Daniel 11:11 - Fanawbuid tagsibaliwas Fakayabian

¹¹ Ay at kaksvnan tagsis fasiunan fag fun nu kadotama, kanya nanamawayan tagsis fawalan fag alvngvdan fag fun at ngay tagfawayan yakmay nababo.

Daniel 11:11 ပူးပေါင်းရင်းမြစ်များ

1 Fun 20:13

Sanya ginan, sik taglong andasug sas Akab ay nalong te, “Katatuy Yawi at longan: ‘Nalag wo Ben-Adad at ngay tagfawayan ngayu, dewa katanya, katsi fag menit namababawan au anya sa emu, ay sumaful o te, au wan Yawi.’ ”

1 Fun 20:28

Ay Dius at fagsuguan nasas Israel at fun ay nalong te, “Katatuy Yawi at longan: ‘Ngay taw Aram nu glong ngay buksul kway at Dius ay bunwa au datag at Dius. Nu katanya, namababawan au sa emu at ngay tagfawayan, laman sumaful am te, au wan Yawi.’ ”

Alubad. 76:10

Dius, nu kadotama o ngay taw dewa maksvn, takatanya, gfaksvn way laman ngay taw gfauseganan emu! Ay nagbilug o kafag ngay taw at dotama laman am famawayan.

Eremyas 27:6

Nu katanya, katsi namon kwan ay ngay talun sa ku fagsuguan Nabukudunusur, talun Babilunya at fun. Ay anggan tagsis talun fag ngay mangilafang namagbilug kwan sa anya.

Daniel 11:12

Aroro kanya nababo, kanya kamatungudun ay ngayu yay at fagnamabulun. Dewa katanya, wa ban gugat gbabo.

Daniel 11:40

“Sa bans fakatabuan, tagsis fasiunan fag fun namawayan tagsis fawalan fag fun. Dewa katanya, tagsis fawalan fag fun e ngay sakayan famawayan, ay e ngay tagfawayan tagakabayuan ay ngayuk tagfawayan tagsi sangay sakayan lino laman namawayan anya. Kanya fagayu namawayan ngayuk talun kata lugwak nu giklas.

Daniel 11:44

Dewa katanya, e ngay barita ban siginans fakamenitan ay fasiunan at namafanawa anya. Ay kanya ban kadotama maksvn ay namawayan ay namabul ngayuk taw.

Daniel 11:5

“Ay tagsi bans fasiunan fag alvngvdan fag fun umsik mabalyanan. Dewa katanya, at sadi ban at tagfangguna amabalyanan yap tua anya. Ay kanya ban fag fun sirut umsik fun yangay ay mabalyanan tua ban nu gfunan.

Daniel 2:38

Yawi nafagbilug wan sa emu ngay taw, ngay fagbaugun, ay ngay manuk tungud nusnga nday. Ay kata o kafag fagsegan at alfuyu at mawatan gintu.

Daniel 8:7

Ay at kaksvnan nu kadotama, nasunge ay kafag tupa at sunge fagdua an-gatvng. Ay tupa wa mafawayan ya ay antangda, nu katanya, kafag kambing nasiad anya. Ay we makatu ya ggubuk kafag tupa.