Daniel 12:7 - Fanawbuid tagsibaliwas Fakayabian

⁷ Kafag taw nafabat at take fagdua ay nadungug au kanya nu gfatuyanan sas Dius tagleleg kabavn. Ay kanya glong te, “Katabu ban kafag fagidapun nu nlangfe tuluk banwa ay unumk magdanun, gina ban Dius at ngay taw yud e fagidapun ya.”

Daniel 12:7 ပူးပေါင်းရင်းမြစ်များ

Ub 27:2

“Gfatuyanan au sas tagleleg fag Dius at nafaidapan angku, nustua wa matuyan nu gfawabilugan sabaliwa angku.

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Esekyel 20:5

Longi sanya fag ngay taw te, ‘Katatuy Fun Dius Yawi at longan: Gina au gfili ngay taw Israel, Akub at kasugfunanan, nafatoglag au sa kafag ngay taw ku sadili sis talun Igiptu, ay nafatuyanan au sa anya fagayu te, “Au Yawi, kafag ngay taw at Dius.”

Daniel 10:5

Ay e nalag au sik takata sik taw at ke lanbung mawatan siginan at masine fag ramit ay e famutus fagwan at mawatan siginans gintu.

Daniel 11:13

Aroro tagsis fawalan fag alvngvdan fag fun gdog yay namaful ngayuk tagfawayan at kayuan ayu yap tua ebi taguna. Ay nandog namawayan gadgaloan ngayuk tagfawayan gbuba at ngay famawayan.

Daniel 12:6

Ay kafag taw tagalanbungan at masine fag ramit, malindug si baliwa tangabat fag tigyangan liskung. At sadi nainto sa anya te, “Ginain ya ban nu kafasludan kanya fag ngay madulo?”

Daniel 12:8

Kwa nyamag kanya at famalus ay nainto au anya te, “Nataw ban at fungfung kanya fag ngay takadasug?”

Daniel 4:31

Ay ya ntabu nu garingang, e sik aringang siginans banwa glong te, “Fun Nabukudunusur, dungugani: nabul kwan siginan emu am fagmabalyananun nu sik fun o.

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 7:21

Nalag au tuy fag sunge gfawayan Dius at ngay taw at yud e malong, ay kanya nababo.

Daniel 7:25

Ay kanya ban gfalingun Tiba Tungud fag Dius. Dius at ngay taw we malong, ay kafag fun namauri yangay anya fagayu. Kanya namayud e masuad ngay fagmafulun ay faugali. Kanya nangagbilug Dius at ngay taw kaduge tuluk banwa ay sik wabilug.

Daniel 8:14

Ay at sadi fag tagbarita nabalus te, “Kafasludan ban takatanya fagayu kaduge duak libu tuluk sandank balabag ay fafun, ay sanya ginan ban gdog yay namasine Yawi at bale.”

Daniel 8:24

Kanya ban umsik mabalyanan, dewa katanya, bunwa siginan at sadili fagmabalyananun. Ay kanya nu grasras, malimu, ay kanya ban at fakamulun fagayu umfasludan. Ay gfabul ban at ke fagmabalyananun fag ngay taw anggan Dius at ngay taw at yud e malong.

Lukas 21:14

Faksvni ay amatanganan, laman diam gafanawa te, tain ban ay famalus.

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”

Deuterunumyu 26:19

Ay kanya ban nanfili ayu gtungud tua sas fagayu talun at taw, ay e gfauseganan ban ayu ay sik takadungug ban am. Ay ay Dius Yawi namayud e malong ayu kata at fatuyanan.

Deuterunumyu 32:36

Yawi ban gfalangfe at ngay taw, ay kanya ban kafanyu at ngay fagsuguan, nu nalag ban te, kanya fagayu we fagmabitsugun ya, ay nu alay way lang at sawad, ay anggan at ngay fagsuguan.

Deuterunumyu 32:40

Au Yawi, kaksvn nu gleleg au, gfabat au ku take ay gfatuyanan au te, kafanud nu gleleg au kabavn,

Deuterunumyu 7:6

Aroro ay Dius Yawi nafasaman ayu. Sas fagayu taw, am wan Yawi at nafili laman at fakesugun fag ngay taw.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

At Nafasure 12:14

Ay e nafon sa kafag mangena duak fakfak daul bio, at fanlayug laman umyayu siginans ule sas talun at yud e taw. Sanya ban e galaga anya kaduge tuluk banwa ay sik wabilug ya.

At Nafasure 12:6

Ay kafag mangena nalagyu wan sas talun at yud e taw, sas Dius at nafalganan laman kafag mangena at fagbanwanan, ay nangalaga anya sanya kaduge sadik libu duak sandan unumk safuluk menit.

At Nafasure 13:5

Ule daul nafon sa tagfangagat fag mela sik bibig laman nanfamatungudun ay namauri Dius, ay gfagtainan kaduge ufatk safulu e duak magdanun.

At Nafasure 4:10

kanya fag duak safulu e ufatk fagtainan malub sis salubangan faglunggungan, gseg at malunggung sanya, tagleleg kabavn ban. Ay kanya fagayu nafatungkud at ngay sangbo sis salubangan faglunggungan, ay glong te,

At Nafasure 4:9

Ay kayu ginan kanya fag ngay awatan tagleleg gseg ay gfauseganan ay guseganan sat malunggung sis faglunggungan, at tagleleg kabavn ban,