Daniel 4:7 - Fanawbuid tagsibaliwas Fakayabian

⁷ Ngay tagsaful gfasure at ngay madulo, tagfangufit, tagfangalga siginans galeme ay taginsaful ndasug, ay nafansulit au sa anya fagayu ku taginfan, dewa katanya, wa mafayamag.

Daniel 4:7 ပူးပေါင်းရင်းမြစ်များ

Fakasigadan 41:24

Ay at yud e bilug fag raug naon at ke bilug fag fituk raug. Ay nafoyung koma ku taginfan sa sangay tagsaful gfasure at ngay madulo, ay nusdi sadi we nafafayamag angku at masuad.”

Fakasigadan 41:8

Ay balabag di, Igiptu at fun at amatanganan wa manabayan aroro siginan at nataginfan. Ay kanya nafauro fagayu taw tagsaful gfasure at ngay madulo ay ngay taw at ke fagsafulun sis talun Igiptu, dewa katanya, we nafafayamag at taginfan at masuad. Ay kanya nafoyung yangay at taginfan sa sangay taw, dewa katanya, wa yangay mafafayamag at taginfan at masuad.

Alubad. 37:35

Nalag au sik taw mauri nu kamalingun. Kanya kamatungudun, kata sik tangabat fag fun kayu sis buksul Lebanun.

Isayas 44:25

Kwa nafafasludan at yud matuyan fag ngay taglong at ngay foyungan. Ay nafayud au e masuad ngay tagfangalga at nafangalga takadasug ban, ay nasalag au at ke ngay fagsafulun at ngay longan, nu katanya, wa nke masuad at fagsafulun.

Esekyel 31:3

Namasudsudan kban emu sas talun Asirya, kata kayu sidru sis Lebanun. Kanya fag kayu ke sanga masine ay marabung, ay tibak kayu at fagsarirungan, ay abat yap tua tibak kayu.

Daniel 1:4

Filii at maseganama, mataglu, maleleg, at masakit kae fagsafulun ay masine laman ku ngay fagsuguan.” Ay fun Nabukudunusur nasugu sas Aspenas te, “Foyungi yangay sa anya fagayu, tam fangaringang ay tam ngay rirukan.”

Daniel 2:10

Kanya fagayu nabalus sas fun te, “We taw sas fagdaul daga at mafafakamulun takata am fakaylatun. Ay wa yangay e fun, nusnga se aksvn at fagmabalyananun, at masugu takatanya sat ngay tagsaful gfasure at madulo, tagfangufit ay tagfangalga siginans galeme.

Daniel 2:27

Daniel nabalus te, “Mesug fag fun, nusnga sinu fag tagfangatulun, tagfangufit, tagsaful gfasure at madulo ay taginsaful we makatu gfayamag am taginfan,

Daniel 2:7

Ay kanya fagayu gdog yay nabalus sat fun te, “Em fun, longi sa emi am taginfan ay gfayamag ro mi sa emu at masuad.”

Daniel 3:8

Ginanya fag buknga, e sik ngay tagfangalga siginans galeme at kinkakbang sas fun Nabukudunusur ay nafantabugan ngay taw Udyu.

Daniel 4:18

Au, fun Nabukudunusur, nataginfan au takatanya. Beltesasar, katsi get au emu te, fayamagi sa angku ku taginfan at masuad aroro we tagfangatulun si ku fagfagtainanan at mafayamag. Dewa katanya, mafafayamag tuo aroro siwa emu ngay dius at falad.”

Daniel 5:7

Kanya nauro at ngay tagfangufit, tagfangalga siginans galeme ay taginsaful. Kanya fagayu nu ndasug, fun nalong sa anya fagayu te, “Nusnga sinu tua ro at matap at marirukan sis dingding ay at mafayamag at masuad, gfasulun kro sa anya sik lanbung at masine ay sik dalag at mawatan siginans gintu. Ay gfili kro anya laman at fatuluk tagfangguna si ku fagfagtainanan.”

Daniel 5:8

Nu katanya, kanya fagayu ankakbang laman nantap at marirukan sis dingding. Dewa katanya, we makatu gtap ay wa yangay e malong sas fun at masuad.