, tam fangaringang ay tam ngay rirukan.”

Daniel 2:11

Em fun, am fagetun maksvn nu maidap. Ngay fagsegan way lang at mafafakamulun takatanya, dewa katanya, kanya fagayu wa gbanwan magamut si sangay taw.”

Daniel 2:22

Kanya wan tagfayamag at ngay masuksukan ay at maidap. Siwa anya famayamag ay nasaful nusnge wain tagsisad dulum.

Daniel 4:18

Au, fun Nabukudunusur, nataginfan au takatanya. Beltesasar, katsi get au emu te, fayamagi sa angku ku taginfan at masuad aroro we tagfangatulun si ku fagfagtainanan at mafayamag. Dewa katanya, mafafayamag tuo aroro siwa emu ngay dius at falad.”

Daniel 4:5

Dewa katanya, nataginfan au at malimu wa malimu ay gfafanawa angku.

Daniel 4:6

Nu katanya, nasugu au te, tabani sa angku fagayu tagfangatulun sis Babilunya laman gfayamag ku taginfan at masuad.

Daniel 5:14

Nasaful au te, si emu ngay dius at falad ay e fagsafulun o ay mamatanganan.

Daniel 5:7

Kanya nauro at ngay tagfangufit, tagfangalga siginans galeme ay taginsaful. Kanya fagayu nu ndasug, fun nalong sa anya fagayu te, “Nusnga sinu tua ro at matap at marirukan sis dingding ay at mafayamag at masuad, gfasulun kro sa anya sik lanbung at masine ay sik dalag at mawatan siginans gintu. Ay gfili kro anya laman at fatuluk tagfangguna si ku fagfagtainanan.”

Fakamulun 12:22

Ay kafag ngay taw guro te, “Tagaringang sik dius, bunwa taw!”

Fakamulun 14:11

Ay fagayu taw nu nalag Pablu at nafakamulun, kanya fagayu nauro sas Likaunya fag fangaringang te, “Sik ngay taw yabi andasug sa antam kata sik ngay taw.”

Fakamulun 16:16

Sik menit, gina ami glao sas fagnandaranginan, nafablang ami sik fagsuguan baguina at ke mauri fag falad tagfae fagmabalyananun anya laman mafafoyung takadasug. Ay at ngay tagfayafun ngayu nu gbul salapi aroro siginan kanya nu ginsaful.

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.