Daniel 1:19 - Fanawbuid tagsibaliwas Fakayabian

¹⁹ Ay fun Nabukudunusur nafakamatoan anya fagayu, ay nalag te, we gfasud ya Daniel, Ananya, Misael ay Asarya at fagsafulun. Nu katanya, kanya nafili kafag ufatk baguama laman at tagfakamulun.

Daniel 1:19 ပူးပေါင်းရင်းမြစ်များ

Fakasigadan 41:46

Kanya tuluk safuluk banwa nu gfasigad ggubuk Igiptu at fun. Ay kanya nalao siginans Igiptu at fun at akbang ay anfagdaul talun Igiptu.

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

Fangatulun 22:29

At ke fagsafulun sas nusnga setaw, at fagnamakamulunan sa tuas fun, bundi sa tibak taw.

Eremyas 15:19

Nu katanya, Yawi nalong sa angku te, “Nu gubun tuo am asalanan, namafoli au emu sa ku day tigyangan laman namataglayun o namakamulun sa angku. Nu matuyan tua ban fia fagayu am longan, ay nu gsaruy tua ban o fagayu at mauri, namadog kban nanfili emu laman ku taglong. At matuyan, kanya way ban fagayu at nangakbang sa emu.

Daniel 1:18

Nu nlangfe tuluk banwa nu gfoyung ngay baguama fagayu, kata fun Nabukudunusur at suguan, Aspenas nataban anya fagayu sas fun at daga salubangan.

Daniel 1:4

Filii at maseganama, mataglu, maleleg, at masakit kae fagsafulun ay masine laman ku ngay fagsuguan.” Ay fun Nabukudunusur nasugu sas Aspenas te, “Foyungi yangay sa anya fagayu, tam fangaringang ay tam ngay rirukan.”

Daniel 1:5

Fun Nabukudunusur nasugu yangay te, “Kayu menit, am famafangon kanya fag ngay baguama fasiginani wan ku ngay fakonun ay ku fanginum. Ay nu nlangfe ban tuluk banwa nu gfoyung o, kanya ban fag ngay baguama namakamulun laman sa angku.”

Daniel 1:6

Ay Daniel, Kananya, Misael, ay Asarya tagsiginans Uda at kasugfunanan antap sit nafili fag ngay baguama.

Daniel 1:7

Ay Aspenas natubus kafag ngay baguama at ngayan. Ay nafangayan Daniel te, Beltesasar, ay Kananya, Sadrak, ay Misael, Mesak, ay Asarya, Abednegu.

Daniel 2:13

Ay gina e nafoyung fun at suguan te, fabuli kafag ngay tagfangatulun, nananrvbvy yangay anggan Daniel ay at ngay fagadgalangan laman namabul.

Daniel 3:29

Ay katsi, gsugu au te, nusnga sinu fag taw dewa ndaginan fag talun, ay nusnga setaw at fangaringang, at nalong mauri sas Sadrak, Mesak, ay Abednegu at Dius, umsaruayan ban at ngay afud bilug ay umkiklas at ngay bale. Aroro we tibak Dius at mafalangfe kata at nafalangfe kafag tuluk baguama fag Dius.”