Daniel 10:16 - Fanawbuid tagsibaliwas Fakayabian

¹⁶ Ay kanya nated ku bibig, ay maringang kwan. Nalong au sat malindug si ku daga salubangan te, “Anmomuy au ay anlukme aroro sa ku nalag fag taginfan.

Daniel 10:16 ပူးပေါင်းရင်းမြစ်များ

Nu Galin 4:10

Ay Muisis nalong sas Yawi te, “Ku Fun, wa masine nu garingang au. Siginan ebi ay dasug katsi, gidapan kway garingang, ay dewa katsi gina ta gkamatoan. Kwa masnug.”

Nu Galin 4:13

Dewa katanya, Muisis nalong te, “Ku Fun, nu masine sa emu, sugui yap tibak taw.”

Takamoyung 1:18

Aroro kaduge au kae fagsafulun, kafamut yangay ku fakabaluun.

Isayas 6:7

Ay kanya nafatayuk kafag singsing afuy sa ku bibig ay nalong te, “Katsi nafatayuk kwan tuy fag singsing afuy sam bibig, nu katanya, wo e asalanan ya; nafalyam kwan.”

Eremyas 1:9

Sanya ginan, Yawi nafalugde at take ay nated ku bibig ay nalong te, “Gfon au sa emu ku ngay longan am fagnanlongun.

Esekyel 1:26

Ay sanya e kata sik faglunggungan mawatan siginan tagmedmeloun fag ngay gang, ay sanya fag faglunggungan e kata sik taw.

Esekyel 3:27

Dewa katanya, gina kban gfakamatoan emu gdog wo maringang. Ay nanlong ban o sanya fag ngay taw te, ‘Katatuy Yawi tam Fun at longan.’ Tiba bank taw gdungugan emu ay tiba ban wa kaylat gdungugan, aroro kanya fagayu kamabo way.”

Esekyel 33:22

Egmenit ataw fag yabi, gina kafag taw gakadasugun, Yawi at fagmabalyananun antayuk sa angku ay nadog kwan maringang.

Daniel 12:8

Kwa nyamag kanya at famalus ay nainto au anya te, “Nataw ban at fungfung kanya fag ngay takadasug?”

Daniel 4:19

Daniel (at ngayan yangay te, Beltesasar) nafanawa ay anlimu nu nadungug fun at taginfan. Nu katanya, fun Nabukudunusur nalong te, “Beltesasar, lag o kalimu ku taginfan.” Beltesasar gbalus te, “Mesug fag fun, sa way ban nangus am ngay fawayan tuy nu kafasludan.

Daniel 7:15

“Nafanawa au ku ngay nalag.

Daniel 7:28

“Katanya ku taginfan. Nafanawa au ay anlimu. Dewa katanya, kwa nalong ku taginfan sas nusnga sinu.”

Daniel 8:15

Kaduge au gdama ku nalag ay gamatangan at masuad, masakit anlindug sa ku daga salubangan sik takata sik taw.

Daniel 8:17

Gina Gabriel ankakbang sa angku, anlimu au maksvn ay anlub. Dewa katanya, kanya nalong sa angku te, “Daniel, masine nu kasaful o te, am taginfan at masuad sabaliwa fagdaul daga nu katabu.”

Daniel 8:18

Kaduge kanya gfakamatoan angku, kwa gamatang ya ku bilug ay anlub au sas daga. Dewa katanya, kanya nated ku take ay nafalindug angku.

Daniel 8:27

Sanya ginan, au Daniel anke fakasaitun au nu seyuk menit. Ay nu nfia au, anfoli au sas fun at nafon angku fag fakamulun. Dewa katanya, gamatangan kyay gugat ku nalag aroro kya nasaful at masuad.

Daniel 9:21

Ay kaduge au gdarangin, anfasludan kata ku nalag ebi sa ku taginfan, Gabriel masakit nu glayug ay andasug sa angku. Ginanya fag buknga, gfon fanggalangun sfafun.

Lukas 1:64

Ginanya yay, Sakaryas maringang wan, ay gfauseganan Dius.

Lukas 21:15

Aroro gfoyung kban sa ayu at mamatanganan fag longan laman at nansalag ayu wa mababo ay we fagmafamayudun ya ay longan.

Uan 20:28

Ay Tumas nalong te, “Ku Fun ay ku Dius.”

Uswe 5:14

Kafag mangama gbalus te, “Duan. Andasug au laman tagfangguna Yawi at ngay tagfawayan.” Ay Uswe namalub sas daga laman kamababaun sa anya ay nainto te, “Ku Fun, nataw am longan sa angku, am fagsuguan?”

At Nafasure 1:13

Ay sis wabilug ngay fagfatungkudan salung e sik mangama takata Taw at Baguama. Kanya galanbungan aba sitsigon at sungkulan, ay sit dubdub e famutus at mawatan siginans gintu.

Tagfangguna 13:8

Ay Manwa nadarangin sas Yawi te, “Ku Fun, nu masine, fafolii yap kafag fagsuguan am nasugu laman namoyung emi nu setain ban em fakamulun sa kafag sisian nu nsalug wan.”

Tagfangguna 6:13

Gidyun gbalus te, “Yawi nangus nu si tua emi, wain fakatatuyun em kayaunanan? Wain kanya at fagyudun gfakamulun at madulo kata ebi at nafakamulun gina gfalangfe em ngay mangaguyang siginans talun Igiptu? Katsi Yawi nafabayan wan emi ay nafon sa sangay taw Midyan.”

Tagfangguna 6:15

Ay Gidyun nabalus te, “Tain ro nu mafalangfe au ngay taw Israel? Ay ami wan fag talanan at mamomuy sis Manase at kasugfunanan, ay si emi fag talanan au wan tagafalingunan.”