Daniel 2:21 - Fanawbuid tagsibaliwas Fakayabian

²¹ Kanya wan tagfainbalian buknga. Kanya wan at nanfili nusnga sinu at nanfunan ay tagtubus. Kanya wan tagfon fagsafulun sat ngay ke fagsafulun.

Daniel 2:21 ပူးပေါင်းရင်းမြစ်များ

1 Fun 10:24

Fagayu taw sas fagdaul daga gyalagun Sulumun laman nandungugan sabaliwa at fagsafulun Dius at nafon anya.

1 Fun 3:28

Ay ngay taw nu nadungug fun Sulumun at nafakamulun anke fakalimuun sa anya, aroro kanya fagayu nasaful te, fun Sulumun anke fagsafulun siginans Dius sa nu gfawabilugan.

1 Fun 4:29

Dius nafon sas fun Sulumun fagsafulun ay fagmamatanganun ay at fagmatogdungugun at yud e mafasud.

1 Krunika 22:12

Yawi am Dius gfon ban nangus emu fagsafulun ay fagmatogdungugun laman mafafasludan o at ngay suguan gina ban nafili emu laman sik fun sis talun Israel.

1 Krunika 29:30

Ay anriruk sa kafag ngay taglong at fagrirukan nu setain nu gfunan ay nu se aksvn nu mabalyanan, nu setain fagayu at kinfasludan sa anya ay sas Israel, ay sat ngay tagligung si anya fag ngay fagfagtainanan.

Ester 1:13

Fun naet famalun sat mamatanganan fag ngay taw tagsaful ngay faugali sabaliwa at fagmafunanun,

Ub 12:18

Kanya gaiyan ngay fun siginan at mesa faglunggungan, ay gfafagsuguan sa tibak fun.

Nu Galin 31:3

Nafon au sa anya ku falad ay fagmabalyananun laman ban e fagsafulun ay e fagmakatuun nusnga setaw fag fakamulun,

Nu Galin 31:6

Nafili kyangay Ulyab, Akisamak at baguama, tagsiginan Dan at kasugfunanan, laman ggubuk Besalel. Nafon kyangay fagmakatuun sas fagayu tagfakamulun laman kanya fagayu mafafakamulun fagayu ku suguan emu,

Daniel 1:17

Dius nafon sanya fag ufatk baguama fagtogdungugun ay fagsafulun sangay rirukan. Saman ya kanya, Daniel anke fagsafulun sa nu gfayamag ngay taginfan at masuad.

Daniel 10:1

Gina sis fatuluk banwa Sirus fag taw Persya nu gfunan, e andasug sas Daniel sik fansulitan. Daniel at ngayan yangay te, Beltesasar. Ay kanya fag fansulitan matuyan sabaliwa sik tagbia fag awayan. Siginan sik taginfan, Daniel natogdungug kafag fansulitan.

Daniel 11:6

Ay nu nlangfe ban ngayuk banwa, kafag duak fun kasadi, aroro tagsi bans fasiunan fag fun namon at baguina sas fun tagsis fawalan fag alvngvdan laman at bubay. Dewa katanya, wa ban ngaduge kafag mangena ay kafag fun tagsis fawalan fag alvngvdan nu mabalyanan. Aroro ginanya ban fag buknga, e gfabul kafag dadwa gasfuan at ngay sisian, ay fagayu at fagsuguan.

Daniel 2:20

“Kabavn fauseganani Dius. Kanya mabalyanan ay siwa anya fagsafulun.

Daniel 2:23

Nu katanya, gfauseganan au emu ku Fun, ku ngay mangaguyang at Dius. O wan at nafon angku ku fagsafulun ay ku fagmabitsugun. Ay nafon tuo sa emi em fagetun sa emu te, foyungi emi fun Nabukudunusur at taginfan.”

Daniel 2:9

way ro am nafafayamag ku taginfan, gfaurianan au ayu kata ku nalong sa ayu. Nafamuag am sa angku aroro nu glong ro am gfabali kyay ku amatanganan nu nlangfe sik buknga. Foyungi wan ku taginfan laman ro gafanud au te, saful am ay mafayamag at masuad.”

Daniel 4:14

Kanya nauro te, ‘Fuani kanya fag fun kayu ay lifungi at ngay sanga. Buli at ngay don ay ukasi at ngay rawvg. Ay sabugi ngay mangilafang tagfalanbung sanya ay ngay manuk tungud tagfugad sit ngay sanga.

Daniel 4:17

Katanya tagbarita at nalong fag faurianan laman fagayu taw sumaful te, Tiba Tungud fag Dius e fagmabalyananun sa sangay taw at ngay fagfagtainanan. Ay kanya gfon kafag ngay fagfagtainanan sas nusnga sinu at fakaylatun, ay dewa sat yud e kwa.’

Daniel 4:22

o wan kafag fun kayu, mesug fag fun. Aroro ansik mabalyanan o. Am fagmabalyananun andasug sas banwa ay am fagagbilugun andasug nusnga nday fag fungfung daga.

Daniel 4:32

Gaiyan kwan emu siginan am fagfanggunaun fag ngay taw ay namabanwan au emu gadgaloan tagsis talun fag ngay mangilafang. Ay kata ban o ngay baka, kon bariri. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay gfagbilug sas nusnga sinu.”

Daniel 7:25

Ay kanya ban gfalingun Tiba Tungud fag Dius. Dius at ngay taw we malong, ay kafag fun namauri yangay anya fagayu. Kanya namayud e masuad ngay fagmafulun ay faugali. Kanya nangagbilug Dius at ngay taw kaduge tuluk banwa ay sik wabilug.

Lukas 21:15

Aroro gfoyung kban sa ayu at mamatanganan fag longan laman at nansalag ayu wa mababo ay we fagmafamayudun ya ay longan.

Ruma 13:1

Fagayu tam faningi tua tam ngay funan ste swa daga. Aroro we funun at mabalyanan nu dway siginans Dius. Dius wan at nafili fagayu tagfangguna sit mesa fakamulun.

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

Santiagu 1:17

Fagayu famonun at masine ay at matuyan, kanya siginans banwa, siginan tam Mama, takawat nusnge wain at masulo sis banwa. Dius di gbadbalian kata kafag ngay tagyamag at lanbung nu gadgalinan.

Santiagu 1:5

Nusnga sinu am takaylat kae fagsafulun, eti sas Dius ay kanya gfon ro emu aroro kanya kamon ay di kamaplaun.

At Nafasure 19:16

Sit lanbung ay sit balangbang marirukan sik ngayan te, Fagayu fun at Fun ay fagayu fagtainan at Fagtainan.