Daniel 4:17 - Fanawbuid tagsibaliwas Fakayabian

¹⁷ Katanya tagbarita at nalong fag faurianan laman fagayu taw sumaful te, Tiba Tungud fag Dius e fagmabalyananun sa sangay taw at ngay fagfagtainanan. Ay kanya gfon kafag ngay fagfagtainanan sas nusnga sinu at fakaylatun, ay dewa sat yud e kwa.’

Daniel 4:17 ပူးပေါင်းရင်းမြစ်များ

1 Fun 21:25

We taw takaksvn Akab at nafakamulun nu mauri sis Yawi at daga salubangan aroro at mangena Esebel nafaylatan anya.

2 Krunika 28:22

Ay dewa fun Akas gidapan, kanya gfataglayun yay nu kamabo Yawi.

Alubad. 103:19

Yawi nawat at faglunggungan sis banwa, ay gfunan sas fagayu.

Alubad. 12:8

aroro dewa nday e ngay taw mauri. Ay kanya fagayu guseganan sat mauri fag ngay fakamulun.

Alubad. 9:16

Yawi nafatoglag at sadili siginan nu matuyan nu gfawabilugan ngay taw. Ay ngay tagasalanan umfaurianan aroro sat ngay sadili nafakamulun.

Nu Galin 9:16

Dewa katanya, naylat kyay nung o gleleg laman lumag o ku fagmabalyananun, ay laman ku ngayan umtoglag sas fagdaul daga.

Isayas 6:3

Ay kafag ngay awatan nasfuan nauro te, “Yud e malong, yud e malong, yud e malong, Yawi at Mabalyanan! At kamasuloan ankapnu sas fagdaul daga.”

Isayas 6:8

Ay nadungug au tam Fun nu glong te, “Sinu ku fagsuguun? Sinu ban tagfosuk em longan sa sangay taw?” Ay nabalus au te, “Ste au. Sugui angku.”

Esekyel 25:17

Siginan ku dotama, namaurianan au kanya fag ngay taw laman gfasud au anya fagayu. Ay gina kban nafasud anya fagayu, sumaful ban te, au Yawi.”

Esekyel 7:24

Ay at ngay bale ban namagbilug kwan sat mauri fag ngay taw. Ay takadungug ban fag ngay taw we fakamatungudunun ya, ay at fagnansegan ban fag bale namasik masuya kwan.

Daniel 11:21

“Tagtubus ban anya, sik tagafalingunan way, ay wa masine kasik funan. Ay tagsanya fag ngay taw gina gamatangan te, mabayan, kanya ban fag fun namawayan, ay kamuagan laman gagbilug kafag fagfagtainanan.

Daniel 2:21

Kanya wan tagfainbalian buknga. Kanya wan at nanfili nusnga sinu at nanfunan ay tagtubus. Kanya wan tagfon fagsafulun sat ngay ke fagsafulun.

Daniel 4:2

Kaylat au gfasaful sa ayu Tiba Tungud fag Dius at nafakamulun sa angku fag ngay madulo.

Daniel 4:25

Dius ban gaiyan ay gfayayu emu siginans ngay taw ay gbanwan ban o sasad araw gadgaloan tagsis talun fag ngay mangilafang. Kata ban o ngay baka kon bariri, ay damug ban gfabasa emu. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay mafagbilug sas nusnga sinu.

Daniel 7:25

Ay kanya ban gfalingun Tiba Tungud fag Dius. Dius at ngay taw we malong, ay kafag fun namauri yangay anya fagayu. Kanya namayud e masuad ngay fagmafulun ay faugali. Kanya nangagbilug Dius at ngay taw kaduge tuluk banwa ay sik wabilug.

Ruma 13:1

Fagayu tam faningi tua tam ngay funan ste swa daga. Aroro we funun at mabalyanan nu dway siginans Dius. Dius wan at nafili fagayu tagfangguna sit mesa fakamulun.

1 Kurintu 1:28

Ngay taw at natuyan te, wa mafanud, ay we tungkul, ay tagafalingunan ste swa daga, kata kanya fag ngay taw Dius at nafili, laman namayud e tungkul ngay taw at natuyan te, tiba tungud ste swa daga.

1 Timuteu 5:21

Maksvn nu gsugu au emu sas Dius ay sa tam Fun Isus ay sat masine fag ngay tagbarita at daga salubangan te, fakamuluni takatanya yud e fagfili sas nusnga sinu fag taw.

At Nafasure 4:8

Kanya fag ufatk tagleleg fag awatan mesa unum at fakfak, galay at sadi mafus way lang mata fagdaul at bilug. Ay kafag ngay awatan wa karagang nu galubad dewa swa menit ay sad yabi te, “Yud e malong, yud e malong, yud e malong, Dius tam Fun at mabalyanan sas fagayu. Dius tagleleg ebi, ay katsi, ay kabavn ban.”

1 Samwel 2:8

Kanya ggubuk at maidap fag ngay taw siginans fagidapun. Yawi e fagmabalyananun gfae fanambagun at maidap fag ngay taw magamut ngay fun ay gfae fagusegananun. Yawi wan tagagbilug fagdaul daga at fagtungkudan.