Gina sis fatuluk banwa Sirus fag taw Persya nu gfunan, e andasug sas Daniel sik fansulitan. Daniel at ngayan yangay te, Beltesasar. Ay kanya fag fansulitan matuyan sabaliwa sik tagbia fag awayan. Siginan sik taginfan, Daniel natogdungug kafag fansulitan.
“Kanya gfaksvn at amatanganan laman namawayan tagsis fasiunan fag alvngvdan fag fun gadgaloan at ngay tagfawayan. Dewa katanya, tagsis fasiunan fag fun e ngay tagfawayan yangay at maseganama. Ay tagsis fasiunan fag alvngvdan fag fun gababawan way aroro e fawayan tagbalyawvtan laman gfawayan anya.
Tagsi bans fawalan baliwa fag fun guli sat talun gbuba at nabul fag ngay ramraman siginans fagawayanan. Ay ginanya ban kanya namawayan laman gfaragang ngay taw nu gseg ay nu gfon fanggalangun sas Dius. Sanya ginan ban, guli wan sat talun.
Aroro tagsis sakayan lino fag ngay tagfawayan siginans fakayabian baliwa namawayan anya. Nu katanya, kanya ban maksvn nu kalimu ay kafoli sat talun. Nu katanya, kanya ban kadotama Yawi at ngay taw at fagafanudan. Ay kanya ban namauseganan ngay taw at naubun at fagafanudun.
Siginan sik taw, Dius nawat fagayu gaban taw laman nanrapyagan sas fagdaul daga, ay kanya wan at nafalganan sas galay at sadi at buknga ay at ngay taba at daga.