Daniel 10:1 - Fanawbuid tagsibaliwas Fakayabian

¹ Gina sis fatuluk banwa Sirus fag taw Persya nu gfunan, e andasug sas Daniel sik fansulitan. Daniel at ngayan yangay te, Beltesasar. Ay kanya fag fansulitan matuyan sabaliwa sik tagbia fag awayan. Siginan sik taginfan, Daniel natogdungug kafag fansulitan.

Daniel 10:1 ပူးပေါင်းရင်းမြစ်များ

Fakasigadan 41:32

Mesug fag fun, dua ginan o gtaginfan, laman sumaful o te, Dius nafafalganan takadasug ban, ay gakafasludanun wan takatanya.

2 Krunika 36:22

Gina taguna fag banwa fun Sirus nu gfunan sis Persya, Yawi nafafasludan at longan at nalong sat taglong Eremyas. Ay kanya nafamatanganan Sirus laman kawat sik foyungan. Ay fun Sirus nariruk kafag foyungan, ay nafabuba sas fagdaul at fagfagtainanan.

Esra 3:7

Ngay taw Israel nafon salapi at famayad sa sangay tagfasine gang ay sa sangay takawat bale. Ay nafon yangay ngay fakonun, fanginum, ay bantika laman at fon sa sangay taw Sidun ay sa sangay taw Tiru, laman at famayad ngay kayu sidru tagsiginans Lebanun. Ay nafasakay kafag ngay kayu sa sangay sakayan lino ay nafadasug sas Upa. Ay Sirus, Persya at fun, naylat.

Esra 4:3

Dewa katanya, Serubabel, Eswa, ay ngay tagfangguna ngay talananan nabalus te, “Sirus, Persya at fun nasugu emi te, ‘Fadogi yap awati Yawi at bale.’ Dewa katanya, wam masine ggubuk emi kawat sik bale laman sa em Dius, ami yakman lang takawat laman sas Yawi, Israel at Dius.”

Esra 4:5

Ay kanya fagayu nafon famayad sas Persya at ngay tagfangguna laman gsalag ngay taw Uda at algan. Kanya fagayu gfataglayun at fakamulun takatanya gina Sirus gfunan sis talun Persya yakmay Daryu at fun sanya fag talun.

Esra 6:14

Nu katanya, ngay taw Udyu at ngay fagtainan gfataglayun nu gfakamulun kaduge Yawi at ngay taglong Agay ay Sakaryas, Iddu at baguama, gfabitsug at ngay amatanganan. Kanya fagayu nafatabu Yawi at bale kata Israel at Dius at suguan kata fun Sirus, Daryu, ay Artaserses, talun Persya at ngay fun at nafafakamulun.

Esra 6:3

Tuy fag rirukan tagfamatang te, gina taguna fag banwa fun Sirus nu gfunan, kanya nasugu te, fadogi yap awati Yawi at bale sis Erusalem, nu dada nu namuba at ngay fanggalangun. Famaogati tua at fagtungkudan turuk. At kabatan siamk safuluk darafa gsugfunan, ay at kabaan siam yangayk safuluk darafa gsugfunan.

Isayas 44:28

Nalong au sas Sirus te, ‘O ban tagulit ku ngay taw, ay at namakamulun fagayu ku fakaylatun. Sugui te, Dogi yap awati furuan Erusalem, ay anggan ku bale.’ ”

Daniel 1:17

Dius nafon sanya fag ufatk baguama fagtogdungugun ay fagsafulun sangay rirukan. Saman ya kanya, Daniel anke fagsafulun sa nu gfayamag ngay taginfan at masuad.

Daniel 1:21

Daniel gfataglayun gfakamulun sas fun Nabukudunusur sitsigons taguna fag banwa fun Sirus nu gfunan.

Daniel 1:7

Ay Aspenas natubus kafag ngay baguama at ngayan. Ay nafangayan Daniel te, Beltesasar, ay Kananya, Sadrak, ay Misael, Mesak, ay Asarya, Abednegu.

Daniel 10:14

Katsi, ste au laman namayamag au sa emu takafasludan ban sam ngay kaiban fag ngay taw Israel, aroro am ngay taginfan sabaliwa takafasludan ban.”

Daniel 11:2

“Katsi glong au sa emu at mafanud, tulu ya bank fun at nanfunan sas talun Persya. Ay at faufat bank fun amaramraman yap tua at naguna fag ngay fun. Ay siginan ban at ramraman, kanya umke fagmabalyananun, ay gfaylatan ban tibak fun te, namawayan tam talun Gresya.

Daniel 12:4

Daniel, faluti yap tuy fag fafil ay lag yap o gfoyung sa sangay taw tuy fag longan yakmay ban andasug at fakatabuan. Kaduge tuy fag longan masuksukan, ngayu bank taw takaylat gyasafulun takafasludan.”

Daniel 12:9

Ay kanya gbalus te, “Fataglayuni, aroro at famalus am fagintoun ya kasaful ay wa masine glong yakmay ban andasug at fakatabuan.

Daniel 2:21

Kanya wan tagfainbalian buknga. Kanya wan at nanfili nusnga sinu at nanfunan ay tagtubus. Kanya wan tagfon fagsafulun sat ngay ke fagsafulun.

Daniel 4:8

Ay sanya ginan, Daniel ankakbang sa angku. (Nafangayan anya te, Beltesasar kata ku dius at ngayan. Si wa anya ngay dius at falad.) Ay nafansulit au sa anya ku taginfan.

Daniel 5:12

At ngayan Daniel, am mama at nafangayan yangay te, Beltesasar. Kanya e madulo fag fagmakatuun ay fagsafulun. Kanya e fagsafulun gfayamag ngay taginfan, ay saful glong at masuksuk fag ngay longan at masuad, ay saful gfasine at maidap fag ngay malong. Nu katanya, fauroi anya ay kanya ro gfayamag at marirukan sis dingding.”

Daniel 5:17

Ay Daniel gbalus te, “Em fun, lag ro gfon ya sa angku famangsi; foni way ro sa tiba. Dewa katanya, nantap kro at marirukan sis dingding ay gfayamag au sa emu.

Daniel 6:28

Kaduge fun Daryu gfunan ay anggan gina fun Sirus fag taw Persya gfunan, Daniel manabayan tua.

Daniel 8:16

Sanya ginan, e nadungug au sik aringang siginans Liskung Ulay glong te, “Gabriel, fayamagi sa anya at taginfan at masuad.”

Daniel 8:26

“Daniel, matuyan am nalag sabaliwa nu gfaragang nu gfon fanggalangun sis balabag ay sis fafun. Dewa katanya, lag yap o glong aroro ngaduge yay ban nu kafasludan.”

Lukas 1:20

Ay aroro wo gafanud, wa ban o maringang yakmay ban anfasludan ku nalong sa emu. Aroro matuyan, umfasludan waban fia nu ndasug tam Dius at nafalganan fag buknga.”

At Nafasure 19:9

Ay kafag tagbarita nalong sa angku te, “Riruki takatatuy: Mauseganan at nagewanan sas Tupa Riangan at fakadadwaan.” Ay nalong yay fia te, “Dius nalong takatanya, ay matuyan at ngay longan.”