Daniel 4:1 - Fanawbuid tagsibaliwas Fakayabian

¹ Fun Nabukudunusur nawat sik fansulitan laman sas fagayu gaban taw sas fagayu talun sas fagdaul daga, tagsaman at ngay fangaringang. Katatuy at rirukan: Sumawa nangus fia ayu at masine fag kayaunanan.

Daniel 4:1 ပူးပေါင်းရင်းမြစ်များ

1 Krunika 12:18

Nu katanya, at Masine fag Falad antayuk sas Amasay, tagfangguna at maseganama fag tuluk safuluk tagfawayan, ay glong te, “Dabid, Ese at baguama, ami kasadi wami sa emu! Gbabo tua ban am nangus gugat gasfuan am ngay taggubuk, aroro ay Dius ggubuk ayu.” Nu katanya, Dabid naylat ay nafili anya laman tagfangguna at ngay tagfawayan.

Esra 4:17

Ay fun Artaserses nabalus anya fagayu te, Griruk au sa ayu, Rekum fag fun sirut, ay Simsay fag tagriruk ay sas fagayu tagbanwan sis Samarya ay anggan sa tibak talun sis Liskung Eufrates at fakayabian baliwa. Ginsaful au ayu te, o manabayan tuam?

Ester 3:12

Nu katanya, ebi gina taguna fag magdanun sis falabi tuluk menit, Aman nafauro tagriruk. Ay kanya nafawat sik rirukan laman sas fagayu tagfagtainan sit fagfagtainanan, sa sangay afud talun at ngay fun, ay sa sangay tagfangguna sa sangay furuan, sat sadili fangaringang. Kanya fag rirukan nafawat sas fun Akasuerus at ngayan, ay nafae fagtoglagan siginans fun at fanumyu.

Ester 8:9

Nu katanya, gina sis faduak safulu e tuluk menit sis fatuluk magdanun, Siban fag magdanun, nafauro ngay tagalaga fun at ngay ramraman. Kanya fagayu nariruk Mardukyu at ngay nalong. Kanya fag rirukan laman sa sangay taw Udyu, sa sangay fun ayu sirut, sa sangay fun ay sa tibak tagfangguna tagsanya fag ngay afud talun fag sik sandan duak safulu e fitu, tagsiginans Indya sitsigons Etiupya. Ay nariruk takatanya sas fagayu gaban taw at fangaringang, anggan sa sangay taw Udyu at fangaringang.

Daniel 3:29

Ay katsi, gsugu au te, nusnga sinu fag taw dewa ndaginan fag talun, ay nusnga setaw at fangaringang, at nalong mauri sas Sadrak, Mesak, ay Abednegu at Dius, umsaruayan ban at ngay afud bilug ay umkiklas at ngay bale. Aroro we tibak Dius at mafalangfe kata at nafalangfe kafag tuluk baguama fag Dius.”

Daniel 3:4

tagfosuk longan nauro te, “Fagayu gaban taw tagsiginans fagayu talun sas fagdaul daga, tagsaman at ngay fangaringang,

Daniel 6:25

Sanya ginan fun Daryu nariruk sas fagayu gaban taw sas fagayu talun sas fagdaul daga, tagsaman at ngay fangaringang te, Manabayan tuam nangus.

Daniel 6:27

Kanya gfalangfe ngay taw ay gfakamulun ngay madulo sas banwa ay sas fagdaul daga. Ay kanya nafalangfe Daniel sa sangay liun.

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Sakaryas 8:23

Ay ginanya ban fag menit, safuluk taw tagsaman at fangaringang at yud gbanwan sanya, nangakbang sa sik taw Udyu ay glong te, ‘Kaylat ami nangalo ayu aroro nadungug ami te, Dius galo ayu.’ ”

Fakamulun 2:6

Ay kanya fagayu nu nadungug kafag awang, maksvn nu kadulo ay nanangaful sa sangay tagafanud at fagmafulan. Ay kanya fagayu andulo nu nadungug ngay tagafanud nu garingang sat mesa fangaringang,

Ruma 1:7

Griruk au sa ayu fagayu tagbanwan sanya sfuruan Ruma, Dius at ngay fakesugun, kanya nauro ayu laman at ngay nafili. Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

Efesu 1:2

Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.

1 Timuteu 1:2

Timuteu, ku fakesugun ku sisian sas fagafanudun: siwa nangus fia emu fagmasineun, ay fagmagalangun, ay fagmanabayanun siginans Dius tam Mama ay Isus tam Fun.

1 Pedru 1:2

Am wan Dius tam Mama at ngay nafili kata at fagsafulun siginans fakasigadan. Ay at Masine fag Falad gfasine ayu, laman gfaning tuam Isus tam Fun ay laman umkalyam ay ngay asalanan siginan at nabulanan. Sumawa nangus fia ayu tagtungud at fagmagalangun ay at fagmanabayanun.