Daniel 4:31 - Fanawbuid tagsibaliwas Fakayabian

³¹ Ay ya ntabu nu garingang, e sik aringang siginans banwa glong te, “Fun Nabukudunusur, dungugani: nabul kwan siginan emu am fagmabalyananun nu sik fun o.

Daniel 4:31 ပူးပေါင်းရင်းမြစ်များ

Fakasigadan 14:18

Ay Melkisedek, Salem at fun ay tagfon fanggalangun sa Tiba Tungud fag Dius, nanamablang yangay Abram ay e buba tinapay ay fanlangu laman at fon sas Abram.

Ub 20:23

Kafag taw gina manabayan, Dius maksvn nu kadotama anya, ay gfadasug at faurianan.

Alubad. 145:13

Yawi, nu gfagtainan o sas fagayu kasugfunanan, kabavn tua. Gfafasludan tuo gugat am ngay fatuyanan, ay sas fagayu am fakamulun, mafangafanyu tuo.

Fangatulun 29:23

Sik taw takamatungudun gfae fakaplaun anya, dewa katanya, sik taw takamababaun gfae fagusegananun tua at sadili.

Isayas 14:27

Sinu at mafafaragang Yawi at Mabalyanan at algan? Sinu at manansalag at ngay faurianan?

Daniel 12:7

Kafag taw nafabat at take fagdua ay nadungug au kanya nu gfatuyanan sas Dius tagleleg kabavn. Ay kanya glong te, “Katabu ban kafag fagidapun nu nlangfe tuluk banwa ay unumk magdanun, gina ban Dius at ngay taw yud e fagidapun ya.”

Daniel 4:24

Mesug fag fun, katatuy am taginfan at masuad, sabaliwa Tiba Tungud fag Dius at algan sa emu:

Daniel 4:26

Ay nu saman baliwa tagbarita at longan te, fabayani at tud ay at ngay lalid, kanya at masuad te, gfafoli yay ban sa emu am fagfagtainanan nu gtoglag tua ban o te, Dius tagfunan sas fagayu.

Daniel 4:30

kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”

Daniel 4:32

Gaiyan kwan emu siginan am fagfanggunaun fag ngay taw ay namabanwan au emu gadgaloan tagsis talun fag ngay mangilafang. Ay kata ban o ngay baka, kon bariri. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay gfagbilug sas nusnga sinu.”

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 5:20

Dewa katanya, kanya nafamanagsag ay nafamatungudun, nu katanya, Dius naiyan anya siginan at fagfagtainanan,

Daniel 5:28

Parsin: am fagfagtainanan ban kaduak afud ay gfon sa sangay taw Medya ay Persya.”

Daniel 6:27

Kanya gfalangfe ngay taw ay gfakamulun ngay madulo sas banwa ay sas fagdaul daga. Ay kanya nafalangfe Daniel sa sangay liun.

Mateu 3:17

Ay e naringang siginans banwa te, “Tuy wan ku fakesugun ku Baguama. Maksvn nu guseganan au anya.”

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’

Uan 12:28

Mama, fasurei am fagmasineun.” Ay sik aringang andasug siginans banwa ay glong te, “Nafasure kwan ay gdog kyay ban namasure.”

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

At Nafasure 16:7

Ay nadungug au sik famalus siginans fagfonan fanggalangun, glong te, “Anud, em Fun Dius, at mabalyanan sas fagayu. Matuyan ay mafanud nu gfaurianan o.”

1 Samwel 13:14

Dewa katanya, wa ban kafasludan ya takatanya aroro Yawi nalag wan sik taw tagfaning at fakaylatun, ay kanya nafili laman at nanfangguna ban at ngay taw, aroro wo nafaning Yawi at suguan.”

1 Samwel 15:23

Fakamaboun sas Yawi gsud yay nu mauri fagfangufitun, ay takamaogatun nu mauri gsud yay tagseg tibak fagsegan. Aroro wo nafaning Yawi at longan, kanya wa kaylat ya emu laman ngay taw Israel at fun.”