Daniel 12:10 - Fanawbuid tagsibaliwas Fakayabian

¹⁰ Ngayu bank taw tagsaful at matuyan tagfasine at ngay leleg, ay kanya ban fagayu sumaful ku ngay longan. Dewa katanya, at mauri ban fag ngay taw gfataglayun nu gfakamulun at mauri ay wa ban sumaful ku ngay longan.

Daniel 12:10 ပူးပေါင်းရင်းမြစ်များ

Alubad. 107:43

Ngay taw at ke fagsafulun gamatangan tua nangus gugat takatanya fagayu, ay gamatangan tua nangus gugat te, Dius mafangesug.

Alubad. 51:7

Lisgisi sa angku sik balugu laman umfegus au. Fegusi angku laman ku amatanganan umsine kata sik dingin at barugwak nu malaksi.

Fangatulun 1:5

At ke fagsafulun fag taw nu gdungugan tua at ke fagsafulun at foyungan, kafag taw kafamut at fagsafulun, ay at ke nagadalan, kafamut tua at ngay fagsafulun,

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Esekyel 47:11

Ay ngayuk bunaw tagligung sit Mabulan fag Dagat at mayat tua gugat laman ngay taw e fagbulan tua asin.

Daniel 11:33

“Ngay taw tagsaful at matuyan gfoyung sa sangay taw, dewa katanya, kaduge sik buknga sirut, tiba ban si anya kabul siginans fiso tagsumbalian at uyup, ay tiba kairug, ay tiba gatabanan ay e gbul at ngay ramraman.

Daniel 11:35

Tiba bank taw tagsaful at matuyan gafaurianan laman ban umsik matuyan ay umsine at leleg anggan ban andasug at fakatabuan, Dius at nafalganan fag buknga.

Daniel 12:3

Ay ngay taw tagsaful at matuyan ay tagfoyung sa sangay taw laman nangugali at masine gdamlag kata galeme sis banwa kabavn ban.

Usea 14:9

Am at ke fagsafulun, asafuli ay atogdungugi takatanya fagayu. Kasakan tua Yawi at ngay balyawvtan, ay at matuyan fag ngay taw gfaning tua, dewa katanya, kanya mauri way sa sangay taw takamabo.

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Markus 4:11

Ay Isus nalong te, “Dius nafayamag sa ayu at ngay masuksuk sabaliwa at fagfagtainanan. Ay sa tibak taw nu gfoyung, faydayuanan way.

Lukas 24:25

Isus nalong sa kafag duama te, “Am wan at yud mamatanganan fag ngay taw! Ay at maranan nu gafanud Dius at ngay taglong at longan.

Uan 18:37

Ay Pilatu nalong anya te, “Nu katanya, sik fun o?” Ay Isus nabalus te, “O wan at nalong te, sik fun au. Kanya wan ku faginsalugun ay ku fagindasugun ste swa daga, laman namoyung au at matuyan. Nusnga sinu fag taw takaylat fagmatuyanun, kanya wan tagdungugan ku aringang.”

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Uan 8:47

Dius at ngay sisian gdungugan tua at longan. Am, bunwa am Dius at ngay sisian, nu katanya wam kaylat gdungugan.”

1 Kurintu 6:11

Ay ebi si ayu e gfakamulun takatanya. Dewa katanya, Dius nafegus tua ayu, ay nafayud e malong, ay natap ayu kata nu yud am e asalanan, siginan tam Fun Isus at fagmabalyananun, ay siginans Dius at Masine fag Falad.

2 Kurintu. 7:1

Ku fakesugun ku ngay faduksay, aroro Dius nafatuyanan tua sa antam takatanya fagayu, ubuni wan nusnge wain tagfasuya tam bilug ay tam falad. Ay kabavn ugatani tua ugalii yud e malong ay suyui Dius.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

Ebreu 12:10

Gina tam alay, tam ngay mama gatul tua antam, gfaning at amatanganan te, katanya at matuyan. Ay Dius gatul fia antam laman e fagmasineun tua tam, ay laman tam ugali gfaning tua anya.

1 Pedru 1:22

Siginan nu gfaning am at matuyan, katsi masine tuam ay kedkesugan laman sik ngay tagfaduksayan. Nu katanya, faksvni ay famafanudi fia nu kedkesugan am.

1 Pedru 1:7

Gintu dewa mafanud, namadalan sasad afuy laman sumaful te, o matuyan. Ay ay fagafanudun tagtungud tuas gintu, gfadalan yangay sas famaskud, laman umsaful te, o matuyan. Ay nu matuyan tua, e gfauseganan ban ayu, ay e gfae fagmasineun gina ban Isus, Dius at nafili fag Fun, andasug.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

At Nafasure 16:11

Kanya fagayu abat ngate gubun at fagmauriun, nafauri way Dius sis banwa aroro sat fagagwantanun fag ngay fakasaitun ay fag ngay bangbang.

At Nafasure 19:14

Ay at ngay tagfawayan tagsis banwa galo anya, gsakay sa sik malaksi fag ngay kabayu, ay galanbungan at masine fag lanbung, at masulo ay at mabakbakan.

At Nafasure 19:8

Ay nafasulun wan sa anya at masine fag lanbung, at masulo ay at mabakbakan.” (At masine fag lanbung at masuad, Dius at ngay taw at ngay fakamulun at masine.)

At Nafasure 22:11

Nusnga sinu tagfakamulun at mauri, fataglayuni sat fagmauriun. Ay tagfakamulun at masuya, fataglayuni sat fagmasuyaun. Ay tagfakamulun sat masine, fataglayuni sat masine. Ay at yud e malong fag taw, fataglayuni nu yud e malong.”

At Nafasure 3:18

Nu katanya, gfalu au ayu te, bayadi siginan angku sik gintu at kinfasine sis afuy, laman umsik maramraman am fia. Ay bayadi siginan angku sik lanbung malaksi laman gtabun ay fagmalulasanun at maksvn nu mapla. Ay bayadi yangay sik famafia ay mata, laman glag tuam fia.

1 Samwel 24:13

kata sik longan te, ‘At mauri way fag taw tagfakamulun at mauri.’ Nu katanya, kwa mafakamulun sa emu at mauri.