Daniel 1:2 - Fanawbuid tagsibaliwas Fakayabian

² Kanya nababo ay nataban fun Yuyakim kata Fun Dius at fakaylatun. Ay kanya nabul tibak fagagbilugun sis Dius at bale ay nabuba sas Babilunya, ay nafasat fagfasuksukan ngay ramraman sit fagsegan at bale.

Daniel 1:2 ပူးပေါင်းရင်းမြစ်များ

Fakasigadan 10:10

Taguna fag ngay furuan Nimrud at fagfagtainanan: Babilunya, Erek ay Akad. Kafag ngay furuan sis talun Sinar.

Fakasigadan 11:2

Kaduge ngay taw gadgalinan at fagbanwanan siginans fakamenitan sas fakayabian, kanya fagayu andasug sa sik datag sas talun Sinar, ay gbanwan sanya.

2 Fun 24:1

Gina Yuyakim gfunan, Nabukudunusur, Babilunya at fun, nanamawayan anya. Kaduge tuluk banwa Nabukudunusur nafagsuguan Yuyakim, dewa katanya, sis fatuluk banwa, Yuyakim nafawayan anya.

2 Krunika 36:5

Yuyakim duak safulu e limak banwa gina gfasigad gfunan. Ay kanya gbanwan sis Erusalem, ay nu gfunan labi sadik banwa. Ay kanya nafakamulun at mauri sit Dius Yawi at daga salubangan.

2 Krunika 36:7

Ay Nabukudunusur nabuba yangay sas talun Babilunya tibak fagagbilugun sis Yawi at bale, ay nafasakbo sat bale.

Esra 1:7

Ay fun Sirus nafafoli yangay ngay fagagbilugun sas Yawi at bale, fun Nabukudunusur at nabul siginans Erusalem ay at nafasakbo sat fagsegan at bale.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 42:24

Sinu at nasugu te, nanfangkamuli ay nangagoi ngay taw Israel at ramraman? O nunda bunwa Yawi? Kanya tam nafamaboan. Aroro wa tam nafaning at ngay balyawvtan ay at ngay suguan.

Eremyas 25:1

Katatuy at foyungan sa sangay taw Uda. Yawi nafon sas Eremyas tuy fag foyungan gina sis faufatk banwa Yuyakim, fun Usyas at baguama, nu gfunan. Ay ginanya taguna fag banwa fun Nabukudunusur nu gfunan sis talun Babilunya.

Eremyas 27:16

Sanya ginan, nalong au sa sangay tagfon fanggalangun ay sa sangay taw, Yawi at longan te, “Lag am gafanud ngay taglong nu glong te, ‘Munakbang wan nu gfafoli ngay fagagbilugun sas Yawi at bale siginans talun Babilunya.’ Kanya fagayu kamuag way.

Eremyas 28:3

Si bans faduak banwa, gfafoli kwan sa ku bale ngay fagagbilugun fun Nabukudunusur, talun Babilunya at fun, at nabul ay at nabuba sat talun.

Eremyas 35:11

Dewa katanya, gina fun Nabukudunusur, Babilunya at fun nanamawayan ste sfuruan, anlimu ami maksvn ngay taw Babilunya ay taw Aram at ngay tagfawayan, nu katanya, ansadi ami te, glagyu wami sas furuan Erusalem. Kanya wan katsi em fagbanwanun iste fag furuan Erusalem.”

Eremyas 50:2

“Fadungugi sa sangay talun foyungan at yud e masuksukan ay fabati sik ramit, famasaful te, talun Babilunya anrasras wan. Ay at ngay fagsegan at mapla anrufa wan anggan at fagsegan Bel ay Marduk anrufa yangay.

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Daniel 5:13

Ay e nataban Daniel sas fun, ay fun nainto anya te, “O Daniel o, ku mama at natabanan at sadi fag taw Udyu siginans Uda?

Daniel 5:18

“Em fun, am mama Nabukudunusur Tiba Tungud fag Dius at nafili fag fun. Kanya anke fagmabalyananun ay ngay taw nafauseganan anya.

Abakuk 1:16

Aroro ngayu at nataban, kanya fagayu kamatungudun at ngay fagmakatuun kata sik tagfangalbon nu gseg at fanggamat, siginan nu gfon at mabebanglu fag fanggalangun sat fanggamat. Siginan at fanggamat, kanya anke ngay ramraman ay anke ngay fakonun.

Sakaryas 5:11

Ay kanya nabalus angku te, “Sas Babilunya, nu inda nu kawat sik bale laman fagfasakboan kafag sabi. Ay gina ntabu, namasakbo sanya kafag sabi.”

Deuterunumyu 32:30

Tain ro sik taw nu mafafalo sadik libuk taw Israel? Ay tain ro duak taw nu mababo safuluk libuk taw? Wa ro umfasludan takatanya, at Dius Yawi, takata sik gang fagsarirungan, nu dway nafababo anya fagayu.

Tagfangguna 2:14

Ankugat yay Yawi nu kadotama ngay taw Israel Nu katanya, kanya nafabayan ngay tagfangkamul laman namul at ngay ramraman. Ay Yawi nafabayan yangay at ngay fawayan sit ligung nu namawayan anya fagayu ay kanya fagayu wa makatu gbalabag at ngay sadili.

Tagfangguna 3:8

Nu katanya, Yawi ankaksvn nu kadotama ngay taw Israel, ay nafabayan talun Aram-Naaraim at fun Kusan-Resataim nu gbabo anya fagayu. Nu katanya, ngay taw Israel nafagsuguanan ngay taw Kusan-Risataim kaduge waluk banwa.

Tagfangguna 4:2

Nu katanya, Yawi nafabayan fun Abin tagsiginans Kasur nu nangagbilug ngay taw Israel. Abin, taw Kanaan at fun. Kanya at ngay tagfawayan at fun, Sisera, ay gbanwan sis Karuset-Aguyim.

1 Samwel 5:2

Sanya ginan, nabuba sat fagsegan Dagun at bale, ay nafatungkud sis day Dagun fag fagsegan.