Daniel 2:37 - Fanawbuid tagsibaliwas Fakayabian

³⁷ Em fun, o wan tagfunan ngay fun. Dius tagsis banwa nafili emu sik fun ay nafon emu fagmabalyananun, fagmabitsugun, ay fagmasineun.

Daniel 2:37 ပူးပေါင်းရင်းမြစ်များ

1 Fun 4:24

Sulumun gagbilug fagdaul Liskung Eufrates tagsabaliwas fakayabian siginans Tifsa sitsigons Gasa. Ay manabayan nu gbanwan nusnga nday fag furuan.

2 Fun 25:28

Kanya malukme sas Yuyakin ay nafauseganan anya gtungud yay sa tibak fun at natabanan sas Babilunya.

2 Krunika 36:23

“Katatuy fun Sirus, talun Persya at fun, at longan: “Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda. Fagayu am Dius at ngay taw, afolii wan sa ay talun. Yawi ban nangus gufud ayu.”

Esra 1:2

Katatuy fun Sirus, talun Persya at fun, at longan: Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda.

Esra 7:12

Au fun Artaserses, fagayu fun at fun. Nariruk au sa emu Esra fag tagfon fanggalangun ay tagfoyung tagsis banwa fag Dius at suguan.

Alubad. 62:11

Bundi sayginan nu gdungug au Dius nu glong te, “Au way lang ke fagmabalyananun.”

Fangatulun 8:15

Siginan angku, ngay fun mafangguna tua, ay ngay tagfangguna saful tua kawat at kasakan fag ngay faugali.

Isayas 10:8

Nu katanya, kanya kamatungudun te, “O nunda fagayu tagfangguna ku ngay tagfawayan wa kata sik ngay fun?

Isayas 47:5

Yawi nalong te, “Babilunya, nanmalunggung o maragangan sasad dulum. Wa ban e gfangayan ya emu te, ngay fagfagtainanan o at fun fag mangena.

Eremyas 28:14

Au Yawi at Mabalyanan, Israel at Dius, glong au te, gfafunguan kban fantungud liug fag sanbung sas fagayu talun laman kanya fagayu gfakamulun sas Nabukudunusur, Babilunya at fun. Ay namagbilug kyangay ban sa anya anggan tagsis talun fag ngay mangilafang.’ ”

Eremyas 34:1

Nabukudunusur, talun Babilunya at fun, nanamawayan furuan Erusalem ay anggan tagsit ligung fag ngay furuan. Kanya gadgaloan fagayu at ngay tagfawayan ay anggan ngay tagfawayan tagsiginan at fagagbilugun fag ngay fagfagtainanan. Ay ginanya, Yawi, Israel at Dius, nalong sas Eremyas te, “Loi sas Sedekya, Uda at fun, ay nanlong o sa anya te, ‘Yawi glong te, Namon kwan sas talun Babilunya at fun tuy fag furuan daul ay kanya nangirug.

Esekyel 26:7

Fun Dius Yawi nalong yay fia te, “Ngay taw Tiru, namadasug au sa ayu fun Nabukudunusur, Babilunya at fun, ay fagayu fun at fun. Ay kanya ban kadasug siginans fawalan fag alvngvdan gadgaloan ngayuk tagfawayan, ay tagsakay sis faguyudan, ay sis kabayu.

Daniel 1:2

Kanya nababo ay nataban fun Yuyakim kata Fun Dius at fakaylatun. Ay kanya nabul tibak fagagbilugun sis Dius at bale ay nabuba sas Babilunya, ay nafasat fagfasuksukan ngay ramraman sit fagsegan at bale.

Daniel 2:31

“Katatuy am taginfan: Nalag o sim daga salubangan sik tawtawan daul masulo ay malimu.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 4:19

Daniel (at ngayan yangay te, Beltesasar) nafanawa ay anlimu nu nadungug fun at taginfan. Nu katanya, fun Nabukudunusur nalong te, “Beltesasar, lag o kalimu ku taginfan.” Beltesasar gbalus te, “Mesug fag fun, sa way ban nangus am ngay fawayan tuy nu kafasludan.

Daniel 4:22

o wan kafag fun kayu, mesug fag fun. Aroro ansik mabalyanan o. Am fagmabalyananun andasug sas banwa ay am fagagbilugun andasug nusnga nday fag fungfung daga.

Daniel 4:25

Dius ban gaiyan ay gfayayu emu siginans ngay taw ay gbanwan ban o sasad araw gadgaloan tagsis talun fag ngay mangilafang. Kata ban o ngay baka kon bariri, ay damug ban gfabasa emu. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay mafagbilug sas nusnga sinu.

Daniel 4:3

Maksvn nu madulo ay mabalyanan at nafakamulun. Kanya nu gfunan we fakatabuan.

Daniel 4:32

Gaiyan kwan emu siginan am fagfanggunaun fag ngay taw ay namabanwan au emu gadgaloan tagsis talun fag ngay mangilafang. Ay kata ban o ngay baka, kon bariri. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay gfagbilug sas nusnga sinu.”

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 5:18

“Em fun, am mama Nabukudunusur Tiba Tungud fag Dius at nafili fag fun. Kanya anke fagmabalyananun ay ngay taw nafauseganan anya.

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Usea 8:10

Ay kanya ban fag ngay talun dewa nagbilug Israel, namaful kyay ban fia anya fagayu laman gfaurianan. Ay sik fun ban gadgaloan at ngay tagfangguna at namaidapan anya fagayu.

Mateu 6:13

Ay dirii emi laman dimi gafaskudan sas asalanan, nu bunway falangfei emi siginan at mauri.’

Uan 19:11

Ay Isus nabalus anya te, “Wo e fagmabalyananun sa angku nu dway nafon emu siginans banwa. Nu katanya, at nataban angku sa emu at ngay asalanan amaksvn yap am asalanan.”

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.

At Nafasure 4:11

“Em Fun ay em Dius, e fagmasineun tuo gbul famauseganan ay nu gseg, ay fagmabalyananun, aroro fagayu nusnge wain o wan at nawat. Ay gfaning kata am fakaylatun, kanya fagayu ankawat.”

At Nafasure 5:12

Ay kanya fagayu gfabia nu galubad te, “At kinbul fag Tupa Riangan at masine gbul fagmabalyananun ay fagmaramramanun, ay fagmamatanganun, ay fagmabitsugun ay fagsegun, ay fagmasineun, ay famauseganan.”