Daniel 5:1 - Fanawbuid tagsibaliwas Fakayabian

^1-3 Gina Belsasar at fun sis Babilunya, kanya nafalganan sik tagbia fag fagmafulun laman sat nafili fag sadik libuk takadungug fag ngay taw. Kaduge kanya fagayu ginum fanlangu, Belsasar nasugu sat ngay fagsuguan laman namul ngay taya at mawatan siginans gintu ay sanbung salapi, at mama Nabukudunusur at nabul siginans Dius at bale sis Erusalem, laman Belsasar ay takadungug fag ngay taw, ay at ngay mangena, ay tiba yak fagsuguan fag mangena at faginuman. Nu nabuba wan kanya fag ngay taya, kanya fagayu nainum sanya ginan.

Daniel 5:1 ပူးပေါင်းရင်းမြစ်များ

Fakasigadan 40:20

Ay gina sis fatuluk menit Igiptu at fun at fangasalug fag menit. Nu katanya, kanya gfalganan sik fagmafulun laman sas fagayu at tagfakamulun. Kanya nafalfas siginans fagubungan tagfangguna tagtalin fanginum, ay takamatama tinapay, ay nafasa at ngay fagsuguan at daga salubangan.

Ester 1:3

Ay gina sis fatuluk banwa nu gfunan, kanya nafalganan sik fagmafulun daul laman sat ngay tagfagtainan ay sat ngay fagsuguan ay sa tiba yak tagfakamulun sit bale. Nasanya yangay Persya ay Medya at ngay fun tagfawayan, ay anggan takadungug fag ngay taw ay ngay fun ayu sirut siginan sangay afud talun.

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Isayas 22:14

Yawi at Mabalyanan nalong sa angku te, “We famalyam ya ay asalanan kaduge ban am gleleg.”

Eremyas 50:35

“Au, Yawi, glong au te, faurianan fag fiso tagsumbalian at uyup namaurianan ngay taw Babilunya at ngay tagfangguna ay anggan at mamatanganan fag ngay taw!

Eremyas 51:39

Ay aroro kanya fagayu kalunus, namalganan au sik fagmafulun laman sa anya fagayu. Namalangu au anya fagayu laman guseganan, ay kanya ban fagayu ngabasad nu gtiug ay wa kafulo ya fagngabak buknga.

Eremyas 51:57

Namalangu kban at ngay tagfangguna, at ke fagsafulun, ay at ngay fun, ngay fun tagfawayan ay fagayu at ngay tagfawayan. Kanya ban fagayu ngabasad nu gtiug ay wa kafulo ya fagngabak buknga. Au, ay Fun, Yawi at Mabalyanan, taglong tuy.”

Daniel 5:30

Ay ginanya fag yabi, e nafabul Belsasar, Babilunya at fun,

Naum 1:10

Kata am sik tagalangu at mafasafungan madugi fag wat. Namamin au ayu kata nu e nairug ngay nagbiluganan fare.