Daniel 1:17 - Fanawbuid tagsibaliwas Fakayabian

¹⁷ Dius nafon sanya fag ufatk baguama fagtogdungugun ay fagsafulun sangay rirukan. Saman ya kanya, Daniel anke fagsafulun sa nu gfayamag ngay taginfan at masuad.

Daniel 1:17 ပူးပေါင်းရင်းမြစ်များ

1 Fun 3:12

gfon au emu fagayu am fagetun. Gfon au sa emu fagsafulun ay fagmamatanganun at yud yay batang e nagbilug ay at yud ban e magbilug ya kabavn.

1 Fun 3:28

Ay ngay taw nu nadungug fun Sulumun at nafakamulun anke fakalimuun sa anya, aroro kanya fagayu nasaful te, fun Sulumun anke fagsafulun siginans Dius sa nu gfawabilugan.

2 Krunika 1:10

Nu katanya, katsi, get au sa emu te, foni angku fagsafulun ay fagmamatanganun, laman ban mafunan au am ngay taw. Sinu nunda at mananfunan am ngay taw ay kanya fagayu ngayu mandi?”

2 Krunika 1:12

namon au sa emu kata am fagetun. Ay saman ya kanya, namon kyangay sa emu ngay ramraman, ay famauseganan, ebi fag ngay fun at yud yay nagbilug at nangasik ngay fun yay ban at yud ya magbilug.”

2 Krunika 26:5

Usya kakbang tua gugat sas Dius kaduge Sakaryas gleleg, aroro kanya wan at nafoyung anya laman gfaning Dius. Ay kaduge kanya gfaning Yawi, e fagmanabayanun tua gugat.

Ub 32:8

Dewa katanya, at matuyan, Dius at falad tagsis taw, kanya tua tagfon fagmatogdungugun.

Fangatulun 2:6

Aroro Yawi wan tagfon fagsafulun ay fagmamatanganun ay fagmatogdungugun.

Takamoyung 2:26

Aroro Dius gfae fagsafulun ay gfae fagusegananun, ay gfasik mamatanganan, fagayu tagfauseganan anya. Ay Dius gfon sa sangay taw tagfakamulun mauri ngay fakamulun laman gfaful ngay ramraman ay gfon sas fagayu tagfauseganan Dius. Nu katanya, ngay taw mauri at fakamulun fagayu we masuad. Kata way nu gfafalo tagmara.

Isayas 28:26

Aroro Dius nafoyung tua anya, nasaful wan at fakamulun ro.

Esekyel 28:3

Gamatangan o te, amamatanganan yap tuo Daniel ay wo e fagyudun saful at masuksuk.

Daniel 1:18

Nu nlangfe tuluk banwa nu gfoyung ngay baguama fagayu, kata fun Nabukudunusur at suguan, Aspenas nataban anya fagayu sas fun at daga salubangan.

Daniel 1:20

Ay nusnga setaw at fun at fagintoun sa anya fag ufat, nasaful te, at fagsafulun gtungud yay sangay tagsaful gfasure at ngay madulo ay tagfangufit sit fagfunanun.

Daniel 1:4

Filii at maseganama, mataglu, maleleg, at masakit kae fagsafulun ay masine laman ku ngay fagsuguan.” Ay fun Nabukudunusur nasugu sas Aspenas te, “Foyungi yangay sa anya fagayu, tam fangaringang ay tam ngay rirukan.”

Daniel 10:1

Gina sis fatuluk banwa Sirus fag taw Persya nu gfunan, e andasug sas Daniel sik fansulitan. Daniel at ngayan yangay te, Beltesasar. Ay kanya fag fansulitan matuyan sabaliwa sik tagbia fag awayan. Siginan sik taginfan, Daniel natogdungug kafag fansulitan.

Daniel 2:19

Ginanya fag yabi, Dius nafasure sas Daniel siginan sik taginfan fun Nabukudunusur at taginfan ay at masuad. Ay Daniel nafauseganan tagsis banwa fag Dius te,

Daniel 2:21

Kanya wan tagfainbalian buknga. Kanya wan at nanfili nusnga sinu at nanfunan ay tagtubus. Kanya wan tagfon fagsafulun sat ngay ke fagsafulun.

Daniel 2:23

Nu katanya, gfauseganan au emu ku Fun, ku ngay mangaguyang at Dius. O wan at nafon angku ku fagsafulun ay ku fagmabitsugun. Ay nafon tuo sa emi em fagetun sa emu te, foyungi emi fun Nabukudunusur at taginfan.”

Daniel 2:30

Ay Dius nafoyung angku am taginfan, bunwa te, gtungud kyap tua ku iba, nu bunway laman mafafayamag ktua sa emu am taginfan at masuad at tagfasalag sim amatanganan.

Daniel 4:6

Nu katanya, nasugu au te, tabani sa angku fagayu tagfangatulun sis Babilunya laman gfayamag ku taginfan at masuad.

Daniel 5:14

Nasaful au te, si emu ngay dius at falad ay e fagsafulun o ay mamatanganan.

Daniel 7:1

Ebi taguna fag banwa gina fun Belsasar gfunan sis Babilunya, Daniel anke taginfan. Kanya nariruk at taginfan katatuy:

Daniel 8:1

Gina sis fatuluk banwa fun Belsasar nu gfunan, nadog au e nalag.

Tap 12:6

Yawi nalong te, “Dungugani angku! Nu e taglong kdi si ayu, garingang kro sa anya siginans taginfan.

Lukas 21:15

Aroro gfoyung kban sa ayu at mamatanganan fag longan laman at nansalag ayu wa mababo ay we fagmafamayudun ya ay longan.

Fakamulun 6:10

Dewa katanya, kafag ngay taw wa mababo Esteban sit longan aroro at Masine fag Falad nafae fagsafulun anya.

Fakamulun 7:10

Dius nafalangfe anya siginan sangay fagidapun. Ay nafae fagsafulun anya ay nagubuk laman Faraun, talun Igiptu at fun, kaylat tua anya. Nu katanya, Igiptu at fun nafili anya laman sik tagfangguna sis fagdaul talun Igiptu ay nafatigwanan wan sa anya fagayu at ngay fagagbilugun.

Fakamulun 7:22

Ay nafoyung sas Muisis ngay taw Igiptu at fagsafulun, ay kanya ansik mabalyanan sit longan ay sit fakamulun.

Kulusas 1:9

Nu katanya, nu nadungug ami sabaliwa ayu, gfataglayun ami gdarangin ayu. Get ami sas Dius te, kanya nangus gfon ayu fagsafulun ay fagmayamagun siginan at Masine fag Falad at gubuk, laman sumaful am at fakaylatun.

Santiagu 1:17

Fagayu famonun at masine ay at matuyan, kanya siginans banwa, siginan tam Mama, takawat nusnge wain at masulo sis banwa. Dius di gbadbalian kata kafag ngay tagyamag at lanbung nu gadgalinan.

Santiagu 1:5

Nusnga sinu am takaylat kae fagsafulun, eti sas Dius ay kanya gfon ro emu aroro kanya kamon ay di kamaplaun.