Daniel 11:17 - Fanawbuid tagsibaliwas Fakayabian

¹⁷ Ay tagsis fawalan baliwa fag fun maksvn nu kaylat namawayan tagsis fasiunan fag fagfagtainanan sas fagdaul at fagmabitsugun. Taguna, kanya gfon at baguina laman namae bubay sa tagsis fasiunan fag fun, laman nangasadi sa anya. Sa takatatuy fag balyawvtan kanya maiklas tagsis fasiunan baliwa fag fagfagtainanan. Dewa katanya, wa ban kafasludan at algan.

Daniel 11:17 ပူးပေါင်းရင်းမြစ်များ

2 Fun 12:17

Ginanya, Aram at fun Kasael, nafawayan ay naago furuan Gat. Ay sanya ginan, nafawayan yangay Erusalem.

2 Krunika 20:3

Ay Eusafat anlimu ay ankakbang sas Yawi. Ay nasugu sas fagayu taw Uda te, “Lag tam gfangon laman gdarangin tam.”

Alubad. 56:9

Dius, nu naet au sa emu gubuk, ku ngay fawayan lumagyu. Nasaful kwa te, o wan ku taggubuk.

Fangatulun 19:21

Ngayu tam algan, dewa katanya, Yawi tua at fakaylatun takafaning.

Esekyel 17:17

Igiptu at fun ay anggan at maseganama ay tangayu fag ngay tagfawayan wa ban ggubuk anya gina e awayan, gina ban ngay taw nawat tagbia ayu daul fag ngay dingding alad, laman namabul ngayuk taw.

Esekyel 25:2

“Taw at baguama, nansalubang o sabaliwas talun Amun ay nanlong o te, e kadasug ban mauri sa anya fagayu.

Esekyel 4:3

Sanya ginan, namul o sik sanbung marafad kata sik alad gang fanwabilug emu siginans furuan. Sanya ginan, salubangi sas furuan kata nu namawayan o. Ay kanya sik famasaful sa sangay taw Israel te, at ngay fawayan ban namawayan anya fagayu.

Esekyel 4:7

Dogi yap damai am fagrirukan ay damai furuan Erusalem at aninu at nababawan, ay aringangi sabaliwa sa ngay taw Israel, kaduge am lanbung at take mafalutan.

Daniel 11:19

Ay kanya ban guli wan sat ngay furuan at maaladan. Dewa katanya, kanya ban gababawan wan.

Daniel 9:26

Ay nu nlangfe ban ufatk sandan tuluk safulu e ufatk banwa, e gfabul ban Dius at nafili fag Fun ay wa ban e ggubuk ya anya. Kafag tagfangguna at ngay fagsuguan nangiklas furuan ay Yawi at bale. Dewa katanya, umdasug ban masakit at fakatabuan kata tagbia fag lugwak. Dius nafalganan te, gfataglayun ban nu e awayan ay nu giklas anggan sas fakatabuan.

Abakuk 1:9

At ngay tagfawayan kadasug laman namaidapan at fawayan fag ngay taw. Kanya fagayu kata sik maksvn fag tagmara siginans fakamenitan. Ay kanya fagayu nataban ngayuk taw, kayu lagnas.

Mateu 12:30

“Ay nusnga sinu at yud gfadiuganan angku, kanya ku fawayan way. Ay nusnga sinu at yud ggubuk angku gfaful ngay taw, gfasaruayan way.

Lukas 11:23

Nusnga sinu at yud gfadiuganan angku, kanya ku fawayan way. Ay nusnga sinu at yud ggubuk angku gfaful ngay taw, gfasaruayan way.

Lukas 9:51

Nu munakbang wan fag menit Isus nu kafoli sas banwa, anke algan glao sas Erusalem.

Ruma 8:31

Nataw ya tam longan sa takatanya fagayu? Dius nu siwa antam, sinu at mafabadbaboan antam?