Daniel 12:13 - Fanawbuid tagsibaliwas Fakayabian

¹³ “Daniel, fataglayuni am fakamulun. Kabul ban o, dewa katanya, gfadog kyay ban gfaleleg emu sa taguyan fag menit laman namul o am nainlufuyan at nafalganan laman sa emu.”

Daniel 12:13 ပူးပေါင်းရင်းမြစ်များ

Alubad. 1:5

Nu katanya, gina ban Dius gfaurianan fag menit, wa ban umlangfe ngay taw tagasalanan, ay wa ban manangagamut sa sangay taw at matuyan.

Alubad. 16:5

Yawi, aroro si tuo angku, kwe fagayudanun ya, ay kabavn gbakvd o sa ku fagunan.

Alubad. 16:9

Nu katanya, guseganan au, ay manabayan, aroro kdi e fakalimuun ya.

Nu Galin 33:14

Ay Yawi nabalus te, “Au wan at nangalo emu, ay gfon au emu famiangalay.”

Daniel 12:3

Ay ngay taw tagsaful at matuyan ay tagfoyung sa sangay taw laman nangugali at masine gdamlag kata galeme sis banwa kabavn ban.

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Sakaryas 3:7

“Nu gbanwan tuo kata ku balyawvtan ay nu gfaning tuo ku ngay suguan, o wo waban tagalaga ku bale ay anggan at ngay fagaweanan. Ay gfabayan au nung o nangakbang sa ku fagmasineun kata ngay tagbarita at fakamulun.

Mateu 19:28

Ay Isus nabalus anya te, “Matuyan nu glong au ayu te, Dius ban gfabagu nusnge wain, ay au, Taw at Baguama, gmalunggung au sa ku fagmalunggungan ke fagmasineun, laman namagtainan. Ginanya ban, am tagalo angku, malunggung yangay ban am sas labi duak faglunggungan kata sik ngay fun. Ay nanginsaful ban am at masine ay at mauri sas labi duak kasugfunanan Israel.

Lukas 21:36

Nu katanya, kabavn mafalganani ay mafandarangini laman mababo tuam takadasug ban fag fagidapun, ay laman ban manangalindug tua ban am sas Taw at Baguama at daga salubangan.”

2 Kurintu. 5:1

Nasaful tam te, dewa ban anrasras wan tam fagbanwanan ste swa daga, at masuad tam bilug, tam Dius e nafalganan tua sik fagbanwanan at yud karasras kabavn, ay kanya fag fagbanwanan bunwa taw at nawat.

2 Tesalunika 1:7

Ay kanya ban gfon sa ayu ay sa emi fagmanabayanun, gina ban tam Fun Isus anfoli siginans banwa si tagigang fag afuy, gasfuan at mabalyanan fag ngay tagbarita.

At Nafasure 14:13

Ay nadungug au sik aringang siginans banwa nu glong te, “Riruki takatatuy, Siginan katsi, mauseganan at kinbul tagafanud sa tam Fun.” Ay at Masine fag Falad glong te, “Sabv ngaro. Kanya fagayu gfiangalay ban siginan at nainlufuyan, aroro Dius gfon ban sa kafag ngay taw kata at nafakamulun.”