Daniel 12:11 - Fanawbuid tagsibaliwas Fakayabian

¹¹ “Siginan ban nu gfaragang nu gfon ngay fanggalangun ay nu gfasakbo sas Yawi at bale at mauri fag fagagbilugun tagfayud e masuad, kalangfe yay ban sadik libu duak sandan siamk safuluk menit yakmay andasug at fakatabuan.

Daniel 12:11 ပူးပေါင်းရင်းမြစ်များ

Nu Galin 29:38

“Galay menit, duak tupa tagsik banwa am fagnangirugun sas fagirugan laman sik fanggalangun.

Esekyel 4:6

Sanya ginan, abilingi sabaliwa siun ay bubai ngay taw Uda at asalanan kaduge ufatk safuluk menit, sik menit kata nu sadik banwa.

Daniel 1:12

“Faskudi ban emi kaduge safuluk menit. Faoni yakman lang emi gulay ay fainumi emi mamam.

Daniel 11:31

“Ay tagsis fawalan ban fag fun gsugu sat ngay tagfawayan laman gfauri Yawi at bale at maaladan. Kanya namaragang nu gfon fanggalangun ay namasakbo sas Yawi at bale at mauri fag fagagbilugun laman gfayud e masuad Yawi at bale.

Daniel 7:25

Ay kanya ban gfalingun Tiba Tungud fag Dius. Dius at ngay taw we malong, ay kafag fun namauri yangay anya fagayu. Kanya namayud e masuad ngay fagmafulun ay faugali. Kanya nangagbilug Dius at ngay taw kaduge tuluk banwa ay sik wabilug.

Daniel 8:26

“Daniel, matuyan am nalag sabaliwa nu gfaragang nu gfon fanggalangun sis balabag ay sis fafun. Dewa katanya, lag yap o glong aroro ngaduge yay ban nu kafasludan.”

Daniel 9:27

Ay kanya ban fag tagfangguna kawat sik maksvn fag nasadian laman sa sangay taw kaduge fituk banwa. Dewa katanya, nu nlangfe ban tuluk banwa ay unumk magdanun, kanya ban gfaragang wan nu gfon fanggalangun sis Yawi at bale ay kanya ban namasakbo sanya at mauri fag fagagbilugun tagfayud e masuad at bale. Ay kanya ban gbanwan sanya yakmay andasug Dius at nafalganan fag buknga laman sa kafag tagfangguna at fakatabuan.”

Usea 3:4

At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

Mateu 24:15

“Ay lumag ban am at maksvn fag mauri tagfayud e masuad Dius at bale. Dius at taglong Daniel nalong sabaliwa takatanya. (Nusnga sinu tagtap tuy fag longan, atogdungugi.)

Markus 13:14

“Ay lumag ban am at maksvn fag mauri tagfayud e masuad Dius at bale, ay kanya ban malindug sat yud matuyan fag faglindugan. (Nusnga sinu tagtap tuy fag longan, atogdungugi.) Ginanya ban, fagayu taw tagsis talun Udea lagyui wan sa sangay buksul.

At Nafasure 11:2

Ay lag o namasud ya sas Dius at ligung bale, aroro sanya nafon wan sa sangay taw at yud natoglag Dius. Ay kanya ban fag ngay taw nangiklas furuan Erusalem, kaduge ufatk safulu e duak magdanun.

At Nafasure 12:6

Ay kafag mangena nalagyu wan sas talun at yud e taw, sas Dius at nafalganan laman kafag mangena at fagbanwanan, ay nangalaga anya sanya kaduge sadik libu duak sandan unumk safuluk menit.

At Nafasure 13:5

Ule daul nafon sa tagfangagat fag mela sik bibig laman nanfamatungudun ay namauri Dius, ay gfagtainan kaduge ufatk safulu e duak magdanun.