Daniel 10:14 - Fanawbuid tagsibaliwas Fakayabian

¹⁴ Katsi, ste au laman namayamag au sa emu takafasludan ban sam ngay kaiban fag ngay taw Israel, aroro am ngay taginfan sabaliwa takafasludan ban.”

Daniel 10:14 ပူးပေါင်းရင်းမြစ်များ

Fakasigadan 49:1

Sanya ginan, Akub nagewan at ngay baguama ay nalong te, “Wainyayam, e fagyalongun kyay sa ayu.

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Esekyel 12:27

“Taw at baguama, ngay taw tagbanwan sis Israel glong te, ‘Am ngay taginfan ay am ngay longan umfasludan, dewa katanya, glugo yay ban.’

Esekyel 38:16

Gug, namawayan ban o ku ngay taw Israel, kata sik linyabu tagtabun daga, laman ban ku fawayan fag ngay talun tumoglag angku te, kdi e malong.

Daniel 10:1

Gina sis fatuluk banwa Sirus fag taw Persya nu gfunan, e andasug sas Daniel sik fansulitan. Daniel at ngayan yangay te, Beltesasar. Ay kanya fag fansulitan matuyan sabaliwa sik tagbia fag awayan. Siginan sik taginfan, Daniel natogdungug kafag fansulitan.

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Daniel 12:9

Ay kanya gbalus te, “Fataglayuni, aroro at famalus am fagintoun ya kasaful ay wa masine glong yakmay ban andasug at fakatabuan.

Daniel 2:28

dewa katanya, e sik mabalyanan fag Dius sis banwa at mafafasure at ngay masuksukan nusnge wain. Ay kanya nafoyung sa emu takafasludan ban. Katsi, nanlong au sa emu am ngay nalag sim taginfan.

Daniel 8:16

Sanya ginan, e nadungug au sik aringang siginans Liskung Ulay glong te, “Gabriel, fayamagi sa anya at taginfan at masuad.”

Daniel 8:26

“Daniel, matuyan am nalag sabaliwa nu gfaragang nu gfon fanggalangun sis balabag ay sis fafun. Dewa katanya, lag yap o glong aroro ngaduge yay ban nu kafasludan.”

Daniel 9:22

Kanya nafakamatoan angku ay nalong te, “Daniel, nastie au laman gfayamag sa emu am taginfan.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Mikas 4:1

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Abakuk 2:3

Riruki yap lang aroro ya ndasug at buknga nu kafasludan, dewa ban glugo yay, fanyai yap, aroro matuyan umfasludan ban.

Tap 24:14

Guli kwan katsi sa ku kaiban. Dewa katanya, gina au galoun, gfararang au sa emu ngay taw Israel at fagnamakamulunun ban sa am ngay taw.”

Deuterunumyu 31:21

Ay nu ndasug ban sa anya fagayu faurianan ay fagidapun, kanya ban fag alubad tagfatuyan sabaliwa anya fagayu, aroro at ngay kasugfunanan ban wa kalyam kanya fag alubad. Nasaful kwan kanya fagayu at algan, dewa au yud yay nataban anya fagayu sa ku nafatuyanan fag talun.”

Deuterunumyu 31:29

Aroro saful au te, nu nbul kban gfakamulun ban am at mauri ay gsaruy ban am fagayu ku suguan ayu. Nu katanya, kadasug ban sa ayu fagmauriun aroro gfakamulun am at mauri sis Yawi at daga salubangan ay gfauri am anya siginan ay ngay fakamulun at mauri.”

Deuterunumyu 4:30

Fagidapun ban nu ndasug sa ayu, umfoli ban am sas Yawi ay namaning ban am anya.

2 Timuteu 3:1

Amatangani te, sa ban taguyan fag ngay menit, maksvn nu maidap.

Ebreu 2:3

Katanya yangay, wa ban tam masaruy faurianan nu dway tam gfae tungkul tuy fag fakalangfean at yud e gfasud. Tam Fun wan taguna at nafoyung sabaliwa kanya fag fakalangfean, ay ngay taw at ngay nadungug siginan anya, kanya fagayu tagfatuyan te, matuyan.