Daniel 11:20 - Fanawbuid tagsibaliwas Fakayabian

²⁰ “Ay tagtubus ban anya fag fun gsugu sa tagfangguna te, ‘Loi wan namaful o famayad sa angku laman gfamut ku ramraman.’ Ay wa ban ngaduge kanya fag fun kabul wan. Nu kabul ban bunwa siginans awayan ay bunwa te, e kadotama anya.

Daniel 11:20 ပူးပေါင်းရင်းမြစ်များ

2 Fun 23:35

Yuyakim nabul ngay taw Israel at famayad fag salapi ay gintu, nu seyu sik taw at fagmakatuun. Ay kanya nafon sas fun Neku kata at fagetun.

Fangatulun 30:33

Nu gdadas o ay naunaw, arodi vtv, yudu wan. Ay nu e nafalang sik taw at dungus, gtaguk. Katanya yangay nu e nafauri way nusnga sinu fag taw, arodi e fagawayanun.

Isayas 60:17

Ngay tansu gtubus kban gintu, ay ngay sanbung gtubus au salapi, ngay balse gtubus kban tansu, ay ngay gang gtubus au sanbung. Nu katanya, fagmanabayanun ban ay fagmatuyanun gbanwan tua si emu.

Daniel 11:21

“Tagtubus ban anya, sik tagafalingunan way, ay wa masine kasik funan. Ay tagsanya fag ngay taw gina gamatangan te, mabayan, kanya ban fag fun namawayan, ay kamuagan laman gagbilug kafag fagfagtainanan.

Daniel 11:7

“Ay kanya ban fag mangena at faduksay gtubus anya laman gfunan sas fasiunan fag alvngvdan. Ay kanya ban namawayan tagsis fawalan fag alvngvdan fag fun at ngay tagfawayan, ay gsakbo ban sat maaladan fag furuan, laman namabo anya fagayu.

Abakuk 1:1

Katatuy Yawi at foyungan sas Abakuk fag taglong.