Daniel 2:4 - Fanawbuid tagsibaliwas Fakayabian

⁴ Ay tagfangalga siginans galeme nabalus te, “Mesug fag fun, nangus gleleg tua ban o kabavn! Longi sa emi am taginfan, ay gfayamag ro mi sa emu at masuad.”

Daniel 2:4 ပူးပေါင်းရင်းမြစ်များ

Fakasigadan 31:47

Ay Laban nafangayan kafag fafulan gang te, Egar-Saaduta. Ay Akub nafangayan kafag fafulan gang te, Galeed.

Fakasigadan 41:8

Ay balabag di, Igiptu at fun at amatanganan wa manabayan aroro siginan at nataginfan. Ay kanya nafauro fagayu taw tagsaful gfasure at ngay madulo ay ngay taw at ke fagsafulun sis talun Igiptu, dewa katanya, we nafafayamag at taginfan at masuad. Ay kanya nafoyung yangay at taginfan sa sangay taw, dewa katanya, wa yangay mafafayamag at taginfan at masuad.

1 Fun 1:25

Katsi fag menit, Adunya girug ngay tama baka, ngay riangan ay at mafatagluan fag ngay tupa. Arvs fagayu wan am baguama, ay am ngay tagfawayan at fun, ay anggan tagfon fanggalangun Abyatar at nafauro sat fagmafulun. Ay katsi, kanya fagayu gfangon ay ginum. Ngay taw guro te, ‘Mabayan fun Adunya!’

1 Fun 1:31

Ay Batseba narungan wa vtv laman gfalag te, gsuyu, ay nalong te, “Manabayan tua ban o nangus gugat, mesug fag fun Dabid.”

2 Fun 18:26

Ay Elyakim, Sebna ay Ua nalong sas tagfangguna tagfawayan te, “Anin, nu gfakamatoan o emi sa yakmans taw Aram at fangaringang, aroro kanya way em fagtogdungugun. Lag garingang sas Ebreu fag fangaringang aroro tagsis alad furuan fag ngay taw gdungug way.”

Esra 4:7

Ay gina Artaserses Persya at fun, Bislam, Mitredat, Tabeel, ay tiba ya nariruk yangay sa anya sas Aram fag fangaringang.

Nemyas 2:3

dewa katanya, nabalus au fun te, “Mesug fag fun, am leleg ban nangus umkaba yay! Kabalu au, aroro fagfolian ku ngay mangaguyang fag furuan daul maiklasan wan, ay at ngay sakbawan mairugan wan.”

Isayas 36:11

Ay Elyakim, Sebna ay Ua nalong sas tagfangguna tagfawayan te, “Anin, nu gfakamatoan o emi, sa yakmans taw Aram at fangaringang, aroro kanya way em fagtogdungugun. Lag garingang sas Ebreu fag fangaringang aroro tagsis alad furuan fag ngay taw gdungug way.”

Isayas 44:25

Kwa nafafasludan at yud matuyan fag ngay taglong at ngay foyungan. Ay nafayud au e masuad ngay tagfangalga at nafangalga takadasug ban, ay nasalag au at ke ngay fagsafulun at ngay longan, nu katanya, wa nke masuad at fagsafulun.

Daniel 1:4

Filii at maseganama, mataglu, maleleg, at masakit kae fagsafulun ay masine laman ku ngay fagsuguan.” Ay fun Nabukudunusur nasugu sas Aspenas te, “Foyungi yangay sa anya fagayu, tam fangaringang ay tam ngay rirukan.”

Daniel 2:7

Ay kanya fagayu gdog yay nabalus sat fun te, “Em fun, longi sa emi am taginfan ay gfayamag ro mi sa emu at masuad.”

Daniel 3:9

Kanya fagayu nalong sas fun Nabukudunusur te, “Mesug fag fun!

Daniel 4:19

Daniel (at ngayan yangay te, Beltesasar) nafanawa ay anlimu nu nadungug fun at taginfan. Nu katanya, fun Nabukudunusur nalong te, “Beltesasar, lag o kalimu ku taginfan.” Beltesasar gbalus te, “Mesug fag fun, sa way ban nangus am ngay fawayan tuy nu kafasludan.

Daniel 4:7

Ngay tagsaful gfasure at ngay madulo, tagfangufit, tagfangalga siginans galeme ay taginsaful ndasug, ay nafansulit au sa anya fagayu ku taginfan, dewa katanya, wa mafayamag.

Daniel 4:9

Nalong au anya te, “Beltesasar, saful au te, si emu ngay dius at falad ay masakit o gfayamag at madulo. Longi sa angku ku taginfan at masuad.

Daniel 5:10

Fun at mina nu nadungug fun ay takadungug fag ngay taw nu garingang, ankakbang sa anya fagayu sis fagfangonan ay nalong te, “Mesug fag fun, lag o kalimu ay gafanawa,

Daniel 5:8

Nu katanya, kanya fagayu ankakbang laman nantap at marirukan sis dingding. Dewa katanya, we makatu gtap ay wa yangay e malong sas fun at masuad.

Daniel 6:21

Ay Daniel gbalus te, “Mesug fag fun!

Daniel 6:6

Nu katanya, kanya fagayu nalao sas fun Daryu ay nalong te, “Em fun, gleleg tua ban o nangus kabavn!

Daniel 6:7

Ami am ngay tagfangguna sam fagfagtainanan ansadi ami get sa emu te, awati ay faksvni sik faugali te, kaduge tuluk safuluk menit we taw gdarangin sas nusnga setaw fag dius ay mannga sas taw nu bunway sa yakman lang emu. Ay nusnga sinu ban at yud nafaning tuy fag faugali, gaukasan ban sas fagubungan ngay liun.

Mateu 21:9

Ay ngay taw tagsit fagunan ay tagsit faguyanan guro te, “Fadi fadi, O fun Dabid at kasugfunanan! Segi takadasug sas Dius at fagmabalyananun! Fadi fadi, segi Tiba Tungud fag Dius!”

1 Samwel 10:24

Samwel nalong sa sangay taw te, “Kanya wan Yawi at nafili laman ban ay fun. We gfasud anya.” Ay fagayu taw guro te, “Manabayan em fun!”