Daniel 11:36 - Fanawbuid tagsibaliwas Fakayabian

³⁶ “Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Daniel 11:36 ပူးပေါင်းရင်းမြစ်များ

Alubad. 136:2

Ay fauseganani anya, aroro sia tua Tiba Tungud fag Dius. Nu mafangesug di e fakatabuan.

Alubad. 33:10

Yawi gsalag at yud gtoglag anya fag ngay talun at taw at ngay algan; wa kaylat kafag ngay taw at ngay algan nu kataglayun.

Fangatulun 19:21

Ngayu tam algan, dewa katanya, Yawi tua at fakaylatun takafaning.

Isayas 10:25

Aroro wa ban glugo nu kadotama au ayu, ay namadasug au ku dotama sanya fag ngay taw yakmay anbul.

Isayas 10:5

Yawi nalong te, “Ida, afanyuan ngay taw Asirya. Kanya ban ku fagnansuguun laman namalag ku fandotaman.

Isayas 14:13

Ebi gamatangan o te, ‘Sumakbo au sas banwa, laman nangawat au ku faglunggungan sas tungud Dius at nawat fag ngay galeme. Ay nanmalunggung au sas fawalan baliwa sas tungud buksul nu inda ngay dius nu maful.

Isayas 14:14

Nangabat au sas tungud linyabu, ay umkata au Tiba Tungud fag Dius.’

Isayas 26:20

Fagayu am ku ngay kaiban, sakboi wan sa ay ngay bale ay dingdingi wan ay ngay sakbawan. Suksuani yakmay anlangfe Yawi at dotama.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 46:10

Siginan ngay sfagsigadan nalong kwan takafasludan ban. Ay fagayu ban ku ngay nalong umfasludan, ay namakamulun kban nusnga setaw ku fagyafakamulunun.

Isayas 57:9

Ay nanamuba am langis ay famaebebanglu sa ay fagsegan Mulek. Ay nasugu am at nanrvbvy tibak fagsegan sa tangayayu fag talun, ay dewa sa sangay fagfolian nanrvbvy yayam.

Esekyel 28:2

“Taw at baguama, nanlong o sas Tiru at tagfangguna te, ‘Au, Fun Dius Yawi, glong au te, kamatungudun o glong te, sik dius o, malunggung o sit faglunggungan sis fagngabasadan dagat. Dewa katanya, at matuyan, dewa o gtuyan te, sik dius o, sik taw way o ay bunwa o sik dius.

Esekyel 35:13

Nadungug kyangay nu kamatungudun am ay gfalingun angku.

Daniel 11:16

Nu katanya, tagsis fawalan baliwa fag fun gfakamulun at fakaylatun ay wa ban e mafaragang anya. Kanya ban gagbilug ngay taw Israel at masine fag talun ay gfasat daga fagmabalyananun.

Daniel 11:3

Sanya ginan, sadi ya bank fun at mabalyanan takadasug. Ay kanya ban fag fun ngayuk furuan at fagagbilugun, ay gfakamulun ban kata at fakaylatun.

Daniel 11:37

Kanya ban wa gafanud sat ngay mangaguyang at ngay dius ay sa sangay mangena at fakaylatun fag dius. Kanya kamatungudun te, gtungud tua sas fagayu dius.

Daniel 12:7

Kafag taw nafabat at take fagdua ay nadungug au kanya nu gfatuyanan sas Dius tagleleg kabavn. Ay kanya glong te, “Katabu ban kafag fagidapun nu nlangfe tuluk banwa ay unumk magdanun, gina ban Dius at ngay taw yud e fagidapun ya.”

Daniel 2:47

Kanya nalong sas Daniel te, “Aroro nafayamag tuo ku taginfan at masuad, gafanud au te, am Dius amabalyanan yap tua sas fagayu. Kanya tua nangus fag Fun ngay fun at fagtoglagun. Aroro kanya way lang at mafafayamag at ngay madulo.”

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Daniel 5:19

Aroro sat nafon anya fag fagmabalyananun, fagayu gaban taw sas fagayu talun sas fagdaul daga, tagsaman at ngay fangaringang anlimu anya. Ay kanya gfabul nusnga sinu fag taw at fakaylatun gfabul, ay wa gfabul at fagyudun kaylat gfabul, ay gfae fanambagun at fakaylatun fag taw, ay gfayud e fanambagun at fakauriun fag taw.

Daniel 5:20

Dewa katanya, kanya nafamanagsag ay nafamatungudun, nu katanya, Dius naiyan anya siginan at fagfagtainanan,

Daniel 7:8

“Kaduge au gamatangan at ngay sunge, nalag au sik sunge sirut nu gtugbung, sanya ginan tuluk sunge an-gunut. Kafag sunge e mata kata sik taw ay garingang kamatungudun.

Daniel 8:19

Ay kanya nalong te, “Namoyung au emu takafasludan gina ban Dius nafadasug at dotama, aroro kanya nafalganan wan taguyan fag buknga.

Daniel 8:4

Nalag au tuy nu gsunge nusnga nday fag furuan. Nusnga setaw fag fagbaugun we mafaragang anya ay we malagyu. Ay kanya mafafakamulun at fakaylatun, nu katanya, kanya anke fagmabalyananun.

Sakaryas 11:16

Aroro namae tagfangguna au sas Israel sik takata yud e tungkul fag tagalaga. Kanya ban wa ggubuk ya ngay tupa tagakabulun wan. Ay wa nanrvbvy ya at nalyam, ay wa namafia ya at ke ngay bangbang, ay wa namafangon ya at maniwang, dewa katanya, kanya nangon ngay tupa at mataglu at yamas, ay gbul at ngay u.

Uan 5:30

“Kwe fagmafakamulunun sa ku sadili. Gfaning au ku Mama nu ginsaful au taw at asalanan, ay matuyan ku fakamulun nu ginsaful au taw at asalanan, aroro bundi ku sadili lang fakaylatun ku fagfaningun nu bunway at nasugu tua angku at fakaylatun.

Uan 6:38

Aroro ku fagindagaun siginans banwa kwa namakamulun ku sadili fakaylatun nu bunway at nasugu tua angku at fakaylatun.

Fakamulun 4:28

Ay kanya fagayu nafakamulun kata am algan siginan am fagmabalyananun sabaliwa takadasug ban.

Deuterunumyu 10:17

Aroro ay Dius Yawi, gtungud tua tibak dius ay tibak fun. Kanya at mabalyanan tua ay at madulo fag Dius. Kanya di e fagfili ay wa gbul famaylatan fag famonun.

2 Tesalunika 2:3

Lag am gadayan nusnga sinu fag taw at foyungan, aroro ya kadasug kanya fag menit yakmay e gfawayan Dius, ay yakmay ban andasug at mauri fag taw tagafaurianan ban kabavn.

2 Tesalunika 2:4

Kanya ban kamatungudun sas fagayu fagsegan, ay gsakbo sas Dius at bale ay malunggung sanya ay gfoyung te, “Au wan Dius.”

2 Tesalunika 2:8

Ay sanya ginan ban, takamabo fag taw kasure, ay tam Fun Isus ban nu ndasug, gfabul anya siginan at uyup, ay gfamin anya siginan at fagmasineun.

Uswe 22:22

“Yawi sik mabalyanan fag Dius! Yawi sik mabalyanan fag Dius! Ay kanya saful way em fagnafakamulunun takatanya, ay anggan am nangus sumaful yangay am. Nu nafawayan way romi ay nafamabo Yawi, fabuli wan emi katsi fag menit.

At Nafasure 10:7

Ay gina ban at fafituk tagbarita nauyup at budyung, umfasludan ban Dius at algan at masuksukan, at ngay fagsuguan fag ngay taglong at nalong.

At Nafasure 12:14

Ay e nafon sa kafag mangena duak fakfak daul bio, at fanlayug laman umyayu siginans ule sas talun at yud e taw. Sanya ban e galaga anya kaduge tuluk banwa ay sik wabilug ya.

At Nafasure 13:1

Ay sanya ginan nalag au sik tagfangagat fag mela nu kasure siginans dagat. Kafag mela safulu at alfuyu ay safulu at sunge. Ay galay sik sunge e sangbo, ay galay sik alfuyu e rirukan sik ngayan tagfauri Dius.

At Nafasure 17:17

Dius nafamatangan kafag safuluk fun, laman at algan umfasludan, siginan nu gfon sa tagfangagat fag mela at fagmabalyananun gfunan yakmay anfasludan Dius at ngay nalong.

At Nafasure 17:3

At Masine fag Falad antayuk sa angku, ay kafag tagbarita nataban angku sa sik talun at yud e taw. Ay nalag au sik mangena gsakay si sik tagfangagat fag mela maraska. Kafag mela at alfuyu fitu ay at sunge safulu. Ay fagdaul at bilug marirukan sik ngay ngayan tagfauri Dius.