Daniel 11:31 - Fanawbuid tagsibaliwas Fakayabian

³¹ “Ay tagsis fawalan ban fag fun gsugu sat ngay tagfawayan laman gfauri Yawi at bale at maaladan. Kanya namaragang nu gfon fanggalangun ay namasakbo sas Yawi at bale at mauri fag fagagbilugun laman gfayud e masuad Yawi at bale.

Daniel 11:31 ပူးပေါင်းရင်းမြစ်များ

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 7:30

Yawi nalong te, “Ngay taw Uda nafakamulun at mauri. Ay kanya fagayu nafasakbo at masuya fag ngay fagsegan sa ku bale nu inda at fagnamauseganan angku, nu katanya, ansik masuya.

Takabalu 1:10

At ngay fawayan nabul wan fagayu at ramraman. Kanya nalag tibak talun at taw nu gsakbo sas Yawi at bale, Yawi deyud kaylat kanya fagayu nu gsakbo.

Takabalu 2:7

Fun Dius narasras yangay at fagirugan fanggalangun ay anggan at Bale. Ay kanya nafarasras sat ngay fawayan at ngay dingding, ay kafag ngay fawayan naudguroan sis Yawi at bale kata nu e fagmafulun.

Esekyel 9:7

Sanya ginan, Dius nalong sanya fag ngay taw te, “Namasuya am ku bale, ay namapnu am ngay taw at kinbul sas fagdaul basad ubung.” Ay kanya fagayu nalao wan laman namabul ngay taw.

Daniel 12:11

“Siginan ban nu gfaragang nu gfon ngay fanggalangun ay nu gfasakbo sas Yawi at bale at mauri fag fagagbilugun tagfayud e masuad, kalangfe yay ban sadik libu duak sandan siamk safuluk menit yakmay andasug at fakatabuan.

Daniel 8:24

Kanya ban umsik mabalyanan, dewa katanya, bunwa siginan at sadili fagmabalyananun. Ay kanya nu grasras, malimu, ay kanya ban at fakamulun fagayu umfasludan. Ay gfabul ban at ke fagmabalyananun fag ngay taw anggan Dius at ngay taw at yud e malong.

Daniel 8:26

“Daniel, matuyan am nalag sabaliwa nu gfaragang nu gfon fanggalangun sis balabag ay sis fafun. Dewa katanya, lag yap o glong aroro ngaduge yay ban nu kafasludan.”

Daniel 9:27

Ay kanya ban fag tagfangguna kawat sik maksvn fag nasadian laman sa sangay taw kaduge fituk banwa. Dewa katanya, nu nlangfe ban tuluk banwa ay unumk magdanun, kanya ban gfaragang wan nu gfon fanggalangun sis Yawi at bale ay kanya ban namasakbo sanya at mauri fag fagagbilugun tagfayud e masuad at bale. Ay kanya ban gbanwan sanya yakmay andasug Dius at nafalganan fag buknga laman sa kafag tagfangguna at fakatabuan.”

Usea 3:4

At masuad, ngaduge bank buknga ngay taw Israel nu yud e fun ay nu yud e ngay tagfangguna, ay nu yud gfon ngay fanggalangun, ay famamatang fag gang, ay at mafilian fag lanbung at fagagbilugun gina nanginsaful, ay nu yud e ngay fagsegan ya.

Mateu 24:15

“Ay lumag ban am at maksvn fag mauri tagfayud e masuad Dius at bale. Dius at taglong Daniel nalong sabaliwa takatanya. (Nusnga sinu tagtap tuy fag longan, atogdungugi.)

Markus 13:14

“Ay lumag ban am at maksvn fag mauri tagfayud e masuad Dius at bale, ay kanya ban malindug sat yud matuyan fag faglindugan. (Nusnga sinu tagtap tuy fag longan, atogdungugi.) Ginanya ban, fagayu taw tagsis talun Udea lagyui wan sa sangay buksul.

Lukas 21:20

“Nu nalag ban am sik ngay tagfawayan nu gligung Erusalem, sumaful wam te, munakbang wan Erusalem nu kaiklas.

At Nafasure 17:12

“Ay am nalag fag safuluk sunge at masuad, safuluk fun at yud batang gfunan, dewa katanya e gfon ban sanya fagayu at fagmabalyananun nanfunan, gasfuan kafag tagfangagat fag mela, ay kanya ban fagayu wa ngaduge nu gfunan.