Daniel 3:19 - Fanawbuid tagsibaliwas Fakayabian

¹⁹ Aroro siginan kafag tulu at famalus, fun ankaksvn nu kadotama ay kalag sit kamatan. Nu katanya, kanya nasugu te, “Faugati yap at faygangan fitu ginan nu masugba.”

Daniel 3:19 ပူးပေါင်းရင်းမြစ်များ

Fakasigadan 31:2

Akub nasaful te, Laban nu gdama anya anbali wan, wa kata ya ebi ginan.

Ester 3:5

Aman nu nalag Mardukyu nu yud gtudan sit daga salubangan laman kamababaun, maksvn nu kadotama.

Ester 7:7

Fun maksvn nu kadotama ay anlindug ay nasat tanuman sit day bale. Aman anfamato gfainfanyuan sas Ester aroro nasaful te, fun ro gfaurianan anya.

Alubad. 76:10

Dius, nu kadotama o ngay taw dewa maksvn, takatanya, gfaksvn way laman ngay taw gfauseganan emu! Ay nagbilug o kafag ngay taw at dotama laman am famawayan.

Fangatulun 16:14

Sik fun nu ndotama way, tibaginan e kabul fia, nu katanya, ke fagsafulun fag taw gugatan tua gfalukmeanan at fun.

Fangatulun 21:24

Sik taw takamatungudun ay takamabo umtoglag te, sik takamalingun, ay nu katanya, maksvn wan at fakamatungudunun.

Isayas 51:23

Namon kban sa sangay tagfaidapan ayu, at nasugu ayu te, ‘Malubi laman nansiad ami ayu.’ Ay kanya nasiad ay ngay guyuy kata nu glao sa sangaba dalan.”

Daniel 2:12

Aroro siginan kanya fagayu at famalus takatanya, fun andotama maksvn. Ay kanya nasugu laman gfabul fagayu tagfangatulun sas fun sis Babilunya.

Daniel 3:13

Ay fun Nabukudunusur nu nadungug takatanya, maksvn nu kadotama. Kanya nafauro kafag tuluk baguama.

Daniel 3:20

Sanya ginan, kanya nasugu sat ngay tagfawayan at magaras fia laman nansiuk Sadrak, Mesak, ay Abednegu ay nangukas sat faygangan daul.

Daniel 5:6

Ay fun narinun, ay at tud natadtaruyan nu kalimu.

Daniel 6:24

Fun Daryu nasugu laman fagayu taw at nalong mauri sas Daniel gagamatan ay gfatong sasad fagubungan ngay liun gfadgaloan at mesa mangena ay at ngay sisian. Ay kanya fagayu nu nafatong sasad fagubungan, gina yay yud andasug sat daga, ngay liun nayukfu wa vtv ay naon.

Lebitiku 26:18

Ay nu dway ban am gugat gdungugan angku, namaurianan kban ayu fitu ginan.

Lebitiku 26:21

“Ay nu gfataglayun way ban nu kamatungudunun am, ay way ban am gdungugan angku, gfamut kyay ban fitu ginan ku faurianan ayu.

Lebitiku 26:24

au wan ay fawayan ay namaurianan au ayu fitu ginan.

Lebitiku 26:28

kadotama kban ay namawayan ayu, ay namaurianan kban ayu fitu ginan.

Fakamulun 5:33

Ngay tagfangguna nu nadungug takatanya, maksvn nu kadotama, ay gyafabulun kafag ngay nasugu.

Fakamulun 7:54

Ay taw Udyu at ngay tagfangguna nu nadungug takatanya, maksvn nu kauri Esteban, sak gfaringgit at bagang.