Daniel 3:18 - Fanawbuid tagsibaliwas Fakayabian

¹⁸ Em fun, deyud ro nafalangfe emi, kaylat ami nu saful o te, wami gseg sam nafawat fag fagsegan.”

Daniel 3:18 ပူးပေါင်းရင်းမြစ်များ

1 Fun 19:14

Ay Elyas nabalus te, “Yawi, Dius at mabalyanan, matuyan tua nu gfakamulun au sa emu. Dewa katanya, ngay taw Israel natalyuyan way at fagmasadiun sa emu, ay kanya fagayu narasras at ngay fagnangirugan fanggalangun laman sa emu, ay nafabul am ngay taglong. Au way lang at sawad, nustua gyafabulun yangay angku.”

1 Fun 19:18

Dewa katanya, nafasaman au fituk libuk taw Israel at yud natudan ay at yud nayuk Baal at aninu.”

Ub 13:15

Dius dewa gfabul wan angku e fagsegun kyay gugat si anya, ay e famalus kway gugat sa anya.

Fangatulun 28:1

Sik taw mauri glagyu way deyud e gfafalo anya, dewa katanya, at matuyan fag taw maseganama tua kata sik liun.

Daniel 3:28

Nu katanya, fun Nabukudunusur nalong te, “Segi kanya fag tuluk baguama at Dius. Aroro Dius nasugu at tagbarita laman namalangfe at ngay fagsuguan tagafanud sa anya. Kanya fag ngay baguama di nafaning ku suguan laman gseg sa ku nafawat fag fagsegan. Kanya fag tulu naylat kabul abat ngate nanseg nusnga setaw fag dius tagsaman at Dius.

Lebitiku 19:4

“Lag am gseg ngay fagsegan, ay lag yangay kawat at fakatoglagan laman ay fagsegan. Au wan ay Dius Yawi.

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Mateu 10:39

Ay nusnga sinu takesug way at leleg, umkalyam way ban at leleg. Ay nusnga sinu tagfon tua at leleg aroro gafanud sa angku, kanya ban e leleg tua kabavn.

Mateu 16:2

Ay Isus nabalus kafag ngay taw te, “Gina kayabi glong am te, ‘Masiwang tua ban balabag, newa banwa gmangalay tua.’

Fakamulun 4:19

Dewa katanya, Pedru ay Uan nabalus te, “Amatangani, inday at matuyan sas Dius at daga salubangan, tagfaning ay fakaylatun, o ay tagfaning Dius?

Ebreu 11:25

Muisis nafili tua te, amasine yap tua at nangidapan gasfuan Dius at nafili fag ngay taw, nu gamut ban nu nagbilug at yud sirut ngaduge fag fagmasineun siginans asalanan.

Uswe 24:15

Dewa katanya, wayam kaylat gfakamulun sas Yawi, katsi fag menit filii nusnga sinu ay fagnamausegananun. O namakamulun am sa ay ngay mangaguyang at ngay fagsegan sis dife Liskung Eufrates, o ay mannga sa sangay taw Amur at fagsegan sanya fag talun ay fagbanwanan katsi? Dewa katanya, au ay ku kalongan namakamulun ami sas Yawi.”

At Nafasure 12:11

Ay kanya nababo tua Satanas aroro siginan Tupa Riangan at taguk ay at ngay matuyan fag ngay foyungan, ay kafag ngay taw wa nesug ya at leleg, dewa ro nbul wan.