Daniel 2:34 - Fanawbuid tagsibaliwas Fakayabian

³⁴ Ay kaduge o glingaman kanya fag fagsegan, sik gang anbaras deyud e natigtig. Ay kafag gang antong sat ngay darafa ay at ngay darafa anrufa.

Daniel 2:34 ပူးပေါင်းရင်းမြစ်များ

Alubad. 118:22

Ngay takawat bale at naukas fag gang, ansik fagfatungkudan turuk.

Isayas 28:16

Nu katanya, katatuy Yawi tam Fun at longan: “Dungugani fagayu am! Namae fagfatungkudan au gang sas Siun; sik gang maksvn, ay at yud guigan, ay mafanud. Nusnga sinu tagafanud sa anya di ban e fakaplaun.

Isayas 60:12

Aroro umfaurianan ban ngay talun ay ngay fagfagtainanan at yud gfaning emu.

Isayas 8:9

Am fag ngay taw tagsiginan tibak talun, dewa ban am ansadi, gababawan way ban am. Ay am fag ngay taw tagbanwan sa tangayayu fag ngay talun, dungugani! Dewa am nafalganan namawayan emi, gababawan way ban am.

Esekyel 32:28

“Ay o Faraun, umbul yangay ban o ay e namoli emu magamut at ngay kinbul sis awayan at yud gafanud sas Dius.

Esekyel 47:5

Ay kanya gdog yay fia nafasud kaba yangay fia nya, at kabasadan sak kafioan, at yud kadife.

Daniel 2:33

ay at ngay bitis sik sanbung, ay at ngay darafa sik sanbung ay lutuk.

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Daniel 8:25

Aroro sat fagmakatuun, kanya ban gbabo sat fakamuagun. Ay kanya ban kamanagsag ay we mafaragang anya nu gfabul ngayuk taw. Ay gfawayan ban anggan ngay tagfangguna at funan. Dewa katanya, e gfaurianan ban anya bunwa siginans taw at fagmabalyananun nu bunway Dius tua at fagmabalyananun.

Sakaryas 12:3

Ginanya ban, namakata au sik gang mabyat furuan Erusalem, ay nusnga sinu ban fag talun at nated kafag gang, umfaurianan. Ay fagayu ban talun sas fagdaul daga nangaful laman namawayan Erusalem.

Sakaryas 4:6

Kanya glong sa angku te, “Katatuy Yawi at longan am fagnanlongun sas Serubabel: ‘Serubabel, bunwa ban siginan am fagmabitsugun ay am fagmabalyananun nu gfawat o ku bale, nu bunway siginan tua ban ku Falad.’

Mateu 16:18

Ay glong kyay sa emu te, o wan Pedru, at masuad te Gang, ay namaful kban ku ngay taw stae fag gang, ay dewa fakabulun at fagmabalyananun di ban mababo ku nafaful fag ngay taw.

Uan 1:13

Dius at ngay sisian nu kasalug di kata sik mangena nu gfasalug at sisian ay di kata sik taw at fakaylatun ay at algan, nu bunway siginan tua Dius at algan.

Fakamulun 4:11

Kata at marirukan te, at nalong fag gang, Isus wan: ‘Am fag ngay takawat bale ay naukas fag gang, katsi famaogat tua.’

2 Kurintu. 5:1

Nasaful tam te, dewa ban anrasras wan tam fagbanwanan ste swa daga, at masuad tam bilug, tam Dius e nafalganan tua sik fagbanwanan at yud karasras kabavn, ay kanya fag fagbanwanan bunwa taw at nawat.

Ebreu 9:24

Aroro tam Fun Isus at fagsakboan bunwa taw at nawat fag fagnansegan Dius fag bale ramit, nu bunway sa tuas banwa. Taw at nawat fag fagnansegan fag bale ramit sik aninu way at matuyan fag bale ramit tagsis banwa. Ay katsi tam Fun Isus si was Dius at daga salubangan, laman tam tagwabilug.

1 Pedru 2:7

Nu katanya, kafag gang mafanud tua sa ayu fag ngay tagafanud. Dewa katanya, umfasludan sa sangay yud gafanud, kata sis Rirukan te, “Ngay takawat bale at naukas fag gang, ansik fagfatungkudan turuk.”

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”