Daniel 4:18 - Fanawbuid tagsibaliwas Fakayabian

¹⁸ Au, fun Nabukudunusur, nataginfan au takatanya. Beltesasar, katsi get au emu te, fayamagi sa angku ku taginfan at masuad aroro we tagfangatulun si ku fagfagtainanan at mafayamag. Dewa katanya, mafafayamag tuo aroro siwa emu ngay dius at falad.”

Daniel 4:18 ပူးပေါင်းရင်းမြစ်များ

Fakasigadan 40:12

Ay Use glong te, “Katatuy am taginfan at masuad: kafag tuluk sanga at masuad, tuluk menit.

Fakasigadan 41:15

Ay Igiptu at fun nalong sa anya te, “E taginfan au ay we mafafayamag at masuad. Ay e nafansulit sa angku te, saful o gfayamag ngay taginfan at masuad.”

Fakasigadan 41:8

Ay balabag di, Igiptu at fun at amatanganan wa manabayan aroro siginan at nataginfan. Ay kanya nafauro fagayu taw tagsaful gfasure at ngay madulo ay ngay taw at ke fagsafulun sis talun Igiptu, dewa katanya, we nafafayamag at taginfan at masuad. Ay kanya nafoyung yangay at taginfan sa sangay taw, dewa katanya, wa yangay mafafayamag at taginfan at masuad.

Isayas 19:3

Ay ngay taw Igiptu ummomuy ban at amatanganan, ay namasayuan kban at ngay algan. Kanya ban fag ngay taw nanget gubuk sat ngay fagsegan, ay sa sangay labang, ay sa sangay mabara ay anggan sa sangay tagsaful gbalawvn.

Daniel 1:20

Ay nusnga setaw at fun at fagintoun sa anya fag ufat, nasaful te, at fagsafulun gtungud yay sangay tagsaful gfasure at ngay madulo ay tagfangufit sit fagfunanun.

Daniel 2:38

Yawi nafagbilug wan sa emu ngay taw, ngay fagbaugun, ay ngay manuk tungud nusnga nday. Ay kata o kafag fagsegan at alfuyu at mawatan gintu.

Daniel 2:7

Ay kanya fagayu gdog yay nabalus sat fun te, “Em fun, longi sa emi am taginfan ay gfayamag ro mi sa emu at masuad.”

Daniel 5:15

Nafauro au ku ngay tagfangatulun anggan tagfangufit laman nantap ay namayamag at marirukan sis dingding, dewa katanya wa nakatu.

Daniel 5:8

Nu katanya, kanya fagayu ankakbang laman nantap at marirukan sis dingding. Dewa katanya, we makatu gtap ay wa yangay e malong sas fun at masuad.

Amus 3:7

At matuyan, Fun Dius Yawi di gfakamulun nusnge wain yakmay nafasaful sat ngay fagsuguan fag ngay taglong.