Daniel 2:22 - Fanawbuid tagsibaliwas Fakayabian

²² Kanya wan tagfayamag at ngay masuksukan ay at maidap. Siwa anya famayamag ay nasaful nusnge wain tagsisad dulum.

Daniel 2:22 ပူးပေါင်းရင်းမြစ်များ

Fakasigadan 41:16

Ay Use gbalus te, “Mesug fag fun, bunwa au, nu bunway Dius tua tagfon angku famayamag ngay taginfan at masuad, laman sa am fagmasineun.”

Ub 12:22

Ay kanya gfasure at ngay masuksuk, ay kanya gfasik mayamag dulum.

Ub 26:6

Dius glag way at ngay kinbul at talun ay we gfarum at kinfaurianan at talun.

Alubad. 104:2

Yamag gsifig emu kata am lanbung, ay nawat o banwa laman am fagbanwanan.

Alubad. 25:14

Yawi, kabavn munakbang tuo sa sangay taw tagsuyu emu, ay gfamatang o gugat sanya fagayu am nasadian.

Alubad. 36:9

Aroro o wan takata sik bulbug tagfon leleg. Siginan am fagmayamagun, em ngay amatanganan ansine tua.

Takamoyung 8:1

We mafasud sik taw at ke fagsafulun at mafayamag tua nusnge wain. Taw at ke fagsafulun mafauseganan tua ngay kamatan ay mafalyam tua nu kabalu.

Isayas 41:22

Akbangi ay foyungi emi takafasludan ban. Foyungi emi at kinfasludan ebi laman sumaful ami te, nataw takafasludan ban. Foyungi emi te, nataw ban at kumfasludan, laman sumaful ami te, anud, sik ngay dius am. Fakamuluni at masine ay at mauri laman umdulo ami ay gsuyu ayu.

Isayas 41:26

Sinu si ayu at nalong te, umfasludan ban takatanya, laman sumaful ami ay lumong ami te, kanya matuyan? Fagayu am wam e nalong, ay wam e malong te, ‘Au.’

Isayas 42:9

Fagayu ku nalong ebi anfasludan wan, ay katsi gfoyung au ayu takafasludan ban.”

Isayas 45:7

Au wan at nafae yamag ay at nafae dulum. Ay au yangay tagfadasug fagmasineun ay fagmauriun. Au Yawi at nawat takatanya fagayu.

Eremyas 23:24

We taw masuksuan angku dewa snga nday fag furuan at masuksuk. O nunda wam saful te, si au sbanwa, ay sis daga ay nusnga nday? Au, Yawi, taglong tuy.

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Daniel 2:11

Em fun, am fagetun maksvn nu maidap. Ngay fagsegan way lang at mafafakamulun takatanya, dewa katanya, kanya fagayu wa gbanwan magamut si sangay taw.”

Daniel 2:19

Ginanya fag yabi, Dius nafasure sas Daniel siginan sik taginfan fun Nabukudunusur at taginfan ay at masuad. Ay Daniel nafauseganan tagsis banwa fag Dius te,

Daniel 2:47

Kanya nalong sas Daniel te, “Aroro nafayamag tuo ku taginfan at masuad, gafanud au te, am Dius amabalyanan yap tua sas fagayu. Kanya tua nangus fag Fun ngay fun at fagtoglagun. Aroro kanya way lang at mafafayamag at ngay madulo.”

Daniel 5:11

aroro e sik taw ste sim fagfagtainanan tagsi anya ngay dius at falad. Ebi gina am mama Nabukudunusur gfunan, kanya fag taw nafalag at fagsafulun takata ngay dius at fagsafulun. Am mama nafili anya sik tagfangguna sa sangay tagsaful gfasure at ngay madulo, tagfangufit, tagfangalga siginans galeme ay taginsaful.

Daniel 5:14

Nasaful au te, si emu ngay dius at falad ay e fagsafulun o ay mamatanganan.

Mateu 13:13

Gfaydayuanan au gfoyung au sa sangay taw laman kanya dewa gdama wa glag, ay dewa gdungug wa gdungugan, ay wa gtogdungug.

Uan 1:9

Andasug wan at matuyan fag fagmayamagun tagdamlag sas fagayu taw sas fagdaul daga.

Uan 21:17

Ay sis fatulu ginan, Isus nadog yay fia nainto te, “Simun, Uan at baguama, o kesug o angku?” Ay Pedru kabalu aroro tulu ginan Isus nu ginto anya te, “O kesug o angku?” Ay kanya nalong anya te, “Em Fun, nasaful wo fagayu nusnge wain. Nasaful wo te, kesug au emu.” Ay Isus nalong anya te, “Fafangoni ku ngay tupa.

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

Efesu 3:5

Tuy fag masuksukan we taw nasaful ebi ginan fag ngay buknga, ay katsi Dius nafasure sat mafilian fag ngay nasugu ay sat ngay taglong siginan at Masine fag Falad at gubuk.

Deuterunumyu 29:28

Siginan Yawi at dotama maksvn, kanya naiyan at ngay taw siginan at talun ay nafatabanan sa tibak talun, ay kanya fagayu gbanwan wan sanya.”

1 Timuteu 6:16

Kanya at yud kabul kabavn ay tagbanwan sisad mayamag yud e manangakbang, ay we taw batang glag anya, ay wa ban batang e glag. Siwa anya at yud e fakatabuan fag famauseganan ay fag fagmabalyananun Anud.

Ebreu 4:13

We taw masuksuk sas Dius. Aroro fagayu nusnge wain masure way sa anya, ay kanya glag way fagayu. Ay sa ban anya nu namoyung tam tam ngay nafakamulun.

Santiagu 1:17

Fagayu famonun at masine ay at matuyan, kanya siginans banwa, siginan tam Mama, takawat nusnge wain at masulo sis banwa. Dius di gbadbalian kata kafag ngay tagyamag at lanbung nu gadgalinan.

1 Uan 1:5

Katatuy em nadungug siginan tam Isus, ay gfoyung ami ayu te, Dius wan fagmayamagun, ay si anya we madulum nusdi alay.