Daniel 2:28 - Fanawbuid tagsibaliwas Fakayabian

²⁸ dewa katanya, e sik mabalyanan fag Dius sis banwa at mafafasure at ngay masuksukan nusnge wain. Ay kanya nafoyung sa emu takafasludan ban. Katsi, nanlong au sa emu am ngay nalag sim taginfan.

Daniel 2:28 ပူးပေါင်းရင်းမြစ်များ

Fakasigadan 40:8

Ay duama gbalus anya te, “Nataginfan ami ay we gfayamag sa emi at masuad.” Use glong te, “Dius tagfon fagsafulun laman gfayamag ngay taginfan at masuad.”

Fakasigadan 41:16

Ay Use gbalus te, “Mesug fag fun, bunwa au, nu bunway Dius tua tagfon angku famayamag ngay taginfan at masuad, laman sa am fagmasineun.”

Fakasigadan 41:25

Ay Use nalong sas Igiptu at fun te, “Mesug fag fun, am taginfan fagdua katanya yay at masuad. Dius ban gfasure sa emu at fagnamakamulunun kata am ngay taginfan.

Fakasigadan 49:1

Sanya ginan, Akub nagewan at ngay baguama ay nalong te, “Wainyayam, e fagyalongun kyay sa ayu.

Alubad. 115:3

Dewa katanya, katatuy em famalus: Em Dius sis banwa, ay kanya gfakamulun at fakaylatun.

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Eremyas 10:7

O wan ngay talun at fun, sinu at yud kalimu emu? Masine ngay taw nu kalimu tua emu. Ay dewa at mamatanganan fag ngay taw ay fagayu fun siginan tibak talun, we mafasud emu.

Eremyas 30:24

Nu kadotama au wa kalyam yakmay au nafafasludan ku fakaylatun gfakamulun. Ay sa ban taguyan fag menit, sumaful yayam takatanya.”

Eremyas 48:47

Dewa katanya, kadasug ban sik menit, gfafoli kyay ban talun Muab at kayaunanan. Au, Yawi, taglong tuy.” Kata kanya at foyungan sabaliwas talun Muab.

Esekyel 28:3

Gamatangan o te, amamatanganan yap tuo Daniel ay wo e fagyudun saful at masuksuk.

Esekyel 38:16

Gug, namawayan ban o ku ngay taw Israel, kata sik linyabu tagtabun daga, laman ban ku fawayan fag ngay talun tumoglag angku te, kdi e malong.

Esekyel 38:8

Aroro sik menit ban, gsugu au ayu te, namawayan am Israel fag talun, tangaduge wan nu mabaluanan aroro nababawan. Dewa katanya, kanya fagayu nadog yay nawat at ngay furuan, ay anfoli wan at ngay taw siginan tibak talun, ay katsi gbanwanan manabayan.

Daniel 1:20

Ay nusnga setaw at fun at fagintoun sa anya fag ufat, nasaful te, at fagsafulun gtungud yay sangay tagsaful gfasure at ngay madulo ay tagfangufit sit fagfunanun.

Daniel 10:14

Katsi, ste au laman namayamag au sa emu takafasludan ban sam ngay kaiban fag ngay taw Israel, aroro am ngay taginfan sabaliwa takafasludan ban.”

Daniel 2:18

Ay kanya nalong sa anya fagayu te, “Darangini laman Dius tagsis banwa kafanyu tua antam ay laman sumaful tam tam fun at taginfan, laman ban kanya di gfabul antam kata tibak tagfangatulun sis Babilunya.”

Daniel 2:22

Kanya wan tagfayamag at ngay masuksukan ay at maidap. Siwa anya famayamag ay nasaful nusnge wain tagsisad dulum.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 2:45

Kanya kata am nalag at kintong fag gang siginans buksul (bunwa siginans taw at nafakamulun) at narufa kanya fag fagsegan at mawatan sanbung, tansu, lutuk, sanbung salapi, ay gintu. “Em fun Dius mabalyanan tua, ay nalong sa emu takadasug ban. Kanya am taginfan at masuad. Kanya fagayu ku nalong matuyan.”

Daniel 2:47

Kanya nalong sas Daniel te, “Aroro nafayamag tuo ku taginfan at masuad, gafanud au te, am Dius amabalyanan yap tua sas fagayu. Kanya tua nangus fag Fun ngay fun at fagtoglagun. Aroro kanya way lang at mafafayamag at ngay madulo.”

Daniel 4:5

Dewa katanya, nataginfan au at malimu wa malimu ay gfafanawa angku.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Amus 4:13

Dius wan at nawat ngay fungsu ay tagmara, ay kanya yangay tagfae menit ay tagfae yabi. Kanya gfasaful sa sangay taw at ngay algan ay gfagtainan sas fagdaul daga. At ngayan Yawi, at Mabalyanan fag Dius.

Tap 24:14

Guli kwan katsi sa ku kaiban. Dewa katanya, gina au galoun, gfararang au sa emu ngay taw Israel at fagnamakamulunun ban sa am ngay taw.”

Mateu 6:9

Ay nu gdarangin am longi te, ‘Em Mama sas banwa, Ngay taw nangus sumeg tua am ngayan,

Deuterunumyu 31:19

“Nu katanya, riruki tuy fag alubad ay foyungi sa sangay taw Israel. Falubadi tuy sa anya fagayu laman kanya tagfatuyan sa anya fagayu.

Deuterunumyu 4:30

Fagidapun ban nu ndasug sa ayu, umfoli ban am sas Yawi ay namaning ban am anya.

2 Timuteu 3:1

Amatangani te, sa ban taguyan fag ngay menit, maksvn nu maidap.

Ebreu 1:1

Ebi Dius naringang sa tam ngay mangaguyang ngayu ginan siginan at ngay taglong, ay saman wa samank balyawvtan.

2 Pedru 3:3

Taguna safuli te, sa ban taguyan fag ngay menit kadasug takamalingun fag ngay taw, tagfaning at mauri fag algan.

At Nafasure 1:1

Katatuy Dius at foyungan sa tam Fun Isus, ay nasugu at tagbarita laman gfoyung yangay sat fagsuguan Uan. Katatuy fag foyungan at algan laman namasaful sas Dius at ngay fagsuguan sabaliwa tagakafasludanun wan.