Daniel 11:7 - Fanawbuid tagsibaliwas Fakayabian

⁷ “Ay kanya ban fag mangena at faduksay gtubus anya laman gfunan sas fasiunan fag alvngvdan. Ay kanya ban namawayan tagsis fawalan fag alvngvdan fag fun at ngay tagfawayan, ay gsakbo ban sat maaladan fag furuan, laman namabo anya fagayu.

Daniel 11:7 ပူးပေါင်းရင်းမြစ်များ

Ub 14:7

Nu e nafuan sik kayu, e fagsegun yay te, gtugbung yay ban gdog.

Alubad. 109:8

Kanya nangus umbul wa vtv, ay at fanambagun fatigwanani wan sa tibak taw.

Alubad. 55:23

Dius, dewa katanya, gfatong o sa tangabasad fag alian ngay taw takamabul ay tagfandaya, gina yay mabaguama. Dewa katanya au, gafanud ktua sa emu.

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Isayas 9:14

Nu katanya, sik menit way ban, Yawi nu gfaurianan ngay taw Israel, kanya namaurianan at ngay tagfangguna ay anggan at ngay taw, ay kanya ban fagayu umkata sik mangilafang at malifungan at iug ay at liug.

Eremyas 12:2

Nafamanyun o sa anya fagayu kata sik fun kayu tangayu at rawvg. Ay kanya fagayu nu gfauseganan emu si way lang at longan ay wa siginan at amatanganan.

Esekyel 17:18

Uda at fun nalyam at nasadian sas Babilunya at fun, nu katanya, kanya ban wa kalangfe.

Daniel 11:40

“Sa bans fakatabuan, tagsis fasiunan fag fun namawayan tagsis fawalan fag fun. Dewa katanya, tagsis fawalan fag fun e ngay sakayan famawayan, ay e ngay tagfawayan tagakabayuan ay ngayuk tagfawayan tagsi sangay sakayan lino laman namawayan anya. Kanya fagayu namawayan ngayuk talun kata lugwak nu giklas.

Daniel 11:6

Ay nu nlangfe ban ngayuk banwa, kafag duak fun kasadi, aroro tagsi bans fasiunan fag fun namon at baguina sas fun tagsis fawalan fag alvngvdan laman at bubay. Dewa katanya, wa ban ngaduge kafag mangena ay kafag fun tagsis fawalan fag alvngvdan nu mabalyanan. Aroro ginanya ban fag buknga, e gfabul kafag dadwa gasfuan at ngay sisian, ay fagayu at fagsuguan.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’