Daniel 11:25 - Fanawbuid tagsibaliwas Fakayabian

²⁵ “Kanya gfaksvn at amatanganan laman namawayan tagsis fasiunan fag alvngvdan fag fun gadgaloan at ngay tagfawayan. Dewa katanya, tagsis fasiunan fag fun e ngay tagfawayan yangay at maseganama. Ay tagsis fasiunan fag alvngvdan fag fun gababawan way aroro e fawayan tagbalyawvtan laman gfawayan anya.

Daniel 11:25 ပူးပေါင်းရင်းမြစ်များ

Fangatulun 15:18

Sik taw at masakit gfangauri, fagsigadan awayan, dewa katanya, at magwanta fag taw gfae fagmanabayanun.

Fangatulun 28:25

Sik taw tagfangalabian, gfasigad awayan, dewa katanya, sik taw nu gafanud tua sas Yawi mul tua fagmaramramanun.

Daniel 11:10

“Ay tagsi bans fawalan fag alvngvdan fag fun at ngay baguama namaful ngayuk tagfawayan laman namalganan nu namawayan. At sadi si anya nu namawayan kata sik lugwak at yud e mafaragang. Kanya namawayan yakmay andasug sat maaladan fag furuan.

Daniel 11:2

“Katsi glong au sa emu at mafanud, tulu ya bank fun at nanfunan sas talun Persya. Ay at faufat bank fun amaramraman yap tua at naguna fag ngay fun. Ay siginan ban at ramraman, kanya umke fagmabalyananun, ay gfaylatan ban tibak fun te, namawayan tam talun Gresya.

Daniel 11:40

“Sa bans fakatabuan, tagsis fasiunan fag fun namawayan tagsis fawalan fag fun. Dewa katanya, tagsis fawalan fag fun e ngay sakayan famawayan, ay e ngay tagfawayan tagakabayuan ay ngayuk tagfawayan tagsi sangay sakayan lino laman namawayan anya. Kanya fagayu namawayan ngayuk talun kata lugwak nu giklas.

Daniel 11:5

“Ay tagsi bans fasiunan fag alvngvdan fag fun umsik mabalyanan. Dewa katanya, at sadi ban at tagfangguna amabalyanan yap tua anya. Ay kanya ban fag fun sirut umsik fun yangay ay mabalyanan tua ban nu gfunan.