Daniel 4:30 - Fanawbuid tagsibaliwas Fakayabian

³⁰ kanya nalong te, “Anud, Babilunya sik mabalyanan ay sik masine fag furuan daul ku nafawat siginan ku fagmabalyananun laman gfauseganan angku.”

Daniel 4:30 ပူးပေါင်းရင်းမြစ်များ

Fakasigadan 10:10

Taguna fag ngay furuan Nimrud at fagfagtainanan: Babilunya, Erek ay Akad. Kafag ngay furuan sis talun Sinar.

Ester 1:4

Ay kanya fag fagusegananun at kadugean unumk magdanun. Kadugenya, fun Akasuerus nafalag at ngay ramraman, ay at fagmabalyananun, ay at fagmakatuun nu mabanwan.

Alubad. 104:1

Gfauseganan au Yawi. Yawi ku Dius, mabalyanan tuo. Am fagmabalyananun ay am fagmasineun, kanya wan tuga am lanbung.

Alubad. 49:20

Sik maramraman fag taw at yud gtogdungug at matuyan, umbul ban kata sik fagbaugun.

Alubad. 73:8

Kanya fagayu kabavn kamalingun, kamatungudun ay kamaidapan, ay glong mauri sa tiba.

Fangatulun 11:2

Takamatungudun fag taw, masakit gafaplan, dewa katanya, takamababaun, e fagsafulun tua gugat.

Fangatulun 16:18

Sik taw takamatungudun, at fakadasugan sa ways faurianan, ay takadasug sa anya, fagidapun way.

Fangatulun 29:23

Sik taw takamatungudun gfae fakaplaun anya, dewa katanya, sik taw takamababaun gfae fagusegananun tua at sadili.

Isayas 13:19

Talun Babilunya amasine yap tua tibak fagfagtainanan. Siginan takatanya, at ngay taw kamatungudun. Dewa katanya, rumasras kban kata Suduma ay Gumura.

Esekyel 29:3

‘Au, Fun Dius Yawi, glong au te, Faraun, Igiptu at fun, o wan ku fawayan. Kata o sik aktat daul at masurungan sisad liskung. Ay longi yangay te, o wan tagagbilug Liskung Nilu laman am fagnangigusan.

Daniel 4:31

Ay ya ntabu nu garingang, e sik aringang siginans banwa glong te, “Fun Nabukudunusur, dungugani: nabul kwan siginan emu am fagmabalyananun nu sik fun o.

Abakuk 1:11

Sanya ginan, kanya fagayu masakit glao, kata tagmara nu gdalan. Nu katanya, kanya fagayu anke asalanan, aroro we fagtoglagun ngay fagsegan, nu bunway gseg wan at sadili fagmakatuun.”

Lukas 14:11

Aroro sik taw nu kamatungudun way, abandi ban e gfababa anya, ay nu kamababaun tua, abandi ban e gfabat anya.”

Lukas 14:9

Nu katanya, at nagewan ro ayu nu ndasug glong emu te, ‘Tsi way o, tuy tua fag taw tagmalunggung sanya.’ Ay nu katanya, kapla ro wo glo sat yud mafasinean fag faglunggungan.

1 Kurintu 10:31

Nu katanya, nusnga setaw ay fakamulun, dewa am gfangon ay ginum, fauseganani tua Dius.

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”

At Nafasure 14:8

Ay at sadi fag tagbarita naguyan anya ay guro te, “Anrasras wan. Anrasras wan at mabalyanan fag furuan daul Babilunya. Kanya at nafadasug Dius at fandotaman sas fagayu talun at ngay taw, aroro kafag ngay taw nafaning at fagfanugtugun, kata nu nafainum sik fanlangu.”

At Nafasure 16:19

Ay arodi, Babilunya fag furuan ankafud tulu. Ay ngay furuan sas fagdaul daga anrasras wan, ay Dius namatang at mabalyanan fag furuan daul Babilunya ay nafainum kafag taya at bilug, kanya Dius at fandotaman at maksvn fag faurianan.

At Nafasure 17:5

Ay e sik masuksukan fag ngayan at marirukan si kafag mangena at dangasan: Babilunya wan fag furuan daul at mabalyanan, fagayu takamatugtug ay fagayu ke fagmauriun sas fagdaul daga at mina.

At Nafasure 18:10

Kanya fag ngay fun malindug ngayayu aroro kalimu faurianan at kindasug sanya fag mangena, ay kanya fagayu glong te, ‘Fangulan, fangulan, o fag furuan takadungug, o at mabalyanan fag furuan daul Babilunya. Aroro faurianan masakit andasug sa emu.’

At Nafasure 18:21

Ay sik mabalyanan fag tagbarita naurug sik gang daul, kadaul sik tagbia fag gang fanligis rawvg trigu, ay kanya naukas sasad dagat ay glong te, “Kaksvn ban nya nu e gukas at mabalyanan fag furuan daul Babilunya, ay wa ban e malag ya anya.