Daniel 2:12 - Fanawbuid tagsibaliwas Fakayabian

¹² Aroro siginan kanya fagayu at famalus takatanya, fun andotama maksvn. Ay kanya nasugu laman gfabul fagayu tagfangatulun sas fun sis Babilunya.

Daniel 2:12 ပူးပေါင်းရင်းမြစ်များ

Ub 5:2

Fagfangadotamaun ay fagfangafanawaun tagfabul at mamomuy ay yud e fagsafulun fag ngay taw.

Alubad. 76:10

Dius, nu kadotama o ngay taw dewa maksvn, takatanya, gfaksvn way laman ngay taw gfauseganan emu! Ay nagbilug o kafag ngay taw at dotama laman am famawayan.

Fangatulun 16:14

Sik fun nu ndotama way, tibaginan e kabul fia, nu katanya, ke fagsafulun fag taw gugatan tua gfalukmeanan at fun.

Fangatulun 19:12

Sik fun nu kadotama way, kata sik liun nu gsubang, dewa katanya, nu mafanggubuk kata damug tagsi sangay tanum.

Fangatulun 20:2

Sik fun nu kadotama malimu kata sik liun nu gsubang. Ay nu nafauri way o anya, gfabul emu.

Fangatulun 29:22

Sik taw at masakit gfangadotama, gfasigad awayan, ay kanya mauri gugat.

Daniel 2:24

Sanya ginan, Daniel anfoli sas Aryuk. Aryuk, fun at fagsuguan laman namabul ngay tagfangatulun. Daniel nalong anya te, “Lag gfabul ngay tagfangatulun. Nantaban yap o angku sas fun ay namayamag kro at taginfan.”

Daniel 2:5

Dewa katanya, fun Nabukudunusur nabalus anya fagayu te, “Anke algan au nu dway ro am nafafalong ay nafafayamag ku taginfan, namagatvng kro ay ngay afud bilug ay namaiklas kro ay ngay bale.

Daniel 3:13

Ay fun Nabukudunusur nu nadungug takatanya, maksvn nu kadotama. Kanya nafauro kafag tuluk baguama.

Daniel 3:19

Aroro siginan kafag tulu at famalus, fun ankaksvn nu kadotama ay kalag sit kamatan. Nu katanya, kanya nasugu te, “Faugati yap at faygangan fitu ginan nu masugba.”

Daniel 5:19

Aroro sat nafon anya fag fagmabalyananun, fagayu gaban taw sas fagayu talun sas fagdaul daga, tagsaman at ngay fangaringang anlimu anya. Ay kanya gfabul nusnga sinu fag taw at fakaylatun gfabul, ay wa gfabul at fagyudun kaylat gfabul, ay gfae fanambagun at fakaylatun fag taw, ay gfayud e fanambagun at fakauriun fag taw.

Mateu 2:16

Ay fun Erudes nu nasaful te, kanya fag ngay mamatanganan fag taw nadaya way mangaro anya, kanya maksvn nu kadotama. Ay kanya nasugu laman namabul fagayu munama siginan bagu kasalug sitsigon duak banwa sis furuan Betleem ay anggan sit ligung fag ngay talun gfaning kafag ngay mamatanganan at nafoyung te, kadugenya kafag galeme nu kasure.

Mateu 5:22

Ay katsi glong au ayu te, nusnga sinu takauri at faduksay, umfaurianan. Ay nusnga sinu taglong sat faduksay te, ‘Gfansaful o,’ e tumaban ban sa sangay taginsaful. Ay nusnga sinu taglong te, ‘Wo e amatanganan,’ kanya ban nangadasug sas Afuy Daul.