Daniel 4:24 - Fanawbuid tagsibaliwas Fakayabian

²⁴ Mesug fag fun, katatuy am taginfan at masuad, sabaliwa Tiba Tungud fag Dius at algan sa emu:

Daniel 4:24 ပူးပေါင်းရင်းမြစ်များ

Ub 20:29

Katanya ban at mauri fag taw at fakadasugan. Dius wan at nafalganan fagayu takatanya sa anya.”

Alubad. 107:40

Dius nafae fakaplaun at ngay tagfangguna, ay naiyan anya fagayu ay nafalao sa sik yud e gbanwan ay yud e dalan fag talun.

Alubad. 148:6

Ay kanya nafabanwan at ngay nawat sat nafalganan fag ngay fagbanwanan, ay kanya ban fagayu kabavn gbanwan sit mesa fagbanwanan, aroro di ban ginbalian Yawi at longan sat ngay nawat.

Alubad. 2:7

Dius at nafili fag fun glong te, “Garingang au Yawi at nalong sa angku te, ‘O wan ku baguama, ay siginan katsi fag menit, au wan am mama.

Fangatulun 16:6

Sik taw nu mafangesug tua ay matuyan, Yawi gfalyam at ngay asalanan. Ay nu masuyu tua sa anya, umyayu siginans fagmauriun.

Fangatulun 20:28

At mafangafanyu ay at matuyan fag fun ngaduge tua nu gfunan.

Isayas 23:9

Yawi at Mabalyanan at ke algan takatanya, laman namatong takamatungudun tagseg at kamasinean, ay laman gfamababaun ngay takadungug sas fagdaul daga.

Daniel 4:17

Katanya tagbarita at nalong fag faurianan laman fagayu taw sumaful te, Tiba Tungud fag Dius e fagmabalyananun sa sangay taw at ngay fagfagtainanan. Ay kanya gfon kafag ngay fagfagtainanan sas nusnga sinu at fakaylatun, ay dewa sat yud e kwa.’

Daniel 4:19

Daniel (at ngayan yangay te, Beltesasar) nafanawa ay anlimu nu nadungug fun at taginfan. Nu katanya, fun Nabukudunusur nalong te, “Beltesasar, lag o kalimu ku taginfan.” Beltesasar gbalus te, “Mesug fag fun, sa way ban nangus am ngay fawayan tuy nu kafasludan.

Daniel 4:2

Kaylat au gfasaful sa ayu Tiba Tungud fag Dius at nafakamulun sa angku fag ngay madulo.