Daniel 2:30 - Fanawbuid tagsibaliwas Fakayabian

³⁰ Ay Dius nafoyung angku am taginfan, bunwa te, gtungud kyap tua ku iba, nu bunway laman mafafayamag ktua sa emu am taginfan at masuad at tagfasalag sim amatanganan.

Daniel 2:30 ပူးပေါင်းရင်းမြစ်များ

Fakasigadan 41:16

Ay Use gbalus te, “Mesug fag fun, bunwa au, nu bunway Dius tua tagfon angku famayamag ngay taginfan at masuad, laman sa am fagmasineun.”

Alubad. 139:2

Saful way o te, malunggung au ay malindug. Ay dewa o ngayayu, saful way o fagayu tagsi ku amatanganan.

Isayas 45:4

Nafili au emu laman nanggubuk o ku fagsuguan ay ku nafili fag ngay taw Israel. Nafauseganan au emu gina o yud natoglag angku.

Daniel 1:17

Dius nafon sanya fag ufatk baguama fagtogdungugun ay fagsafulun sangay rirukan. Saman ya kanya, Daniel anke fagsafulun sa nu gfayamag ngay taginfan at masuad.

Daniel 2:47

Kanya nalong sas Daniel te, “Aroro nafayamag tuo ku taginfan at masuad, gafanud au te, am Dius amabalyanan yap tua sas fagayu. Kanya tua nangus fag Fun ngay fun at fagtoglagun. Aroro kanya way lang at mafafayamag at ngay madulo.”

Daniel 2:49

Daniel naet sas fun te, “Filii Sadrak, Mesak, ay Abednegu laman taggubuk angku nu gfangguna au sanya fag afud talun Babilunya.” Fun Nabukudunusur naylat Daniel at fagetun. Ay Daniel si way gugat fun at bale.

Amus 4:13

Dius wan at nawat ngay fungsu ay tagmara, ay kanya yangay tagfae menit ay tagfae yabi. Kanya gfasaful sa sangay taw at ngay algan ay gfagtainan sas fagdaul daga. At ngayan Yawi, at Mabalyanan fag Dius.

Mateu 24:22

Dius ban nu dway ban nafagud kanya fag buknga, wa ban e gleleg ya. Ay dewa katanya, aroro kesug tua at nafili fag ngay taw, gfagud way ban ginanya fag buknga.

Markus 13:20

Ay tam Fun nu dway ban nafagud kanya fag buknga, wa ban e gleleg ya. Ay dewa katanya, aroro kesug tua at nafili fag ngay taw, gfagud way ban ginanya fag buknga.

Fakamulun 3:12

Ay Pedru nu nalag kafag ngay taw, glong sa anya fagayu te, “Em kaiban fag ngay taw Israel, wain ay fakaduloun ay nalag? Ay wain ay fagdamaun fia emi? O gamatangan am te, nafafia ami anya siginan em sadili fagmabalyananun ay em fagmatuyanun?

Ruma 8:28

Ay nasaful tua tam te, Dius gfakamulun tua gugat nusnge wain at masine sas fagayu takesug anya, at masuad, sat nauro fag ngay taw gfaning at algan.

2 Kurintu. 4:15

Fagayu em fagagwantanun gfae fagmasineun tua ayu, laman Dius at fagmagalangun gina karapyag sas ngayuk taw, kaugat yay nu kaayu tagfauseganan ay tagseg anya.