Daniel 3:17 - Fanawbuid tagsibaliwas Fakayabian

¹⁷ Nu e naukas ro emi sasad faygangan daul, em Dius ro gfalangfe emi siginan am fagmabalyananun.

Daniel 3:17 ပူးပေါင်းရင်းမြစ်များ

Fakasigadan 17:1

Abram at banwa gina siamk safulu e siam, Yawi ansure sa anya ay glong te, “Au wan at mabalyanan fag Dius. Glong au te, faningi tua gugat angku ay ugalii at yud e kalong.

Fakasigadan 18:14

O nunda Yawi e fagyudun mafakamulun? Kata ku longan te, kafoli kyay ban stie sat fadogan fag banwa, kata katsi fag buknga, ay Sara namasalug ban sik munama.”

Ub 34:29

Dewa katanya, Dius dewa maragangan ay gsuksuan ginanya fag buknga, we taw malong te, kanya nasalan. At matuyan, Dius gulit tua gugat fagayu taw,

Ub 5:19

Kanya gfalangfe tua gugat emu galay o anke faurianan ay anke fakalimuun.

Alubad. 115:3

Dewa katanya, katatuy em famalus: Em Dius sis banwa, ay kanya gfakamulun at fakaylatun.

Alubad. 37:39

Yawi wan tagfalangfe at matuyan fag ngay taw. Ay kanya yangay kanya fag ngay taw at fagsarirungan gina e fagidapun.

Alubad. 37:40

Yawi ggubuk tua ay gfalangfe, kanya fag ngay taw siginan ngay taw mauri, aroro kanya fagayu gsarirung tua sa anya.

Alubad. 73:20

Kanya ban fagayu masakit kalyam kata sik taginfan. Ay gina ban o anlindug laman gfaurianan anya fagayu, kanya ban fagayu wa kamatang ya.

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 54:14

Ay umkaksvn tua ban o aroro am ngay taw ban at ugali matuyan tua. Ay am ngay fawayan ban lumagyu emu, nu katanya di ban am e fakalimuun ya, ay kanya ban fagayu wa manangakbang ya sa emu laman namalimu.

Eremyas 1:8

Lag o kalimu ngay taw aroro gufud kban ay gdiri emu. Au, Yawi, taglong tuy.”

Eremyas 15:20

Namakata kban emu sik mogat fag alad at fangawat tansu laman sa sangay taw. Kanya ban fagayu namawayan emu, dewa katanya, wa ban gbabo aroro gufud ktua ban gugat emu. Gdiri kban ay gfalangfe emu. Au, Yawi, taglong tuy.

Eremyas 15:21

Ay gfalangfe kban emu sa sangay taw at mauri ay at madot.”

Daniel 3:26

Nu katanya, fun Nabukudunusur ankakbang sas sakbawan faygangan ay nauro kanya fag tulu te, “Tiba Tungud fag Dius at ngay fagsuguan, gewan, duksuni sanya ginan.” Ay kanya fag tulu naduksun.

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Daniel 6:16

Nu katanya, fun nasugu laman nanggamat Daniel ay namatong sas fagubungan ngay liun. Ay fun nalong sas Daniel te, “Am fagsegan fag Dius gfalangfe ro nangus emu.”

Daniel 6:23

Fun nu nadungug takatanya, guseganan ay nasugu te, “Faduksuni Daniel siginans fagubungan.” Ay kanya fagayu we nalag nusdi sik magarasan sirut sit bilug aroro Daniel gafanud sas Dius.

Daniel 6:27

Kanya gfalangfe ngay taw ay gfakamulun ngay madulo sas banwa ay sas fagdaul daga. Ay kanya nafalangfe Daniel sa sangay liun.

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Lukas 1:37

aroro Dius mafafakamulun nusnge wain.”

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Fakamulun 21:13

Ay Pablu nabalus te, “Wain ay fagwaywayun? Lag am gfamomuy ku amatanganan. Aroro mafalganan au nangasiukan ay nangabul sas Erusalem aroro sa tam Fun Isus.”

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?

2 Kurintu. 1:10

Dius nafalangfe tua emi siginan kafag ngay faurianan tagfabul ma emi, ay gfataglayun tua nu gfalangfe emi. Ay gafanud ami te, kanya ban gfataglayun tua gfalangfe emi,

Ebreu 7:25

Nu katanya, kanya mafalangfe fagayu taw takakbang sas Dius siginan anya, aroro kanya gleleg tua kabavn laman tagwabilug kafag ngay taw sas Dius.

1 Samwel 17:37

Yawi nu nafalangfe tua angku siginan sangay liun ay siginan sangay usu, gfalangfe yangay ro angku siginans Gulyat.” Ay Saul nalong sas Dabid te, “Agvd, kin. Dius ro nangus gufud tua emu.”

1 Samwel 17:46

Katsi ro fag menit Yawi ro ggubuk angku laman mababo au emu. Gfabul kro emu ay glifung am liug. Ay am ngay kaiban ro fag ngay taw Filistia at ngay bilug namaon au sa sangay manuk tungud ay sa sangay tagfangagat fag ngay mela laman ngay taw sas fagdaul daga sumaful te, taw Israel e Dius.