Daniel 10:13 - Fanawbuid tagsibaliwas Fakayabian

¹³ Dewa katanya, kwa vtv andasug stie aroro kaduge duak safuluk menit tagfangguna Persya fag fagfagtainanan nasalag angku. Balikam Mikael, ngay tagbarita at fun, nu nagubuk angku aroro au way lang at nafawayan Persya at tagfangguna.

Daniel 10:13 ပူးပေါင်းရင်းမြစ်များ

Esra 4:24

Nu katanya, nafaragang yay nu kawat Dius at bale sis Erusalem sitsigons faduak banwa Daryu nu gfunan sis talun Persya.

Daniel 12:1

“Ginanya ban, Mikael kadasug. Kanya sik mabalyanan fag tagfangguna tagalaga am ngay kaiban. Ginanya ban fag buknga maidap, ay ya batang e ndasug takaksvn nya fag fagidapun sas Israel siginan nu kasik talun. Dewa katanya, gfalangfe kban am ngay kaiban at ke ngayan at marirukan sis fafil sabaliwas leleg yud e fakatabuan.

Efesu 6:12

Aroro tam fawayan bunwa taw, nu bunway at mauri way fag ngay falad sis banwa, ngay tagfunan, ay ngay ke fagmabalyananun, ay ngay tagagbilug fagmadulumun ste swa daga.

Kulusas 2:10

Ay siginan ay fagmasadiun sa tam Fun Isus, ay leleg ansak tua. Kanya wan tiba tungud sas fagayu fagmabalyananun ay fagmafunanun sas fanfalad.

1 Tesalunika 2:18

Maksvn nu gasanyaun ami, kaugat wan au Pablu, dewa katanya, Satanas gsalag way gugat emi.

1 Pedru 3:22

Tam Fun Isus siwas banwa ay malunggung sis Dius at siun, ay gfunan at ngay tagbarita ay at ke ngay fagmabalyananun sis banwa.

Udas 1:9

Mikael wan tagfangguna ngay tagbarita, dewa katanya kanya wa nafabadbaboan ay nafalingun Satanas, gina kanya fag dua gbadbaboan sabaliwa nu sinu at namul Muisis at bilug, nu bunway kata way tuy at longan, “Fun Dius waban nangus tagsalag emu.”

At Nafasure 12:7

Ay nu nlangfe wan takatanya anke awayan sis banwa. Ay Mikael fag tagbarita gasfuan at iba fag ngay tagbarita namawayan ule daul, ay kafag ule daul gadgaloan at ngay tagbarita laman namawayan.