Daniel 3:23 - Fanawbuid tagsibaliwas Fakayabian

²³ Ay kanya fag tuluk baguama antong masiukan sasad faygangan daul.

Daniel 3:23 ပူးပေါင်းရင်းမြစ်များ

Alubad. 34:19

At matuyan fag ngay taw ngayu at fagidapun, dewa katanya, Yawi gfalangfe tua anya fagayu siginan at ngay fagidapun.

Isayas 43:2

Dewa o glao sasad mamam, au wan am fadgaloan. Ay dewa o gdife sa sangay liskung, di o kalimus. Ay dewa o gdalan sasad afuy, wo kairug, ay di o kasugba dewa sasad igang.

Eremyas 38:6

Nu katanya, kanya fagayu nafaduksun Eremyas siginan sad ubung ay nafasa sik bubun si sangay tagulit at fagmafulan. Kanya fag bubun fun at baguama Malkya at fagagbilugun. We mamam kafag bubun, ay dewa katanya, e lifak, Eremyas arvs anfalyu sasad lifak.

Daniel 1:7

Ay Aspenas natubus kafag ngay baguama at ngayan. Ay nafangayan Daniel te, Beltesasar, ay Kananya, Sadrak, ay Misael, Mesak, ay Asarya, Abednegu.

Daniel 3:24

Ay gina fun Nabukudunusur glingaman, kanya andulo ay anlindug, ay nainto sat ngay tagfangatulun te, “Seyu tua nunda tam nasiuk ay naukas sasad afuy, o nunda bunwa tulu?” Ay kanya fagayu nabalus te, “Sabv, em fun.”

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Ebreu 11:34

ay nafarabung tua tagigang fag afuy, ay anlangfe tua sit fawayan at fiso. Ay Dius nafon tua fagmabitsugun sas fagayu at mamomuy, laman maseganama tua nu gfawayan at ngay fawayan, ay nu katanya at ngay fawayan tagsiginan tibak talun nababawan.