Daniel 2:18 - Fanawbuid tagsibaliwas Fakayabian

¹⁸ Ay kanya nalong sa anya fagayu te, “Darangini laman Dius tagsis banwa kafanyu tua antam ay laman sumaful tam tam fun at taginfan, laman ban kanya di gfabul antam kata tibak tagfangatulun sis Babilunya.”

Daniel 2:18 ပူးပေါင်းရင်းမြစ်များ

Fakasigadan 18:28

Ay nung yay ro wo e nalag ufatk safulu e limak taw at matuyan, o gfaurianan wa ro wo fagdaul furuan?” Yawi nabalus te, “Nu e nalag kyay ro ufatk safulu e limak taw at matuyan, kwa yangay ro gfaurianan fagdaul furuan.”

Alubad. 136:26

Nu katanya, fauseganani tagsis banwa fag Dius. Nu mafangesug di e fakatabuan.

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Alubad. 91:15

Ay kanya ban, dewa anke fagidapun, nu nadarangin ban sa angku, gbalus ktua ban anya, ay si ktua ban gugat anya, ay gfalangfe ay gfae fagusegananun anya.

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Eremyas 33:3

“Darangini sa angku ay gbalus au emu, ay namoyung au sa emu nusnga setaw at madulo ay at masuksuk am fagyudun yay saful.

Esekyel 36:37

Fun Dius Yawi gfataglayun glong te, “Gdog kyay ban gdungugan ngay taw Israel at ngay fagetun, ay katatuy ban ku fagnamakamulunun sa anya fagayu: namayu kban anya fagayu kayu at fanggalangun fag ngay tupa galay fagmafulun sis furuan Erusalem. Nu katanya, ngayu bank taw at namanwan si sangay furuan ayu daul at kinrasras. Ay kanya ban fag ngay taw sumaful te, au Yawi.”

Daniel 2:23

Nu katanya, gfauseganan au emu ku Fun, ku ngay mangaguyang at Dius. O wan at nafon angku ku fagsafulun ay ku fagmabitsugun. Ay nafon tuo sa emi em fagetun sa emu te, foyungi emi fun Nabukudunusur at taginfan.”

Daniel 3:17

Nu e naukas ro emi sasad faygangan daul, em Dius ro gfalangfe emi siginan am fagmabalyananun.

Daniel 4:26

Ay nu saman baliwa tagbarita at longan te, fabayani at tud ay at ngay lalid, kanya at masuad te, gfafoli yay ban sa emu am fagfagtainanan nu gtoglag tua ban o te, Dius tagfunan sas fagayu.

Unas 1:9

Ay Unas gbalus te, “Sik taw Ebreu au ay gseg au Yawi, Dius tagsis banwa at nawat dagat ay daga.”

Malakyas 3:18

Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”

Mateu 18:12

“Ay tain nu gamatangan am sabaliwa sik taw nu e sik sandank tupa, ay at sadi nu nalyam? At fakamulun ro, gubun yay at siamk safulu e siam sanya sangay buksul ay glao laman nanrvbvy at nalyam.

Mateu 18:19

“Ay glong kyangay ayu te, duak taw ste swa daga nu gdiuganan tua get sa ku Mama, ku Mama sas banwa gfon anya at fagetun.

Fakamulun 12:4

Ay Erudes nasugu laman nanggamat ay namaubung Pedru, ay arodi nafaulit sas ufatk gaban tagfawayan, ay galay sik gaban, ufatk tagfawayan. Ay Erudes at algan nu gfaurianan Pedru si sangay taw at daga salubangan gina ntabu fagmafulun sa baliwa Tagbarita nu Glangfe.

Ruma 15:30

Ku ngay faduksay, siginans Isus tam Fun ay siginan at Masine fag Falad at fon fag fakesugun, maksvn nu get au sa ayu te, gubuki angku siginan nu gdarangin am sas Dius laman sa angku.

2 Pedru 2:9

Nu katanya, amatangani te, tam Fun saful tua gfalangfe at matuyan fag ngay taw siginan sangay famaskud, ay saful yangay gfaurianan at mauri fag ngay taw gina ban andasug fanginsafulan asalanan fag menit.

1 Samwel 17:37

Yawi nu nafalangfe tua angku siginan sangay liun ay siginan sangay usu, gfalangfe yangay ro angku siginans Gulyat.” Ay Saul nalong sas Dabid te, “Agvd, kin. Dius ro nangus gufud tua emu.”