Daniel 3:12 - Fanawbuid tagsibaliwas Fakayabian

¹² Ay dewa katanya, e ngay taw Udyu at yud nafaning am suguan. Kanya fag ngay taw Sadrak, Mesak, ay Abednegu, am nafili tagfangguna sis Babilunya fag afud talun. Kanya fag tulu wa gfaning am ngay dius ay wa gseg am nafawat fag fagsegan.”

Daniel 3:12 ပူးပေါင်းရင်းမြစ်များ

Ester 3:8

Aman nalong sas fun Akasuerus te, “Mesug fag fun, e sik gaban taw tagbanwan sa tibak afud talun sim fagfagtainanan at faugali tagsaman fagayu gaban at faugali, ay kanya fagayu wa galo am ngay suguan. Nu katanya, wa masine sa emu nu gfabayan way o takatanya fagayu.

Fangatulun 27:4

Mauri way sik taw tagfangadotama, dewa katanya, tagfangasulup aksvn yap nu mauri.

Takamoyung 4:4

Nalag kyangay taw nu gugatan gfakamulun fagayu sas fagdaul at fagmakatuun aroro galabian at ngay iba. Fagayu takatanya we masuad, kata way nu gfafalo tagmara.

Daniel 1:7

Ay Aspenas natubus kafag ngay baguama at ngayan. Ay nafangayan Daniel te, Beltesasar, ay Kananya, Sadrak, ay Misael, Mesak, ay Asarya, Abednegu.

Daniel 2:48

Sanya ginan, fun Nabukudunusur nafon sas Daniel ngayuk famonun, ay nafili anya laman sik tagfangguna sa sik afud talun Babilunya ay laman tagfangguna sa sangay tagfangatulun.

Daniel 2:49

Daniel naet sas fun te, “Filii Sadrak, Mesak, ay Abednegu laman taggubuk angku nu gfangguna au sanya fag afud talun Babilunya.” Fun Nabukudunusur naylat Daniel at fagetun. Ay Daniel si way gugat fun at bale.

Daniel 3:11

ay nusnga sinu at yud natudan ay naseg, nangaukasan sa sik faygangan daul?

Daniel 3:16

Kanya fag tulu nabalus te, “Em fun, wami e fagmalongun sanya baliwa.

Daniel 3:29

Ay katsi, gsugu au te, nusnga sinu fag taw dewa ndaginan fag talun, ay nusnga setaw at fangaringang, at nalong mauri sas Sadrak, Mesak, ay Abednegu at Dius, umsaruayan ban at ngay afud bilug ay umkiklas at ngay bale. Aroro we tibak Dius at mafalangfe kata at nafalangfe kafag tuluk baguama fag Dius.”

Daniel 3:30

Sanya ginan, fun Nabukudunusur nafon sas Sadrak, Mesak, ay Abednegu aksvn yap ebi ataw at fakamulun sis Babilunya fag afud talun.

Daniel 6:13

Kanya fagayu nalong sas fun te, “Daniel, at sadi at natabanan siginans Uda, wa gfaning am faugali. Kanya gdarangin tulu ginan galay menit.”

Daniel 6:14

Ay fun Daryu nu nadungug takatanya, kanya gafanawa ay kaylat ggubuk Daniel. Fagngabak menit kanya grvbvy sik balyawvtan laman gfalangfe Daniel.

Fakamulun 17:7

Ay Asun nafasakbo duama sat bale. Kanya fagayu wa gfaning talun Ruma at fun at ngay faugali, ay glong te, e tiba yayk fun, at ngayan Isus.”

Fakamulun 5:28

“O nunda ya mi nasalag ayu te, ‘Lag gfoyung ya sabaliwas Isus’? Abat ngate am nafaning, ay foyungan anfagdaul wan sas Erusalem ay glong yayam te, ami at nafabul anya.”