Daniel 12:1 - Fanawbuid tagsibaliwas Fakayabian

¹ “Ginanya ban, Mikael kadasug. Kanya sik mabalyanan fag tagfangguna tagalaga am ngay kaiban. Ginanya ban fag buknga maidap, ay ya batang e ndasug takaksvn nya fag fagidapun sas Israel siginan nu kasik talun. Dewa katanya, gfalangfe kban am ngay kaiban at ke ngayan at marirukan sis fafil sabaliwas leleg yud e fakatabuan.

Daniel 12:1 ပူးပေါင်းရင်းမြစ်များ

Alubad. 56:8

Gfasadsadian way o fia ngay tagfabaluanan angku, ay saful way o ku fagwaywayun. O nunda wo nariruk sim fafil?

Alubad. 69:28

Falyami wan at ngay ngayan siginan am fagrirukan, ay fasamani wan siginan am nafalangfe fag ngay taw.

Isayas 4:3

Ay fagayu ban at kinsawad ay tagleleg yay sis Siun, at masuad, Erusalem fag furuan daul, Yawi ban gtuyan anya fagayu te, at matuyan fag ngay taw.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 30:7

Ay ginanya ban fag buknga maksvn nu malimu, ay wa ban e kaksvn nya kanya nu malimu. Ginanya ban Akub at ngay kasugfunanan gidapan, dewa katanya, sa ban taguyan kanya fagayu umlangfe yay sanya ginan fag fagidapun.

Esekyel 13:9

Namaurianan kban kafag ngay taglong. Kwa ban gtoglag ya anya fagayu te, ku ngay taw, ay grarus kwa ban at ngay ngayan siginans fagrirukan Israel at ngay ngayan, ay kanya ban fagayu wa masine nanakbo sa sangay taw Israel at daga. Nu katanya, sumaful am te, au Fun Dius Yawi.

Esekyel 34:24

Au Yawi kanya ban fag ngay taw at Dius, ay ku fagsuguan ban gfangguna kata Dabid. Au, Yawi, taglong tuy.

Esekyel 5:9

Aroro ay ngay fakamulun maksvn wan nu mauri, namakamulun kban sa ayu ku nayud yay batang gfakamulun ay ku fagyudun ban gfakamulun ya.

Daniel 10:13

Dewa katanya, kwa vtv andasug stie aroro kaduge duak safuluk menit tagfangguna Persya fag fagfagtainanan nasalag angku. Balikam Mikael, ngay tagbarita at fun, nu nagubuk angku aroro au way lang at nafawayan Persya at tagfangguna.

Daniel 10:21

Nastie au laman namayamag sa emu sik longan tagsit Mafanud fag Fafil. Gina au gfawayan, we tiba yak taw at nagubuk angku, Mikael way lang, talun Israel at tagfangguna.”

Daniel 11:45

Ay kanya ban kawat sik bale ramit at masine sit yud e malong fag buksul tagsis wabilug duak dagat. Dewa katanya, kanya ban kabul way ay wa ban e ggubuk ya anya.”

Daniel 7:10

Ay afuy gfamilugan siginan anya. Ay ngayuk tagbarita gfauseganan anya. Kanya nafalganan wan nanwabilug, ay nalunggab ngay fafil laman nanginsaful.

Daniel 9:12

Nafafasludan o am ngay longan sa emi ay sa em ngay tagfangguna siginan nu gfaurianan o emi maksvn. Nu katanya, sas fagdaul daga wa batang e kaksvn Erusalem at nadalan.

Uel 2:2

Ginanya ban fag menit, glinyabu ay madulum. Ngay liung ban kadasug ay nangarapyag sa sangay buksul gina gakamenitun. Ya batang e nfasludan takaksvn nya ay wa ban umfasludan ya takatanya kabavn.

Malakyas 3:16

Ay sanya ginan, ngay tagsuyu Yawi gkamatoan, ay Yawi nadungug. Kafag ngay taw at ngay ngayan anriruk sa sik fafil tagsis Yawi at daga salubangan, laman Yawi gamatang tua gugat fagayu tagsuyu ay tagtoglag anya.

Mateu 24:21

Aroro ginanya ban fag ngay menit, maksvn takadasug fag faurianan, gtungud yay fagayu faurianan siginan Dius nu kawat fagdaul daga dasug katsi, ay wa ban e gtungud ya.

Markus 13:19

aroro ginanya ban fag ngay menit, maksvn takadasug fag faurianan, gtungud yay fagayu faurianan siginan Dius nu kawat fagdaul daga dasug katsi, ay wa ban e gtungud ya.

Lukas 10:20

Dewa katanya, lag guseganan te, at mauri fag ngay falad gfaning ayu. Useganani way aroro ay ngayan anriruk wan sas banwa.”

Ruma 11:15

Dius at fagnaiyanun taw Udyu, kanya namasadi fagdaul daga at ngay taw sa anya. Nu katanya, kaugat yay ban Dius nu kaylat kafag ngay taw, kata nu nafaleleg at mabulan.

Ruma 11:26

Nu katanya, umlangfe tua ban fagayu taw Israel, kata at Rirukan te, “Kadasug ban at Tagfalangfe siginans furuan Erusalem, kanya ban tagfalyam taw Israel at fagmauriun.

Efesu 1:21

Kanya tagtungud fagayu tagfunan ay tagagbilug ngay falad, ay at ke fagmabalyananun, ay tagfunan fagayu. Ay at fagmasineun gtungud tua fagayu fagmasineun, bundi lang katsi fag ngay menit, nu bunway anggan tua takadasug yay ban.

Filipus 4:3

Ay get kyangay sa emu, at matuyan ku taggubuk te, gubuki duena. Aroro kafag duena naugatan nagubuk angku nu gfarapyag au at Masine fag Barita, gadgaloan Kliminti ay e tiba yay ku ufud tagfakamulun, at ngay ngayan marirukan sis fagrirukan at ke leleg ban.

Udas 1:9

Mikael wan tagfangguna ngay tagbarita, dewa katanya kanya wa nafabadbaboan ay nafalingun Satanas, gina kanya fag dua gbadbaboan sabaliwa nu sinu at namul Muisis at bilug, nu bunway kata way tuy at longan, “Fun Dius waban nangus tagsalag emu.”

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

At Nafasure 12:7

Ay nu nlangfe wan takatanya anke awayan sis banwa. Ay Mikael fag tagbarita gasfuan at iba fag ngay tagbarita namawayan ule daul, ay kafag ule daul gadgaloan at ngay tagbarita laman namawayan.

At Nafasure 13:8

Ay fagayu taw ste sfagdaul daga gseg ban anya. Ay siginan ngay fagdaul daga nu kafasigad, kanya fagayu at ngayan wa marirukan sis fafil fagrirukan at ngay ke leleg ban, kanya fag fafil, at kinbul fag Tupa Riangan at fagbakvdun.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 20:12

Ay nalag au at kinbul fag ngay taw takadungug ay at yud kadungug, kanya fagayu malindug sis salubangan faglunggungan. Ay at ngay fafil anlunggab. Ay anlunggab yangay anggan fafil fagrirukan at ngay ke leleg ban. Ay e nafatuyan sabaliwa kafag ngay taw at kinbul, kata at ngay mesa fakamulun gfaning at marirukan sanya fag ngay fafil.

At Nafasure 20:15

Ay nusnga sinu fag taw at yud marirukan at ngayan sis fafil fagrirukan at ngay ke leleg ban, e gukas yangay ban anya sas afuy daul.

At Nafasure 3:5

Nusnga sinu ban at nababo umke lanbung yangay malaksi, ay kdi ban grarus at ngayan sis fagrirukan at ke leleg tua ban kabavn. Nustua gfoyung kban sa ku Mama ay sat ngay tagbarita at daga salubangan te, kanya ku taw.

At Nafasure 7:14

Ay nabalus au te, “Ku fun, kwa nasaful. O wan at nasaful.” Ay kanya nalong sa angku te, “Kanya fag ngay taw at nainkidapan sat maksvn fag ngay faurianan. Ay kanya fagayu nafafasine ay nafalaksi at ngay lanbung sas Tupa Riangan at taguk.