Daniel 4:27 - Fanawbuid tagsibaliwas Fakayabian

²⁷ Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Daniel 4:27 ပူးပေါင်းရင်းမြစ်များ

1 Fun 21:29

“O nalag o Akab nu gfababaun sa angku? Aroro nafamababaun tua, kwa gfaurianan anya kaduge gleleg, nu bunway sa way ban at baguama, gina gfunan fag buknga.”

Alubad. 119:46

Ay dewa sa sangay fun, kwa kapla glong sabaliwa am ngay foyungan.

Fangatulun 11:2

Takamatungudun fag taw, masakit gafaplan, dewa katanya, takamababaun, e fagsafulun tua gugat.

Fangatulun 16:6

Sik taw nu mafangesug tua ay matuyan, Yawi gfalyam at ngay asalanan. Ay nu masuyu tua sa anya, umyayu siginans fagmauriun.

Fangatulun 28:13

Nu dway o naubun am ngay asalanan, wa ban manabayan nu gbanwan o, dewa katanya, nu nafoyung tuo ay naubun am ngay asalanan, Dius gfalyam.

Isayas 10:13

Aroro Asirya at fun nalong te, “Nafakamulun au takatanya, siginan ku fagmabitsugun ay ku fagsafulun. Nagbilug au ngayuk talun ay at ngay ramraman. Maseganama au ay nababo kwan kafag ngay talun at ngay fun.

Isayas 47:10

Ay gafanud o te, we faurianan takadasug sa emu dewa o gfakamulun at mauri, aroro gamatangan o te, we glag emu. Am ngay fagsafulun ay am fagmamatanganun nafalyam emu, ay kanya wan am fagnalongun te, ‘We gfasud angku.’

Isayas 47:8

Dungugani, sik tagfangaylat o sam sadili fakaylatun, ay nu gamatangan o, we kadasug sa emu at mauri. Ay nalong yay o sam sadili te, we gfasud angku. Ay nu gamatangan o, wo umsik fagbubayun, ay di mbul am ngay sisian.

Eremyas 29:7

Fae fagmanabayanuni ay fae ramramani at fagtabanan ayu fag furuan. Ay darangini kafag furuan aroro kanya ban fag furuan nu nke fagmanabayanun, anggan ban am umke fagmanabayanun yangay am.”

Eremyas 38:20

Ay Eremyas glong anya te, “Nu gfaning tua ban o Yawi at longan, ngay taw Babilunya ro wa gfon emu sa kafag ngay taw Udyu. Wa ro wo kabul ay wa ro e kadasug sa emu nusnge wain at mauri.

Esekyel 18:7

Kanya di gfaidapan at iba ay gfafoli tua sat fagfabedanun at famaguna sa anya laman famanya at famayad at ngay nafabedan. Ay kanya di gfangkamul, ay gfon tua fakonun sa sangay taw takalunus, ay gfon yangay lanbung sat yud e lanbung.

Esekyel 29:3

‘Au, Fun Dius Yawi, glong au te, Faraun, Igiptu at fun, o wan ku fawayan. Kata o sik aktat daul at masurungan sisad liskung. Ay longi yangay te, o wan tagagbilug Liskung Nilu laman am fagnangigusan.

Esekyel 29:9

Mabalu ban sis talun Igiptu ay sumaful ban am te, au Yawi. Nalong o te, Liskung Nilu am fagagbilugun laman am fagnangigusan,

Uel 2:14

Tibaginan ro, Yawi gfabali yay at amatanganan, ay gfon ayu ngayuk gutluan, laman e fon tuam sa anya ngay fanggalangun fag ngay rawvg ay ngay fanlangu.

Amus 6:13

Guseganan am nu nababo am furuan Lu-Debar ay Karnaim, ay glong am te, “Nababo tam kafag furuan siginan tam sadili fagmabitsugun.”

Unas 3:9

bangaran ban Dius nafabali yay at amatanganan ay nafalyam yay at maksvn fag dotama sa antam ay di ban namamin ya antam.”

Abakuk 1:11

Sanya ginan, kanya fagayu masakit glao, kata tagmara nu gdalan. Nu katanya, kanya fagayu anke asalanan, aroro we fagtoglagun ngay fagsegan, nu bunway gseg wan at sadili fagmakatuun.”

Sefanias 2:15

Katanya ban takafasludan sas furuan Ninibe, aroro kanya fagayu glong te, ‘We manamawayan emi ay we mafasud emi.’ Dewa katanya, kanya fag furuan umrasras wan, ay tagbanwan ban sanya, tagfangagat way lang fag ngay mela. Ay nusnga sinu ban tagdalan sanya gfalingun ay kase kafag furuan.”

Mateu 3:8

Ugalii at masine, laman gfalag am te, naubun wam ay ngay asalanan.

Lukas 11:41

Foni tua sat yud e kwa laman masine tua fagayu tagsi ayu.

Fakamulun 24:25

Ay Pablu gfataglayun wa gugat nu gfoyung sabaliwas fagmatuyanun ay nu gfaragang at sadili, ay sabaliwa takadasug ban fag menit Dius nu ginsaful fagayu taw at ngay asalanan, fun Feliks anlimu maksvn ay nalong sas Pablu te, “Sabv yap ro nu gfoyung o! Nu e buknga kyay ban, gdog kyay gfauro emu.”

Fakamulun 26:20

Nafoyung au taguna sis Damasku ay sanya ginan sas Erusalem ay sas fagdaul talun Udea ay anggan sas yud Udyu fag ngay taw. Nafoyung au laman sanya fag ngay taw gubun tua at asalanan ay kafoli sas Dius ay gfatuyan siginan at ngay fakamulun te, naubun wan at asalanan.

Fakamulun 8:22

Ubuni am asalanan ay darangini sa tam Fun laman Dius gfalyam am mauri fag amatanganan.

2 Kurintu. 5:11

Dakngani saful wami te, masine nu gseg tua tam fia tam Fun, maksvn nu gugatan ami gfoyung sa sangay taw laman gafanud ban sa anya. Dius nasaful wan em kaugalian ay em fagsegun sumaful yangay am sabaliwa emi.

Galasya 5:13

Ku ngay faduksay, Dius nafili ayu laman diam sik ngay fagsuguan ya. Dewa katanya, at fagnafalfasun ayu bunwa laman namaning am ay bilug at fakaylatun, nu bunway edkesugani tua ay gudgubukani.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

Efesu 4:28

Tagfangkamul lag gfangkamul ya, nu bunway fakamuluni tua nusnga setaw at masine laman mafagubuk ngay tagayudan.

Deuterunumyu 24:13

Fafolii wa vtv kaduge yay menit yud anfalyu, laman ro kanya yay at lanbung gina nantiug, ay kanya ro gfauseganan yay emu. Takatanya ay fakamulun ay Dius Yawi nantuyan ayu te, matuyan am.

Deuterunumyu 32:27

Dewa katanya, kwa kaylat at ngay fawayan nu kamatungudun glong te, ‘Nababo tam anya fagayu, ay bunwa Yawi at nafakamulun takatanya.’ ”

Deuterunumyu 8:17

Malong ban am sa ay ngay sadili te, “Nagbilug au tuy fag ngay ramraman siginan ku fagmakatuun ay ku fagmabitsugun.”

1 Pedru 4:8

Tagtungud sas fagayu, fagayu am matuyani tua nu kedkesugan am, aroro fagkedkesuganun kanya wan tagfalyam ngayuk asalanan.