Daniel 12:4 - Fanawbuid tagsibaliwas Fakayabian

⁴ Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Daniel 12:4 ပူးပေါင်းရင်းမြစ်များ

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 29:11

Ay nu sa ayu, kanya fag ngay foyungan kata sik fafil yud marafadan. Ay nu namatap o sa sik taw tagsaful gtap, kanya lumong te, “Duan, kwa mafatap kanya aroro wa marafadan.”

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 32:3

Ay fagayu ban taw grvbvy Dius ay gdungugan anya.

Isayas 8:16

Ay Isayas nalong te, “Fagayu am tagfaning angku, tuyani te, wa ban am kalyam ku ngay foyungan sa ayu sabaliwas Dius.

Eremyas 5:1

Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Daniel 10:1

Gina sis fatuluk banwa Sirus fag taw Persya nu gfunan, e andasug sas Daniel sik fansulitan. Daniel at ngayan yangay te, Beltesasar. Ay kanya fag fansulitan matuyan sabaliwa sik tagbia fag awayan. Siginan sik taginfan, Daniel natogdungug kafag fansulitan.

Daniel 10:14

Katsi, ste au laman namayamag au sa emu takafasludan ban sam ngay kaiban fag ngay taw Israel, aroro am ngay taginfan sabaliwa takafasludan ban.”

Daniel 10:21

Nastie au laman namayamag sa emu sik longan tagsit Mafanud fag Fafil. Gina au gfawayan, we tiba yak taw at nagubuk angku, Mikael way lang, talun Israel at tagfangguna.”

Daniel 11:33

“Ngay taw tagsaful at matuyan gfoyung sa sangay taw, dewa katanya, kaduge sik buknga sirut, tiba ban si anya kabul siginans fiso tagsumbalian at uyup, ay tiba kairug, ay tiba gatabanan ay e gbul at ngay ramraman.

Daniel 11:40

“Sa bans fakatabuan, tagsis fasiunan fag fun namawayan tagsis fawalan fag fun. Dewa katanya, tagsis fawalan fag fun e ngay sakayan famawayan, ay e ngay tagfawayan tagakabayuan ay ngayuk tagfawayan tagsi sangay sakayan lino laman namawayan anya. Kanya fagayu namawayan ngayuk talun kata lugwak nu giklas.

Daniel 12:13

“Daniel, fataglayuni am fakamulun. Kabul ban o, dewa katanya, gfadog kyay ban gfaleleg emu sa taguyan fag menit laman namul o am nainlufuyan at nafalganan laman sa emu.”

Daniel 12:5

Sanya ginan, nalag au duak taw malindug gdiddifean sis tigyangan liskung.

Daniel 12:9

Ay kanya gbalus te, “Fataglayuni, aroro at famalus am fagintoun ya kasaful ay wa masine glong yakmay ban andasug at fakatabuan.

Daniel 8:17

Gina Gabriel ankakbang sa angku, anlimu au maksvn ay anlub. Dewa katanya, kanya nalong sa angku te, “Daniel, masine nu kasaful o te, am taginfan at masuad sabaliwa fagdaul daga nu katabu.”

Daniel 8:19

Ay kanya nalong te, “Namoyung au emu takafasludan gina ban Dius nafadasug at dotama, aroro kanya nafalganan wan taguyan fag buknga.

Daniel 8:26

“Daniel, matuyan am nalag sabaliwa nu gfaragang nu gfon fanggalangun sis balabag ay sis fafun. Dewa katanya, lag yap o glong aroro ngaduge yay ban nu kafasludan.”

Mateu 24:14

Ay e gfoyung ban sas fagdaul daga at Masine fag Barita sabaliwas Dius nu gfagtainan, laman sas fagayu talun at ngay taw sumaful. Ay sanya ginan, kadasug wan at fakatabuan.

Ruma 10:18

Ay katsi ginto au te, o nunda kanya fag ngay taw Israel ya nadungug Dius at longan? Sabv, kafag ngay taw nadungug wan. Aroro at Rirukan nalong te, “Andasug wan sas fagayu talun kafag ngay aringang, at foyungan anrapyag sas fagdaul daga.”

At Nafasure 10:4

Ay gina au nanriruk kafag fituk lingsi at longan, e nadungug au sik aringang siginans banwa te, “Suksuki way kafag fituk lingsi at longan. Lag o griruk ya.”

At Nafasure 22:10

Ay kanya nalong yay fia sa angku te, “Lag gsuksuk ste fag fafil at ngay foyungan, aroro gakafasludanun wan tuy fagayu.

At Nafasure 5:1

Nalag au sik fafil mafabilugan. Ay at malunggung sis fanfun fag faglunggungan, at siun fag daluap gbibitan kafag fafil at ke rirukan gsumbalian, ay e fituk fandafut laman wa kalugde.