Daniel 2:47 - Fanawbuid tagsibaliwas Fakayabian

⁴⁷ Kanya nalong sas Daniel te, “Aroro nafayamag tuo ku taginfan at masuad, gafanud au te, am Dius amabalyanan yap tua sas fagayu. Kanya tua nangus fag Fun ngay fun at fagtoglagun. Aroro kanya way lang at mafafayamag at ngay madulo.”

Daniel 2:47 ပူးပေါင်းရင်းမြစ်များ

Fakasigadan 41:39

Ay Igiptu at fun nalong sas Use te, “Aroro Dius nafoyung emu takatanya fagayu, we tiba yak taw ke fagsafulun ay at mamatanganan takata emu.

2 Fun 5:15

Sanya ginan, Naaman ay at ngay fagsuguan anfoli sas Dius at fagsuguan. Kanya namalindug sis Elisyu at daga salubangan ay nalong te, “Katsi, nasaful au te, sas fagdaul daga we tibak Dius sas day Israel at Dius. Nu katanya, fagtainan, aylati ku ngay famonun sa emu.”

Ub 12:19

Kanya gfayud e masuad ngay tagfon fanggalangun at ngay fanambagun ay tiba yak taw at ke fagsafulun.

Alubad. 136:2

Ay fauseganani anya, aroro sia tua Tiba Tungud fag Dius. Nu mafangesug di e fakatabuan.

Alubad. 136:3

Fauseganani ngay fun at Fun. Nu mafangesug di e fakatabuan.

Alubad. 72:11

Ay kanya ban nangus fag ngay fun gfababaun tua sa anya. Ay fagayu ban nangus talun at taw gfaning tua anya.

Alubad. 82:1

Dius gfangguna at ngay taw nu maful. Sis wabilug ngay tagfangguna, kanya wan taginsaful.

Alubad. 96:4

Yawi mabalyanan, nu katanya, at masine fauseganani anya, ay suyui gtungud yap tua sa tibak fagsegan,

Esekyel 26:7

Fun Dius Yawi nalong yay fia te, “Ngay taw Tiru, namadasug au sa ayu fun Nabukudunusur, Babilunya at fun, ay fagayu fun at fun. Ay kanya ban kadasug siginans fawalan fag alvngvdan gadgaloan ngayuk tagfawayan, ay tagsakay sis faguyudan, ay sis kabayu.

Daniel 11:36

“Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Daniel 2:19

Ginanya fag yabi, Dius nafasure sas Daniel siginan sik taginfan fun Nabukudunusur at taginfan ay at masuad. Ay Daniel nafauseganan tagsis banwa fag Dius te,

Daniel 2:22

Kanya wan tagfayamag at ngay masuksukan ay at maidap. Siwa anya famayamag ay nasaful nusnge wain tagsisad dulum.

Daniel 2:28

dewa katanya, e sik mabalyanan fag Dius sis banwa at mafafasure at ngay masuksukan nusnge wain. Ay kanya nafoyung sa emu takafasludan ban. Katsi, nanlong au sa emu am ngay nalag sim taginfan.

Daniel 2:29

“Mesug fag fun, kaduge o gtaygilidan, nataginfan o takafasludan ban. Tagfasure fag Dius nafoyung sa emu at masuksuk fag taginfan.

Daniel 2:30

Ay Dius nafoyung angku am taginfan, bunwa te, gtungud kyap tua ku iba, nu bunway laman mafafayamag ktua sa emu am taginfan at masuad at tagfasalag sim amatanganan.

Daniel 2:37

Em fun, o wan tagfunan ngay fun. Dius tagsis banwa nafili emu sik fun ay nafon emu fagmabalyananun, fagmabitsugun, ay fagmasineun.

Daniel 3:15

Katsi gsugu au ayu te, nung ro am nadungug ngay fagfawangun at awang, malubi ay segi ku nafawat fag fagsegan. Ay nu dway ro am gseg, gsugu kro te, ukasi ayu sa sik faygangan daul. Sumaful ro tam te, o anud e dius at mafalangfe ayu.”

Daniel 3:28

Nu katanya, fun Nabukudunusur nalong te, “Segi kanya fag tuluk baguama at Dius. Aroro Dius nasugu at tagbarita laman namalangfe at ngay fagsuguan tagafanud sa anya. Kanya fag ngay baguama di nafaning ku suguan laman gseg sa ku nafawat fag fagsegan. Kanya fag tulu naylat kabul abat ngate nanseg nusnga setaw fag dius tagsaman at Dius.

Daniel 3:29

Ay katsi, gsugu au te, nusnga sinu fag taw dewa ndaginan fag talun, ay nusnga setaw at fangaringang, at nalong mauri sas Sadrak, Mesak, ay Abednegu at Dius, umsaruayan ban at ngay afud bilug ay umkiklas at ngay bale. Aroro we tibak Dius at mafalangfe kata at nafalangfe kafag tuluk baguama fag Dius.”

Daniel 4:17

Katanya tagbarita at nalong fag faurianan laman fagayu taw sumaful te, Tiba Tungud fag Dius e fagmabalyananun sa sangay taw at ngay fagfagtainanan. Ay kanya gfon kafag ngay fagfagtainanan sas nusnga sinu at fakaylatun, ay dewa sat yud e kwa.’

Daniel 4:25

Dius ban gaiyan ay gfayayu emu siginans ngay taw ay gbanwan ban o sasad araw gadgaloan tagsis talun fag ngay mangilafang. Kata ban o ngay baka kon bariri, ay damug ban gfabasa emu. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay mafagbilug sas nusnga sinu.

Daniel 4:32

Gaiyan kwan emu siginan am fagfanggunaun fag ngay taw ay namabanwan au emu gadgaloan tagsis talun fag ngay mangilafang. Ay kata ban o ngay baka, kon bariri. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay gfagbilug sas nusnga sinu.”

Daniel 5:11

aroro e sik taw ste sim fagfagtainanan tagsi anya ngay dius at falad. Ebi gina am mama Nabukudunusur gfunan, kanya fag taw nafalag at fagsafulun takata ngay dius at fagsafulun. Am mama nafili anya sik tagfangguna sa sangay tagsaful gfasure at ngay madulo, tagfangufit, tagfangalga siginans galeme ay taginsaful.

Amus 3:7

At matuyan, Fun Dius Yawi di gfakamulun nusnge wain yakmay nafasaful sat ngay fagsuguan fag ngay taglong.

1 Kurintu 14:25

Ay kafag taw sumaful at masuksukan sit amatanganan. Ay kanya umlub, ay sumeg tam Dius te, “Anud, Dius gufud ayu.”

Deuterunumyu 10:17

Aroro ay Dius Yawi, gtungud tua tibak dius ay tibak fun. Kanya at mabalyanan tua ay at madulo fag Dius. Kanya di e fagfili ay wa gbul famaylatan fag famonun.

1 Timuteu 6:15

gina ban sis Dius at nafalganan fag menit. Tam Dius way lang at mabalyanan fag Fun, fagayu fun at Fun ay fagayu fagtainan at Fagtainan.

Uswe 22:22

“Yawi sik mabalyanan fag Dius! Yawi sik mabalyanan fag Dius! Ay kanya saful way em fagnafakamulunun takatanya, ay anggan am nangus sumaful yangay am. Nu nafawayan way romi ay nafamabo Yawi, fabuli wan emi katsi fag menit.

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.