Daniel 2:11 - Fanawbuid tagsibaliwas Fakayabian

¹¹ Em fun, am fagetun maksvn nu maidap. Ngay fagsegan way lang at mafafakamulun takatanya, dewa katanya, kanya fagayu wa gbanwan magamut si sangay taw.”

Daniel 2:11 ပူးပေါင်းရင်းမြစ်များ

Fakasigadan 41:39

Ay Igiptu at fun nalong sas Use te, “Aroro Dius nafoyung emu takatanya fagayu, we tiba yak taw ke fagsafulun ay at mamatanganan takata emu.

Fakasigadan 41:8

Ay balabag di, Igiptu at fun at amatanganan wa manabayan aroro siginan at nataginfan. Ay kanya nafauro fagayu taw tagsaful gfasure at ngay madulo ay ngay taw at ke fagsafulun sis talun Igiptu, dewa katanya, we nafafayamag at taginfan at masuad. Ay kanya nafoyung yangay at taginfan sa sangay taw, dewa katanya, wa yangay mafafayamag at taginfan at masuad.

1 Fun 8:27

“Dius, o manamanwan o ste swa daga magamut ngay taw? Dewa si tiba tungud fag banwa ya kasakan sa emu, ay kaugat wan ste ku nafawat fag bale!

2 Krunika 6:18

“Dius, o manamanwan o ste swa daga magamut ngay taw? Dewa si tiba tungud fag banwa ya kasakan sa emu, ay kaugat wan ste ku nafawat fag bale!

Alubad. 132:14

“Namanwan kban ay nanfiangalay ste kabavn, aroro katanya ku fakaylatun.

Alubad. 68:18

Ay gina o naundaud sa tiba tungud fag tungud buksul, nataban o ngayuk taw at nababawan ay at nagamatan. Ay nabul o ngay fanggalangun siginan sangay taw, anggan siginan at ngay nafamatungudun emu. Yawi em Dius, katsi gbanwan o sanya.

Nu Galin 29:45

Namasfuan au namanwan sa sangay taw Israel ay au wan kanya fagayu at Dius.

Nu Galin 8:19

Ay kafag ngay tagsaful gfasure at ngay madulo nananlong sas Igiptu at fun te, “Tuy Dius at fakamulun!” Dewa katanya, Igiptu at fun kamaogatun yay fia, ay kanya wa nadungugan Muisis ay Arun, kata Yawi at longan.

Isayas 47:12

Agvd, fataglayuni nu gfangabalo o, ay nu gfangufit o, kata am fakamulun gugat siginan ngay nu masisian o. Gbabo tua ban o manga, ay manamalimu am ngay fawayan.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Isayas 8:18

Ste au ay anggan ku ngay sisian Yawi at nafon angku. Ami wan sik ngay fakatoglagan siginans Dius laman sa sangay taw Israel, sabaliwas Yawi at Mabalyanan tagbanwan sis Buksul Siun.

Daniel 4:4

Ste si ku bale manabayan tua nu gbanwan au ay kdi e fagayudanun.

Daniel 5:11

aroro e sik taw ste sim fagfagtainanan tagsi anya ngay dius at falad. Ebi gina am mama Nabukudunusur gfunan, kanya fag taw nafalag at fagsafulun takata ngay dius at fagsafulun. Am mama nafili anya sik tagfangguna sa sangay tagsaful gfasure at ngay madulo, tagfangufit, tagfangalga siginans galeme ay taginsaful.

Uel 3:21

Namasud kban at nafabul ku ngay taw. Ay namaurianan kban at nafakamulun takatanya. Au Yawi tagbanwan sis Siun.”

Tap 35:34

Nu katanya, lag gfauri ay talun ay fagbanwanan, aroro au wan Yawi tagbanwan si ayu.’ ”

Mateu 19:26

Ay Isus nadama at ngay tagadal ay glong te, “Ngay taw at fagyudun mafafakamulun, Dius mafafakamulun tua.”

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 14:17

Kanya fag Tagfasun, Dius at Falad tagfoyung sabaliwa at matuyan. Ngay taw tagfaning fagdaul daga at ugali wa gfaning anya, aroro wa glag ay wa gtoglag anya. Ay am, toglag wam anya aroro gbanwan si ayu ay gufud ban gugat ayu.

Uan 14:23

Ay Isus glong te, “Takesug angku gfaning tua ku longan, ay ku Mama kesug anya, ay gbanwan ami magamut si anya.

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

At Nafasure 21:3

Ay nadungug au sik uro daul siginans faglunggungan, glong te, “Damai, katsi Dius at fagbanwanan siwa sangay taw. Dius magamut kafag ngay taw. Ay kafag ngay taw ban Dius at furuan, ay Dius ban kafag ngay taw at faudgufudan, ay kanya ban kafag ngay taw at Dius.