Daniel 11:6 - Fanawbuid tagsibaliwas Fakayabian

⁶ Ay nu nlangfe ban ngayuk banwa, kafag duak fun kasadi, aroro tagsi bans fasiunan fag fun namon at baguina sas fun tagsis fawalan fag alvngvdan laman at bubay. Dewa katanya, wa ban ngaduge kafag mangena ay kafag fun tagsis fawalan fag alvngvdan nu mabalyanan. Aroro ginanya ban fag buknga, e gfabul kafag dadwa gasfuan at ngay sisian, ay fagayu at fagsuguan.

Daniel 11:6 ပူးပေါင်းရင်းမြစ်များ

Ub 38:15

Yamag gfaragang at mauri fag ngay taw, laman kanya fagayu di gfakamulun at mauri sat ngay iba.

Alubad. 10:5

Kabavn kanya fagayu gbabo way gugat. Ay kanya fag ngay taw wa gamatangan ya te, e namaurianan ban anya, ay gfalingun at ngay fawayan.

Esekyel 30:21

“Taw at baguama, nagatvng kwan Faraun, Igiptu at fun, at take. We nanamafia ya anya laman kabitsug ay madog yay mated fiso tagsumbalian at uyup.

Daniel 11:13

Aroro tagsis fawalan fag alvngvdan fag fun gdog yay namaful ngayuk tagfawayan at kayuan ayu yap tua ebi taguna. Ay nandog namawayan gadgaloan ngayuk tagfawayan gbuba at ngay famawayan.

Daniel 11:15

Ay tagsi bans fawalan fag fun namawayan at sadi yak maaladan fag furuan sis fasiunan yakmay nasakbo ay nagbilug kafag furuan. Ay ngay tagfawayan ban ay anggan yangay tagsaful fag ngay tagfawayan siginans fasiunan baliwa wa makatu ya gfawayan.

Daniel 11:40

“Sa bans fakatabuan, tagsis fasiunan fag fun namawayan tagsis fawalan fag fun. Dewa katanya, tagsis fawalan fag fun e ngay sakayan famawayan, ay e ngay tagfawayan tagakabayuan ay ngayuk tagfawayan tagsi sangay sakayan lino laman namawayan anya. Kanya fagayu namawayan ngayuk talun kata lugwak nu giklas.

Daniel 11:7

“Ay kanya ban fag mangena at faduksay gtubus anya laman gfunan sas fasiunan fag alvngvdan. Ay kanya ban namawayan tagsis fawalan fag alvngvdan fag fun at ngay tagfawayan, ay gsakbo ban sat maaladan fag furuan, laman namabo anya fagayu.

Sakaryas 11:16

Aroro namae tagfangguna au sas Israel sik takata yud e tungkul fag tagalaga. Kanya ban wa ggubuk ya ngay tupa tagakabulun wan. Ay wa nanrvbvy ya at nalyam, ay wa namafia ya at ke ngay bangbang, ay wa namafangon ya at maniwang, dewa katanya, kanya nangon ngay tupa at mataglu at yamas, ay gbul at ngay u.