Daniel 2:44 - Fanawbuid tagsibaliwas Fakayabian

⁴⁴ “Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 2:44 ပူးပေါင်းရင်းမြစ်များ

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

2 Samwel 7:13

Ay kanya ban at namawat ku bale laman sa ku ngayan, ay gtuyan au te, at ngay kasugfunanan tua ban gugat tagfunan kabavn.

2 Samwel 7:16

Am ngay kasugfunanan ban kabavn gfataglayun nu gfunan si ku daga salubangan.’ ”

Alubad. 145:13

Yawi, nu gfagtainan o sas fagayu kasugfunanan, kabavn tua. Gfafasludan tuo gugat am ngay fatuyanan, ay sas fagayu am fakamulun, mafangafanyu tuo.

Isayas 60:12

Aroro umfaurianan ban ngay talun ay ngay fagfagtainanan at yud gfaning emu.

Esekyel 37:25

Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.

Daniel 2:28

dewa katanya, e sik mabalyanan fag Dius sis banwa at mafafasure at ngay masuksukan nusnge wain. Ay kanya nafoyung sa emu takafasludan ban. Katsi, nanlong au sa emu am ngay nalag sim taginfan.

Daniel 2:34

Ay kaduge o glingaman kanya fag fagsegan, sik gang anbaras deyud e natigtig. Ay kafag gang antong sat ngay darafa ay at ngay darafa anrufa.

Daniel 2:35

Arodi vtv, anrufa wan kafag fagsegan at mawatan sanbung, lutuk, tansu, salapi ay gintu, ay ankata sik upa sis fagruyusan, lalab at fagfalayugun nusnga nday, dewa katanya, kanya fag gang at kintong sas fagsegan at ngay darafa ansik buksul daul ay ankapnu sas fagdaul daga.

Daniel 2:37

Em fun, o wan tagfunan ngay fun. Dius tagsis banwa nafili emu sik fun ay nafon emu fagmabalyananun, fagmabitsugun, ay fagmasineun.

Daniel 2:43

At kinsuglat fag sanbung ay lutuk at masuad te, fagfagtainanan at mesa tagfangguna nangasadi ban nu kadadwa sa tibak kasugfunanan. Dewa katanya, wa ngaduge at nasadian, kata sanbung ay lutuk at yud masine kasuglat.

Daniel 4:3

Maksvn nu madulo ay mabalyanan at nafakamulun. Kanya nu gfunan we fakatabuan.

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 6:26

Gsugu au sa sangay taw tagsi ku fagfagtainanan te, fagayu nangus taw alimui tua ay suyui Daniel at Dius. Aroro kanya tagleleg tua fag Dius ay tagleleg tua kabavn. Kanya nu gfunan we fakatabuan ay we mababo anya.

Daniel 6:27

Kanya gfalangfe ngay taw ay gfakamulun ngay madulo sas banwa ay sas fagdaul daga. Ay kanya nafalangfe Daniel sa sangay liun.

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Daniel 8:25

Aroro sat fagmakatuun, kanya ban gbabo sat fakamuagun. Ay kanya ban kamanagsag ay we mafaragang anya nu gfabul ngayuk taw. Ay gfawayan ban anggan ngay tagfangguna at funan. Dewa katanya, e gfaurianan ban anya bunwa siginans taw at fagmabalyananun nu bunway Dius tua at fagmabalyananun.

Agay 2:22

Nangiklas kban at ngay fagfagtainanan ay nama yud kban e tungkul at ngay fagmabalyananun. Namadaging kban at ngay faguyudan ay anggan tagsakay. At ngay kabayu ban umbul, ay at ngay tagsakay ban gfadfabulan.

Agay 2:7

ay anggan fagayu talun, ay kanya ban fag ngay talun at taw namuba at ngay ramraman sa ku bale. Ay umkapnu ban sa ku bale nusnge wain at mafanud.

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Uan 12:34

Ngay taw gbalus anya te, “Muisis at Faugali at foyungan emi te, Dius at nafili fag Fun gbanwan ban kabavn. Wain am fagnalongun te, ‘E gfabat ban Taw at Baguama’? Sinu nunda ‘Taw at Baguama’?”

Ebreu 12:28

Useganani aroro tam fagnamulun ban siginans Dius fag fagfagtainanan di ban kauig. Nu katanya, segi fauseganani tam Dius. Alimui fia faningi anya ay suyui tua anya.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”