Daniel 3:1 - Fanawbuid tagsibaliwas Fakayabian

¹ Fun Nabukudunusur nafawat sik fagsegan at fangawat gintu. At kabatan siamk safuluk darafa gsugfunan ay at rafad siamk darafa gsugfunan. Ay nu ntabu wan nu kawat, kanya nafalindug sis datag Dura, sis Babilunya fag afud talun.

Daniel 3:1 ပူးပေါင်းရင်းမြစ်များ

1 Fun 12:28

Fun Erubuam nu nafakamatoan at ngay tagfangatulun, nafawat duak baka riangan siginans gintu, ay nalong sa sangay taw te, “Malufuy way nu glo am sas Erusalem. Damai, Israel, ste way ay ngay fagsegan at nafaduksun ayu siginans talun Igiptu.”

Ester 1:1

Sis talun Persya e sik fun at ngayan Akasuerus. Kanya gbanwan sit bale sis furuan Susa. Kanya at fagagbilugun sadik sandan duak safulu e fituk afud talun siginans Indya sitsigons Etiupya.

Alubad. 135:15

Tibak talun at ngay fagsegan, taw way at nawat, at fangawat gintu ay salapi.

Nu Galin 20:23

Nu katanya, lag am kawat ngay fagsegan at mawatan sanbung salapi ay gintu, laman gfasfuan nu gseg am angku.

Nu Galin 32:31

Ay Muisis anfoli sas Yawi ay nalong te, “Maksvn tuy fag ngay taw at nafakamulun at mauri. Ngay taw nawat sik fagsegan baka siginans gintu.

Isayas 2:20

Ginanya ban fag buknga, kanya fagayu gukas wan at ngay fagsegan at mawatan sanbung salapi ay gintu. Ay kanya ban fagayu gfamato wan at ngay fagsegan sa sangay but ay sa sangay alebung.

Isayas 30:22

Amatangani te, mauri way ay nawat fag ngay fagsegan at fangawat sanbung salapi ay gintu. Ukasi wan kata sik fangarus fangigusan fag ramit ay longi te, “Deyud ya kanya!”

Isayas 46:6

Tibak taw gfasure gintu ay sanbung salapi, ay namawat sa sangay taw takawat fagsegan, ay kanya fagayu nantudan ay nanseg at nafawat fag fagsegan.

Eremyas 10:9

Kanya fagayu nafawat at ngay fagsegan sa tagsaful kawat, ay nadafut salapi tagsiginans Tarsis, ay gintu tagsiginans Ufas. Ay kanya fagayu nafasulun sik lanbung melo ay maubian ngay tagsaful kawat lanbung at nawat.

Eremyas 16:20

O nunda sik taw mawat way at Dius? Nu at nawat way ro, bunwa at matuyan fag Dius!’ ”

Daniel 2:48

Sanya ginan, fun Nabukudunusur nafon sas Daniel ngayuk famonun, ay nafili anya laman sik tagfangguna sa sik afud talun Babilunya ay laman tagfangguna sa sangay tagfangatulun.

Daniel 2:49

Daniel naet sas fun te, “Filii Sadrak, Mesak, ay Abednegu laman taggubuk angku nu gfangguna au sanya fag afud talun Babilunya.” Fun Nabukudunusur naylat Daniel at fagetun. Ay Daniel si way gugat fun at bale.

Daniel 3:14

Ay nu ndasug sas fun at daga salubangan, fun nainto te, “Sadrak, Mesak ay Abednegu, o matuyan te, wam gfaning ku ngay dius ay wam naseg ku nafawat fag fagsegan?

Daniel 3:30

Sanya ginan, fun Nabukudunusur nafon sas Sadrak, Mesak, ay Abednegu aksvn yap ebi ataw at fakamulun sis Babilunya fag afud talun.

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Daniel 5:4

Ay kaduge ginum, kanya fagayu gseg ngay fagsegan at mawatan gintu, salapi, tansu, sanbung, kayu ay gang.

Usea 2:8

Gumer wa namatangan ya te, au at nafon anya ngay rawvg, ngay fanlangu, langis ay ngayuk gintu ay salapi. Ay kafag ngay gintu ay fag ngay salapi kanya wan kafag ngay mangama at fangawat Baal fag fagsegan.

Usea 8:4

Kanya fagayu nafili yay at ngay fun ay at ngay tagfangguna dewa au yud kaylat. Kanya fagayu nawat at ngay fagsegan mawatan siginans salapi ay gintu, ay kafag ngay fagsegan at nafae faurianan anya fagayu.

Abakuk 2:19

Afanyuan am, tagdarangin sa sangay fagsegan te, ‘Mafuloani ay gubuki emi.’ At matuyan, kanya wa mafoyung ayu. Kanya fagayu dewa masifigan gintu ay salapi, wa gleleg.

Fakamulun 17:29

“Dakngani itam wan at sisian, lag tam gamatangan te, Dius kata way sik awatan siginans gintu ay sanbung salapi ay gang, siginans taw at kamakatuan ay at amatanganan.

Fakamulun 19:26

Ay nalag wam ay nadungug te, Pablu nagewan ngayuk taw sis furuan Efesu ay sas fagdaul talun Asya. Kanya gfoyung te, taw at nawat fag ngay fagsegan bunwa at matuyan fag fagsegan.

Deuterunumyu 7:25

Nangirug am at ngay fagsegan, ay lag am galabian at gintu ay at sanbung salapi. Lag am gbul takatanya aroro sik famaylatan way sa ayu. Ay saruyani takatanya fagayu aroro maksvn nu mauri sa ay Dius Yawi.

At Nafasure 9:20

Ay ngay taw at yud anbul siginan kafag faurianan, wa gfaragang nu gseg at ngay awatan fag ngay fagsegan. Kanya fagayu gfataglayun yay gugat nu gseg ngay falad, ay sa sangay fagsegan at mawatan siginans gintu, salapi, tansu, gang, ay kayu, ngay fagsegan at yud glag, yud gdungug, ay yud malao.